Ịrẹyị Ọzwọzịsa 5:10 - IWE ỌNỊNỊ

¹⁰ Aza ene sì ịrẹyị ẹkẹhị ọnịrị ogu baaba ẹ maa nyị ana hụ wa. Osusu kẹnẹ ọsọnị vị nị.

Ịrẹyị Ọzwọzịsa 5:10 ပူးပေါင်းရင်းမြစ်များ

Ahẹ Ụgama 52:1

Sị ẹ vẹ dị waa sị ebira odivi wo oto ẹwụ ene ro ka wâ nyị ụkata? Sị ẹ vẹ dị ụ maanị ee wo oto pooro wáá yẹ ka wa sị tẹ ini eyi Ohomorihi?

Ahẹ Ụgama 52:7

wéē re aza ana ka ẹnị e yi che ayị za Ohomorihi Wéē re aza ana sị ayị tụra ogu ẹnịnị, dị ẹ yaa wụ̀ azaa ha ka ẹnị ẹ̀ zụ nyị ụkata hu avọọ.

Ahẹ Ụgama 62:10

Ịsa ọnị waa mẹ ọza eyi ịngwẹngwẹẹ dọ avọọ asị ụ sị ayị tụra a ka u vaa sị mẹ ẹhẹ Asị ụ rẹ na sị ayị tụra a ka wàa sị ụkata-ụkata yi ọza Iisaka â nyị ịsa ozoza ọnị ụ vaa sị ẹngụ ịsa ẹnẹẹ mẹ, ogu awụ ọ̀ọ daka aa rụrụụ hu avọọ, asị ụ sị ayị tụra a.

Ịrẹyị Ọzwọzịsa 1:17

Ọ kà ọnị ọ mẹ asụvụrị ka ọnị ọ yẹ́ ịsa aa hị́ ịrẹyọyẹ ọnịrị ụra ọyị mẹ, ama dị ọnị re ne tu ka ọsọnị bẹẹ vana rẹ sị mẹẹ anka ọza rere aa dụ ahị avọọ nị.

Ịrẹyị Ọzwọzịsa 1:8

Ẹhẹ ọ sị du ọza eyi, irenu ẹ yị zụ ka a. Eyi ọza e yi re ẹtẹ pooro di ọ̀ ka a ka ọ sị ọnị tụ. Ọza ẹ yị wụ́ ịrẹyị pooro dị ọ̀ ka a ka ụtọ anị o sị hí.

Ịrẹyị Ọzwọzịsa 2:10

Ọ kà ọnị ẹ yị zụ mẹ ka ịsị eyi anị oo re kẹnẹ ọnị ẹ yị nyị ọ. Ẹ yị nyị ụmẹ ọnị ọnị sị yii ka ọnị ẹ ị mẹ ẹngwọmẹ ọnyọọnyị. Avaba ụkọrọ ọnị ọnị raa mẹ vana nyayịnẹ hine ọnị. Ọsọnị ọ vị ọgụ ọnị ọnị rị ịnị avaba ụkọrọ ọnị ọnị sị ẹhị ẹngụ anị mẹ nị.

Ịrẹyị Ọzwọzịsa 2:11

Ama ọnị o ve re avaba ịsị ọnị sị ẹhị ẹngụ anị mẹ ka avaba anị vị osusu. Ọ́ sị mẹẹ anka ọza oo rere aa dụ ahị avọọ nị. Ẹ yị nyị ịsị ọza aa dụ ịnị ẹhẹ ọnọnị ana nyị ọgụ vụrụ-vụrụ.

Ịrẹyị Ọzwọzịsa 2:26

Ọza ana ayị Ohomorihi oo hine tù ọọ̄ sị ịrẹyọyẹ ọnịrị ayohinee yị, dị ọ mẹ ka ọ̀ yẹ ịsa nị, ama ọza odivi vị ọnị Ohomorihii mẹ ka ọọ kụ oguu gụ, dị ọ̀ va hụrẹ wa ụvọ yị ọza ene zee ọnị eyi. Ọsọnị bẹẹ rẹ vị osusu, vị ọza aa dụ ahị kẹnẹ nị.

Ịrẹyị Ọzwọzịsa 3:19

Ọ kà ịsị ọnyọọnya o vee tu ọza ọnịrị ịsụpa. Ọnya mee su, avọọ ọ sa me vee su nị. Ụhwẹ ọnyọọnya ẹnị ẹyịva aa tụ nị, ọza ẹ yị dahi huni ịsụpa. Avaba anị vị osusu.

Ịrẹyị Ọzwọzịsa 4:16

Ohinọyị ọ zụ mẹ ịjọva tụra aza ọnị ọza ẹ yị yẹ za ịrịka ịrẹsụ, ama ịjị oo si hu, dị ahịka ọhịmị anị kẹnẹ aza aa kà nị. Ẹngụ ọsọnị bẹẹ rẹ vị osusu, ọ sị mẹẹ ọza òo rere ee sì ka ọnị ọ za ahị avọọ nị.

Ịrẹyị Ọzwọzịsa 4:4

Ọ kà ọnị ọ sị yẹ ka agụvị ọzọza ọ̀ dụ ọpa anị kẹnẹ aa sị aza mẹ̀ ụkọrọ dị ẹ yị nyị eyi tụ́ ụhwọ́ nị. Ịsị aa sị aza dụ ọyịkà tụ ọvịdị baaba ọ vị ọnọọ nị. Ọsọnị bẹẹ rẹ vị osusu, anka ọza o rere aa dụ ahị avọọ.

Ịrẹyị Ọzwọzịsa 4:8

Ọza ana vị ọnị ịnyaa, dị ẹ yị ma ozi ọnọrụ, dị ẹ̀ yị nyị ọyịnyara ọnọrụ. Ama aa mẹ̀ ụkọrọ ẹ yị nyị eyi tụ́ ụhwọ́, ẹ ma kà a ka ogu ọ sị hụ ọnị. Ẹ yị daba họ̀ use ka ẹnị ọnị maanị aa hụ ụvọ anị aa rị ụya, dị ọnị ẹ yị nyị ẹngwohyahị kẹ? Ọsọnị bẹẹ vị ụkọrọ ayodu, dị ọ rẹ vị osusu nị.

Ịrẹyị Ọzwọzịsa 5:9

Ohinọyị nyẹmba vị anaa za aza kụ ụrụkụ yị ẹngụ anị.

Ịrẹyị Ọzwọzịsa 6:7

Ọza ò re ịsa rị kẹnẹ ọza aa sịị mẹ avaba ụkọrọ ọnị aa mẹ dị ẹ nyị eyi tụ́ ụhwọ́ nị, ama ọza ẹ ma ka a ka ọ sị hụ ọnị ọgọnị.

Imatiwu 6:19

“Asị ụ kụ́ ogu tẹ yị ẹngụ awụ nịnị ịnị ẹhẹ ịzị ikereē rị ọ, di o reē kú ụrẹ, di oyi rẹ zụ chaka irehi di e ne yi ọ!

Imatiwu 6:24

“Ẹ yị nyị ọza ịnya ana nyẹngụ aa hẹkẹ ọga ẹẹva; ọ vaa nyị ịhyẹrẹ ọnya, di o sì ịrẹyị ọsa; ẹ̀ yị vị avọọ, dị ọ sị ayị yị ọnya, dị aa sị eyii wụ ọsa. Wẹ yị nyẹngụ aa hẹkẹ Ohomorihi, dị ụ waa rẹẹ hẹkẹ ẹkẹhị nịnị.

Iruuku 12:15

Dị ọ rẹ kà a yị wa ka, “Sị eyi pe ẹngụ awụ nịnị, dị ụ wa rẹ sị ụvọ za ẹngụ awụ nịnị ịnị ịrẹyị eyọhụrẹ o, agụvị ka ẹ yị vị ogu ọnị ọza nyị ọ vị ẹhẹ ọnọọ vẹ.”

1 Itimoti 6:10

Ọza ọ̀ọ raà sị ayị tụ́ ịnị ẹkẹhị baaba, ọnị ọọ̄ vị iruvo avaba ịsa odivi nị. Aza ẹnyị ẹ́ẹ vavọọ sì ọọ na pooro, ana ahịka ọyị kụkụ vana zẹẹ ka ẹ̀ kụkụ sị ayị tụra Ohomorihi; ẹ raà sị ụya tụ̀ ẹngụ ẹnịnị ụnava.