Ịrẹyị Ọzwọzịsa 5:1 - IWE ỌNỊNỊ

¹ Ọza aa nọ ịnị irehi Ohomorihi o sị eyi pe ẹngụ anị, ọ́ọ vana dahi ka ọza ọ ka gụrị Ohomorihi na kọsẹ huni ka ọ̀ naa mẹ̀ ịsọvọ anka onututu nịnị avọọ ọvịdị anị. Onututu ẹ yị yẹ ka ịsị odivi ẹnị aa mẹ nị.

Ịrẹyị Ọzwọzịsa 5:1 ပူးပေါင်းရင်းမြစ်များ

2 Ịtọpa 26:16

Ịjị ộ maanị re ka ọnị ọ sụ ụkata, dị ọ kụkụ ee wu ana mẹ̀ ka ọ hyẹdụ nị. Ô du Ẹnẹyịmavara Ohomorihi anị ẹngụ agụvị ka ộ nọ ịnị irehi Ohomorihi na rị eturare ịra ịrẹsụ ụta eturare.

Ijoovu 11:2

Ọza ẹ yị mẹ ka ọnị ee tụ ohi ịrẹka gigirigi ọnị Ijoovu kụ hi ẹtẹ aanị.

Ijoovu 22:12

Ohomorihi ana yara ya ẹbẹẹba kere-kere, dị ọ ve eyi chi ee re ụzọmị ene hi akẹtẹ anị nị.

Ahẹ Ụgama 89:7

Ịzị aza Ohomorihi ẹ̀ẹ kụ́ gụ hị́, ẹnịnị vị ene ee hí angwa Ohomorihi. Ịnị avaba aza ana kara Ohomorihi, Ohomorihi ọnị ịnya aza eehí angwa anịị hu nị.

Ọyịkụra 3:5

Di Ohomorihi rẹ ka, “Asị ọ kà vẹ hu avọọ. Ọ kà Imosiisi ọ̀ tụ̀ adava anị hị́ ẹtẹ agụvị ka ọnị Ohomorihi yà ịzị ọ jẹẹ avọọ.”

Ọyịkụra 30:18

“Sị enyusẹ ana aā hị́ ịkọpa dị ụ wa sị mẹ̀ ẹnya ọnya ana a vaa sị nyịna ụvọ. Dị ụ rẹ sị ịkọpa mẹ ohyẹtẹ anị ana a vaa sị ọnọọ tụra. Dị ụ sị ọ tụ́ ịnị akakana ajẹngụ ịzị aā gẹ ọnịrị ụ́ta ọnọọ.

Ụhịrẹyị 10:19

Ireche ọ mā tara ọza ẹnẹ ẹ yị ma sị irenu anị kwoku, ama ọza ana yẹ ịrẹyị vị ana sị ụvọ za irenu anị.

Ụhịrẹyị 15:8

Ẹnẹyịmavara ọ nyị ịhyẹrẹ ịsọvọ ọza ọhịmị ama ọọ̄ wụ́ aduwa ọza ọyịza.

Ụhịrẹyị 21:27

Ẹnẹyịmavara ọ̀ nyị ịhyẹrẹ ịsọvọ ọnị aza edivi aa mẹ̀ dị ọ vaa sị vị ka agụvị ịsa odivi ẹ yaa mẹ̀ ẹ nị.

Ayịsaya 66:3

Ama a raà chi hi aza ana mẹ̀ ene zee wa eyi kẹnẹ, ebira vi ene hine wa. Agụvị avọọ, Ẹnẹyịmavara ẹ̀ yị dọ ịsọvọ ẹnịnị. Ịsọvọ ụnọ ẹnịnị vị ọnị o re anka ọza ọ̀ọ wụ̀ ọza avọọ nị. Ịsọvọ ozi atẹmẹ ẹnịnị vị ana ya anka ọza ana wụ irezi gụ ori avọọ. Ịsọvọ akụ ẹnịnị sị mẹ anka ọza ọ̀ọ sị ụra mẹ̀ ịsọvọ yị ori avọọ nị. Eturare ọnị ẹ̀ẹ rị ịra vaa sị mẹẹ anka ọza o rere aa ma aduwa yị ori avọọ nị.

Ireevi 10:3

Dị Imosiisi kà a yị Eerọnị ka, á vị ịsị Ẹnẹyịmavara aa kà yịị ka, ọnị vaa sì ẹngụ anịị zụ avaba aza anaa mẹ̀ ụkọrọ anị ka ọnịnị ọnị vị nị, dị ọnị sị igirima anị zụ aza anị. Ama dị Eerọnị vavọọ ee ré ẹtẹ hẹẹ nị.

Odeyi 10:33

Dị mị wụsẹ tụ́ va hị́ wụ nị. Wâ mẹẹ dị ụ vẹ. Avaba ayị hi ọvịdị Ohomorihi ịzẹnị, yee zí ka ya wụ́ ụtụ oni Ohomorihi ọ̀ọ tụ́ wụ hi yi.”

Odeyi 17:11

Anibereya nịnị ẹ dọ ịrẹyị Ohomorihi tụ́ ịnị ayị huna Anịtẹsaronika nịnị nị. Ệ sị avaba ayị ẹnịnị dọ ịrẹyị Ohomorihi. Dị ẹyaa zama Iwe Ohomorihi re eyinị-eyinị ka eni è re e, àa vị ịzẹyịza avaba ịrẹyị ọnị Ịpọọrụ kà vị nị.

1 Anịkọrịntị 11:22

Ho! Sẹ zụ vavọọ mẹ? Aanịka wẹ yị nyị eehi ịzị a vọrọ ka waa yàa rị, du wee hú nịnị? Sị ẹ vẹ dị ụ waa sị eyii wụ ịragụ Ohomorihi, dị ụ waa mẹ ụhịị nyị aza ẹnẹ ẹ̀ yị nyị ịsọyịrị nịnị? Si u ro ka ma kà wụ nịnị? Ụ waa vana ka maa ga wụ nịnị agụvị ẹngụ ebira ẹnẹẹ nị? Ọchọnọyịrẹsụ!

Anihiburu 10:26

Ya sị ịzẹyịza yẹ; yèe kuku ee yii re ịsa odivi googoro dị ị naa mẹẹ nị, ẹ yị kụkụ nyị ịsọvọ ana aa kụ́ ọọ kwooze.

Ijemiisi 1:19

Ẹwụ nịnị ẹyịnyara amị oni mi sì, tamayị ọsọnị nịnị: Ọzọza ọ̀ọ wụ́ ịrẹyị, ama asị ụ zẹẹ ka ịrẹyị òo juntuu hụrẹ wụ nịnị irenu. Asị u re juntu kụ́ ayị nịnị.

Ijosuwa 5:15

Dị ọ ka yị Ijosuwa ka ọ tù adava anị agụvị ka ịzị ọ jẹẹ aanị vị aha enyisi, ịzẹyịza dị Ijosuwa mẹ̀ ịsị ọ ka yọ nị.