Ịrẹyị Ọzwọzịsa 4:9 - IWE ỌNỊNỊ

⁹ Aza ẹnị ẹẹva ọ dahi huni ọza ịnyara nị, ka ẹ vaa zụụ mẹ̀ ụkọrọ ẹtẹẹrẹ dị e re ọgụ ọyịza hụụnị anị.

Ịrẹyị Ọzwọzịsa 4:9 ပူးပေါင်းရင်းမြစ်များ

Oyinyima 2:18

Di Ẹnẹyịmavara Ohomorihi va ka, “O yi zoza ka ọnọrụ ọnọọ ọ̀ vị ọnịnya. Maa mẹ ọnọgụvọ ọnya ene reri ọ yọ.”

1 Ịtọpa 19:12

Ijowabi ộ kà a yọ ka, Ịjị òo re ka ụvọ Anisiriya nịnị aa kara ọnị dị ọ̀ va gụ ọnị ụvọ ọ; àa va vị ọnị o re ka ụvọ Anamọnị nịnị aà kara a nị, ọnị vaa vẹ vaa gụ ọ ụvọ.

Ụhịrẹyị 27:17

A mẹẹ̄ sị enyusẹ ẹnyị ne ọsa, avọọ ụvọ ẹẹva mẹẹ̄ nyịna ẹngụ nị.

Ịrẹyị Ọzwọzịsa 4:10

Ọnyara ọ̀ọ hyẹdụ, ọsa vaa sị ọ kwẹẹtẹ. Ama ọza ana vị ọnị ịnyara ọ̀ nyarị iruwa, ọ̀ọ hyẹdụ, ẹ naa sị ọ kwẹẹtẹ kẹ?

Ịrẹyị Ọzwọzịsa 4:8

Ọza ana vị ọnị ịnyaa, dị ẹ yị ma ozi ọnọrụ, dị ẹ̀ yị nyị ọyịnyara ọnọrụ. Ama aa mẹ̀ ụkọrọ ẹ yị nyị eyi tụ́ ụhwọ́, ẹ ma kà a ka ogu ọ sị hụ ọnị. Ẹ yị daba họ̀ use ka ẹnị ọnị maanị aa hụ ụvọ anị aa rị ụya, dị ọnị ẹ yị nyị ẹngwohyahị kẹ? Ọsọnị bẹẹ vị ụkọrọ ayodu, dị ọ rẹ vị osusu nị.

Ịhagayị 1:14

Agụvị avọọ Ẹnẹyịmavara vaa kụ ọ hi ọzọza ayị ka e tenyi irehi anị nị. Dị Izerubabẹrị ana vi Ịgọvọnọ ẹtẹ Ijuda, ọnịrị Ijosuwa, ohirẹsụ ọbanyị irehi Ohomorihi ne beri avaba aza ana vẹ eehi nyima ụkọrọ ini irehi Ẹnẹyịmavara Ochẹtẹẹngụ ana vi Ohomorihi ẹnịnị nị.

Ịrịka 11:14

Ọnị ẹ yị zụ za ẹnya aza ẹnịnị. Ẹnya ẹnịnị ọ sị rata huna ọnị.

Ịmaakị 6:7

Ijeesu ộ hị́ ezirẹma anị ẹwụrẹva, dị ọ tụ́ wa ẹvẹẹva jịnẹ nọ ẹhẹ nị. Ộ sị ụkata yị wa ka ẹ̀ẹ dụ ụhwẹ echuu jịnẹẹ hụụnị ẹngụ aza.

Ịjọọnụ 4:36

Ọza ana aa kụ́ ịsa ịnị aarẹ gụ, vaa dọ ọgụ, ịsa ana aa kụ́ụ gụ vị aza ana vaa yàra ị́dị Ohomorihi pooro zịna-zịna. Ọnọọ vaa mẹ ka ọza ene chire ịsa ọnịrị ọza ana kụ́ ịsa gụ è duduu jẹ.

Odeyi 13:2

Ẹ màa mẹ ụkọrọọ yị Ananyị yị, dị ẹyaa za awẹ, dị Ụhwẹ Ọnịnị kà a yị wa ka, “Sị Ịbanabasị ọnịrị Ịsọọrụ tịtẹ mị nịnị, dị ẹ̀ na mẹ̀ ụkọrọ ọnị mị hị́ wa tụ́ ịnị anị!”

2 Ịjọọnụ 1:8

Sị eyi pe ẹngụ awụ nịnị agụvị asị ụkọrọ awụ nịnị na vị osusu, ama dị ụ wa zụ rị ọgụ ụkọrọ awụ nịnị gụ.

Iruutu 2:12

Ẹnẹyịmavara ò si wu ụta ịsị ọnị wụ mẹ. Ẹnẹyịmavara Ohomorihi Anisirẹrị ọnị wụ vẹ va vaka vee si wụ ụta gụ.”