Ịrẹyị Ọzwọzịsa 4:8 - IWE ỌNỊNỊ

⁸ Ọza ana vị ọnị ịnyaa, dị ẹ yị ma ozi ọnọrụ, dị ẹ̀ yị nyị ọyịnyara ọnọrụ. Ama aa mẹ̀ ụkọrọ ẹ yị nyị eyi tụ́ ụhwọ́, ẹ ma kà a ka ogu ọ sị hụ ọnị. Ẹ yị daba họ̀ use ka ẹnị ọnị maanị aa hụ ụvọ anị aa rị ụya, dị ọnị ẹ yị nyị ẹngwohyahị kẹ? Ọsọnị bẹẹ vị ụkọrọ ayodu, dị ọ rẹ vị osusu nị.

Ịrẹyị Ọzwọzịsa 4:8 ပူးပေါင်းရင်းမြစ်များ

Oyinyima 2:18

Di Ẹnẹyịmavara Ohomorihi va ka, “O yi zoza ka ọnọrụ ọnọọ ọ̀ vị ọnịnya. Maa mẹ ọnọgụvọ ọnya ene reri ọ yọ.”

Ahẹ Ụgama 39:6

nyị ịsị ẹhẹ ọza vị vụrụ-vụrụ ộ. Vi ee zwee vàa chii vàa hịrẹ kẹnẹ nị Ọ̀ọ gụ ogu gụ, ọ yị yẹ ọza ana vaa rị ọ.

Ahẹ Ụgama 39:7

Ananyị yị, àa vị aanị ẹhẹ mẹ̀ yà nị, sị ẹmị nyẹngụ aa tụra eyi anị? Ẹwụ kẹnẹ mị sị ayị tụra nị.

Ụhịrẹyị 27:20

Ịnẹ ọ mā ha iswọọza ọnịrị ikuta, avọọ ọza ẹ̀ yị ma zụ nyị avaba ịsa ee sì nị.

Ịrẹyị Ọzwọzịsa 1:13

Ọnị ộ sị ụmẹ tịtẹ ọyịkọsẹ ịrẹyọyẹ, dị ọnị sị ịrẹyọyẹ zama avaba ịsị azaa mẹ ịnị ẹhẹ re nị. Dị ọnị ne tu ka ụya kẹnẹ Ohomorihi kụ aza hi ịnị anị ịnị ẹhẹ nị.

Ịrẹyị Ọzwọzịsa 1:8

Ẹhẹ ọ sị du ọza eyi, irenu ẹ yị zụ ka a. Eyi ọza e yi re ẹtẹ pooro di ọ̀ ka a ka ọ sị ọnị tụ. Ọza ẹ yị wụ́ ịrẹyị pooro dị ọ̀ ka a ka ụtọ anị o sị hí.

Ịrẹyị Ọzwọzịsa 2:21

Ọza ọ zụ sị ịrẹyọyẹ ọnịrị ọbọ mẹ avaba ụkọrọ anị, dị ọ vị vaa para avaba ịsị ọ nyị hu. Dị ahịka ọza ẹnẹẹ yị yẹ ọ mẹmẹ wa ọ vaa sịị mẹ ẹhẹ nị. Ọsọnị ọnị rẹ vị osusu, dị ọ rẹ vị ịrẹyị odivi ọbanyị ọnya nị.

Ịrẹyị Ọzwọzịsa 2:23

Ọ ka ụkọrọ ọnị ọza sị avaba ẹhẹ anị mẹ vị ẹngụkata ọnịrị ayodu yọ. Ịrahụ bẹẹ ẹ yị zụ sụ̀ ara, ọsọnị rẹ vị osusu.

Ịrẹyị Ọzwọzịsa 4:7

Ọnị o re re ịsa ana ahịka osusu kẹnẹ ọ vị ịnị ẹhẹ nị:

Ịrẹyị Ọzwọzịsa 5:10

Aza ene sì ịrẹyị ẹkẹhị ọnịrị ogu baaba ẹ maa nyị ana hụ wa. Osusu kẹnẹ ọsọnị vị nị.

Ịrẹyị Ọzwọzịsa 5:9

Ohinọyị nyẹmba vị anaa za aza kụ ụrụkụ yị ẹngụ anị.

Ayịsaya 5:8

Avaba ẹwụ nịnị ana za avaba irehi ọnịrị ẹtẹ dị waa hị́ waa hi ẹtẹ nịnị aanị, wa sị dà nịnị. Aza ana vọ e yi kuku ee vee re aha yà. Ẹwụ nịnị ịnya kẹnẹ ọ kụkụ aa vaa ra ịnị ẹtẹ ọnọọ aanị nị.

Ayịsaya 55:2

Sị ẹ vẹ di ú wee du ẹkẹhị awụ nịnịị ha tụ ịnị ịsa ẹnẹ ẹ̀ yị vaa ha ọza ịnẹ? Sị ẹ vẹ dị ụ́ waa mẹ̀ ụkọrọ, dị ụ́ wàa kụ̀ ẹkẹhịị ha nịnị, dị ụngwẹ aa yịị kụ̀ wụ nịnị? Sị ụtọ pe mi nịnị, dị ụ waa rị ịsa ene zoza nịnị. Ụ vaa rị ịsa ọyịza-ọyịza nịnị dị ayị awụ nịnị ee hine.

Imatiwu 11:28

Ká mị vẹ nịnị, ẹwụ nịnị ana ayị anị sị vazi, di e reè kune ẹnya ọrata tụra wụ nịnị, ka mị vaa sị ụhwọtụụ yị wụ nịnị!

Iruuku 12:20

Ama di Ohomorihi va kà a yọ ka: ‘Ẹwụ ọnụra ọnọnị, ịrahụ ajịnị aa dọ wụ ụhwẹ nọ! Avaba ịsa ọnị ụ kụ́ gụ yị ẹngụ aanị, ẹnẹ kụkụ vaa nyị?’

1 Ịjọọnụ 2:16

Avaba ịsa ene hi ịnị ẹhẹ yị: Ịsa edivi ọnị ọchẹngụ azaā sì, ịsa ana azaā sị eyiī tụ́ ịnị anị, dị eyi ẹnịnị ẹ̀ yị hụụnị anị, ọnịrị ịsa ẹhẹ ọnọnị ọnị ọza sịị̄ mẹ eyi. Avaba ịsa ẹnẹnị ẹ́ yị vị ịdị Ohomorihi Ada ayị ẹ hụrẹ vẹ, ẹ́ẹhẹ ẹ vị nị.