Ịrẹyị Ọzwọzịsa 4:14 - IWE ỌNỊNỊ

¹⁴ Ẹngụ ozweyi ọnọọ ọ zụ hụụnị ẹngwa va rị ohinọyị, ọ̀ọ daka vị ka ịnị osiye a ma a tụ nị.

Ịrẹyị Ọzwọzịsa 4:14 ပူးပေါင်းရင်းမြစ်များ

Oyinyima 41:14

Di Ihwarawo tụ́ na hị́ Ijosẹẹhụ, di a wụsẹ na sị ọ hụụnị ẹngwa vẹ nị. Ịjị ọ sị ịrẹsụ anị kụ́, dị ọ sị awuru ọsa chire, di o ve tù Ihwarawo nị.

2 Ohinọyị 24:12

Ijehoyakini ohinọyị Ijuda ộ sị ẹngụ ọnịrị ọnya anị, ezi ahụ anị, ọdọvịdị anị nịnị beri aza ene hi ini eehi anị chire Inebukadineza ụvọ. Ịrayị ọnọọ ọ tụ́ ịrayị ịhịnta ọnị Inebukadineza vị ohinọyị Ịbabịrọnị nị.

2 Ohinọyị 24:6

Ijehoyakimi me su, di ozi anị Ijehoyakini rị ohinọyị dọ ọ ịrẹsụ nị.

2 Ohinọyị 25:7

Eyi Ịzẹdẹkaya â ya wụ̀ ezi anị, dị Inebukadineza ka a tụ́ ọ eyi, dị a tụ́ ọ ịchẹkẹchẹkẹ, dị a sị ọ nọ́ Ịbabịrọnị nị.

Ijoovu 5:11

Ọnị ọọ̄ sị ọkụmị tụ ẹba dị ọ vara ayodu ọza ayohine nị.

Ịrẹyị Ọzwọzịsa 4:15

Ọzwọzịsa ka ọnị o re avaba anẹhẹ pooro, dị ọnị re ka ẹnịnị ẹẹ dọ yị ozweyi ọnọọ ana vaa dọ ohinọyị ịrẹsụ nị.

Arụwẹ 4:20

Ẹ raà za ohinọyị ọnị Ẹnẹyịmavara nyị yị yị ka ya sị eyi tụra. Ọnị ọ vị ọza ọnị ị sị ayị tụra ka ọ vaa dọ yị ha hụnị ụvọ anẹkụra tụra anẹkụra anaa vị eyi ịrazị ka yị nị.

Ịdanịyẹrị 4:31

Ịrẹyị ọnọọ ẹ yị ta a kà dị ọ vana wụ́ ọngwẹ ọnya hụrị ẹbẹẹba nị. Ọngwẹ ọnọọ ka ohinọyị Inebukadineza ọ̀ sị ụtọ pe ẹtẹ dị ọ̀ wụ́ ịrẹyị ọnị ọnị aa kà. Ọ kà ajịnị áa dọ ọ udi ohinọyị anị nị.

1 Ịsamụwẹrị 2:8

Ọ nyẹngụ sị oniruwa kwẹẹtẹ hụụnị eteesu, dị ọ vara a ọza obooro. Dị ọ mẹ ka ẹnịrị aza ẹbanyị è dudu yaayịtẹ, dị ẹnị rẹ nyị udi ọbanyị. Ẹnẹyịmavara ọ ká ẹhẹ ọnọnị ẹtẹ, dị ọ sị ẹhẹ jẹẹ ịrẹsụ anị nị.