Ịrẹyị Ọzwọzịsa 4:10 - IWE ỌNỊNỊ

¹⁰ Ọnyara ọ̀ọ hyẹdụ, ọsa vaa sị ọ kwẹẹtẹ. Ama ọza ana vị ọnị ịnyara ọ̀ nyarị iruwa, ọ̀ọ hyẹdụ, ẹ naa sị ọ kwẹẹtẹ kẹ?

Ịrẹyị Ọzwọzịsa 4:10 ပူးပေါင်းရင်းမြစ်များ

Oyinyima 4:8

Ẹkụhị ọnya Ikeeni ô pè Ẹba ọyịnyara anị kà ịrẹyị. E mè hi ịnị aarẹ, di Ikeeni za Ẹba dị ọ wụ̀ ọ nị.

2 Ịsamụwẹrị 11:27

Ịjị ọ sị orere anị jị ta, dị Idevidi tụ́ ka à na sị ọ va tụ́ ini eehi anị nị. Di Idevidi kụkụ nyị ọ, dị ọ ma ozi ọnọrụ ọnya yọ nị. Ama ịsa oni Idevidi mẹ avọọ ộ kụ́ Ẹnẹyịmavara ayị.

2 Ịsamụwẹrị 14:6

Taarụ, Mâ ma ezi anọrụ ẹẹva. Ê mè hi ịnị aarẹ, dị e ba egidi, dị ẹ yị nyị ọza ịzọọ ana a vọrọ ka ò ji wa. Di ọnya và ịsa hi ọsa ẹngụ, dị ọ sị ọ wụ nị.

Ọyịkụra 32:21

Di Imosiisi va hị́ Eerọnị dị ọ ka, “Sị aza ẹnẹnị mẹhị na mẹ wụ dị ụ maanị tụra wa na mẹ̀ ebira odivi ọnọnị?”

Ịrẹyị Ọzwọzịsa 4:11

È re daa re, Aza ẹnị ẹẹva ẹ̀ẹ sụ vabẹ aha ọnya, ẹnịnị vị ana ka ịra za ẹngụ dị ahị ọ yị za wa. Ama ọza ịnyara ọ́ọ́ zụ vavọọ kụ ahị hụrị ẹngụ anị ẹngụ?

Ịrẹyị Ọzwọzịsa 4:9

Aza ẹnị ẹẹva ọ dahi huni ọza ịnyara nị, ka ẹ vaa zụụ mẹ̀ ụkọrọ ẹtẹẹrẹ dị e re ọgụ ọyịza hụụnị anị.

Anigaratiya 6:1

Ẹwụ nịnị ẹyịnyara amị, àa nyị ọza ana a za ka aa mẹ ịvị, ẹwụ nịnị ana aa mẹ ịsị Ohomorihi sì, ọ̀ tangwa sị ịrẹsụ ọkahi vọrọ ọza ọnọọ zị oze! Dụ wa sị eyi pe ẹngụ awụ, dị asị ụ zẹẹ ka ẹwụ ụvọta ọ̀ hụrẹ ne ngụ ịnị ọyịzamare!

1 Anịtẹsaronika 4:18

Agụvị avọọ, waa sị ịrẹyị ẹnẹnịị hunẹnẹ ẹngụ ayị nịnị.

1 Anịtẹsaronika 5:11

Agụvị avọọ, waa sị ayohunẹnẹẹ yị ẹngụ nịnị, dị ụ waa gụ ẹngụụ ụvọ nịnị, anka ụ màa yịị mẹ nịnị aanị.

1 Ịsamụwẹrị 23:16

Di Ijonatani ozi Ịsọọrụ ne tù Idevidi, dị ọ naa tụ́ ọ ọtụtụrụma ka Ohomorihi vee sere e nị.