Ịrẹyị Ọzwọzịsa 4:1 - IWE ỌNỊNỊ

¹ Ọzwọzịsa ka ọnị o re ré avaba ẹvaya ana aza mẹẹ yị ẹngụ ịnị ẹhẹ ọnọnị. Aza ana a mẹ ẹvaya yị aa jị òrèrè ẹnịnị e yị re ọza sị wa ayị nẹtẹ agụvị ka aza ana a mẹ ẹvaya yị wa ẹẹ nyị ụkata ẹtẹẹtẹrẹ.

Ịrẹyị Ọzwọzịsa 4:1 ပူးပေါင်းရင်းမြစ်များ

Ijoovu 16:4

Ijoovu ka ọnị ọ̀ọ ya udi anị ọnị ọ rẹ zụ tụ ọ ohuvọ.

Ijoovu 35:9

Ịjị ayịchama àa dẹngụ, dị aza ee nowu. Eyee nowu ka à va dọ ẹnị ha.

Ijoovu 6:29

Ọnị ẹ yị rị ịvị asị ẹ jị ịvị yị ọnị.

Ijoovu 9:24

Ohomorihi ọ́ raa sị ẹhẹ chire aza edivi ụvọ, dị o gu ọmọkarẹyị nịnị eyi ka asị ẹ mẹ ịzẹyịza nị. Ẹ̀ yị vị Ohomorihi ọ vavọọ mẹ̀ ẹ, ẹnị ọ vị ọsa.

Ahẹ Ụgama 12:5

Ama Ẹnẹyịmavara vaa hụ agụvị ọkụmị ọnịrị aza anaaa mẹ ẹchakaa yị, dị ọnị kwẹẹtẹ. Ọ kà ọnị vaa kwẹẹtẹ agụvị aza ene ee nowu ka à ba ẹnị owu ọnịrị agụvị oniruwa nịnị Ọ kà ọnị vaa dọ wa hụụnị ụvọ aza ana aa chamayịị yị wa.

Ahẹ Ụgama 142:4

M mẹ̀ kana eyi kara ẹngụ me yi re ọza ana vọrọ ka ọ̀ mẹ ọgụvọ mị, me yi re aha zwe na tẹ̀, ẹ yị nyị ọza ana aa tẹsị amị.

Ahẹ Ụgama 142:5

Ẹnẹyịmavara, mê nowu va za wụ. Mị ka ẹwa zụ dọ mị tụ́ nị. Ẹwa vị ogu ọnị mị nyị ịnị ẹhẹ ọnọnị nị.

Ahẹ Ụgama 42:3

Ẹmịrị orere ọ vị pooro eyinị-eyinị nị, mẹ yị zụ rị ịsa ọnịvị amị ka mba, ịzị mị ka Ohomorihi amị ộ yà?

Ahẹ Ụgama 42:9

Mâ kà a yị Ohomorihi ene ee sere mị ka asị a nyị ịsị ẹ zụ kanyị mị mi ka sị ẹ vẹ di o hi ayị amị? Mị ka sị ẹ vẹ dị ọnịvị maanị aa mẹ ẹchakaa mi dị ahịka vi mee sụ́ ùnèe zị nị?

Ahẹ Ụgama 69:20

Isiya ẹnịnị aa vaa wụ̀ mị, me yi re ọza gụ mị ụvọ. Mee sì ka à nyị ọza ana hyakụ ro o mị, dị ọ sị ayị amị nẹtẹ, ana ẹ yị nyị ọza oni mi re.

Ahẹ Ụgama 69:21

Ệ sị ẹchịpa tụ́ ịnị ịsa amị ka maa rị ọ. M mẹ̀ ka enyi aa kụ̀ mị, dị ẹ sị eche ana sị sụ́ ịrẹyị mị ka me hú ọ nị.

Ahẹ Ụgama 80:5

Wâ mẹ ka ya ká ụya mụnẹ, yê sụ ùnè pooro, o kú du yi eyi.

Ọyịkụra 1:16

Di ohinọyị ka: ẹ̀ẹ yaa naa gụ anẹẹ Anihiburu ụvọ ẹ̀ẹ yaa ma ozi dị ẹ̀ si eyi pè wa. Ọ kà àa vị ozi ọnọrụ aa ma nị, dị ẹ̀ wụ̀ ọ. Ama àa vi ozi ọnẹẹ yọ nị, dị ẹ̀ naavọ.

Ọyịkụra 1:22

Di Ihwarawo kụkụ va mẹ ọda dị ọ kà a yị avaba aza anị dị ọ ka, “Avaba ozi ọnọrụ anị Anihiburu ọ̀ọ ma è ne ne wa ngụ irehu Ịnayịrị. Ama à navọ ozi ọnẹẹ ẹnị ẹ̀ẹ ma.”

Ụhịrẹyị 19:7

Ọza ọnị o divi yị vị ana anda anịị ree zwè; óo nee hi u eyi ọta anị è yèe zwèe yọ. Ẹ́ yị nyị ịsị ọ mẹhịị mẹ̀ dị ẹ̀ dọ ka ẹnị aa gụrị ọ.

Ụhịrẹyị 28:3

Ọ́dọvịdị anaā mẹ̀ ẹvayaa yị onosiye nịnị sị mẹ anka orihi ene du ịsa ịnị aarẹ ha avọọ nị.

Ụhịrẹyị 29:2

Ọnịrẹyịzẹyịza ọ̀ọ ya udi, avaba azaā jẹ nị, ama ọza ọhịmị ọ̀ọ ya udi, ọzọza ee na owu nị.

Ịrẹyị Ọzwọzịsa 3:16

Ọzwọzịsa ọnọnị ka ọnị o re ré ịsa ọnya ịnị ẹhẹ ọnọnị ka ịzị a vọrọ ka à yaa mẹ ịzẹyịza ọnịrị ịsa ana vọrọ hị́ aza, vị ana yà aa chamayị yị ẹngụ.

Ịrẹyị Ọzwọzịsa 5:8

Asị o hi wu eyi wee re ka aa mẹ ẹvaya yị onosiye nịnị ịnị ẹkụra, dị ọza ẹ yị zẹẹ ka à mẹ ịzẹyịza ọnịrị ịsa ana vọrọ hi wa nị. Yẹ ka ọnụkọrọ ịjọva ọzọza vị ana nyị ọga ana sị eyi pe e. Avọọ a mẹ rẹ nyị ọga ene huna ẹnị ẹyịva ana sị eyi pe wa nị.

Ịrẹyị Ọzwọzịsa 7:7

Ịzẹyịza, ọza ọ̀ọ ka ọnị ọọ yẹ ịrẹyị dị aa mẹ ẹvaya yị ọza nị, ọnụra ọ vị nị. Avọọ ochirerenu mee du ọzaa ha nị.

Ịrẹyị Ọzwọzịsa 8:9

Ọzwọzịsa ka ọnị mee ro ịrẹyị ịsị ana aza aa mẹ ịnị ẹhẹ ọnọnị, avaba ịsị ọnị ve re yi. Aa nyị ụmẹ nyị dị aza ana nyị ụkata aa mẹ ehuna yị ọnọhụva ẹnịnị, dị ẹ yaa kụ ẹngụkataa tu ẹngụ ẹnịnị.

Ayịsaya 5:7

Anisirẹrị ọnịrị Anijuda ẹ vị ụbazị Ẹnẹyịmavara Ochẹtẹẹngụ nị. Ẹnẹyịmavara ô sì ịrẹyị ụbazị ọnọọ ẹtẹẹtẹrẹ. Ô tụra eyi ka ẹnịnị vaa mẹ̀ ebira ana vọrọ, ama dị ahịka aza kẹnẹ ẹ yaa wụụ ha nị. Ô ro ka ẹnịnị vaa mẹ̀ ebira oni oni sì, ama dị ahịka ẹngụkata ana mẹ ka aza ee nowu ẹ yaa kụ́ụ tụ́ aza nị.

Ayịsaya 51:23

Ọnị vaa sị ako ọnọọ yị aza anaa mẹ ẹvaya yị wụ nịnị. Aza ana za wụ nịnị tana tụra ẹtẹ, dị ẹ yaa kụ ahụ hi wụ nịnị parahu anka edudu oze avọọ.

Ayịsaya 59:7

Eē zwe echi na mẹ odivi, dị ẹ yaa wụ̀ ọza ẹnẹ ẹ yị nyị ịsị ọ mẹ wa. Ịrẹyị odivi kẹnẹ eē ro nị. Avaba ịzị ẹ̀ẹ ngụ vị ọnị ẹẹ̄ gara chuku-chuku ha.

Ijeremaya 16:7

Ẹ́ yị vaa nyị ọza ana vaa mẹ̀ ịsa ana yị ọsa avịka a ká enyi na yị aza ọ̀yị sị wa ayị nẹtẹ ka aza ẹngụ ẹnịnị ô sú. Ọza ana ada anị avị ọnyị anị ọọ hyakụ sú, e yi vee re ọza pe e zị ẹngụ.

Arụwẹ 1:16

Ịsị ẹ vị iruvo ọnị maa sịị jị òrèrè dị ẹgọ ee si ịnị eyi amị yị. Ẹ yị nyị ọza ana zụ sị ayị amị nẹtẹ vụrụ-vụrụ. Ẹ yị nyị ọza ana zụ hụ́ mị ayọvị. Ụvọ ọnịvị ayị ọ sị kara ayị; ẹ sị yị tụ avosusu.

Arụwẹ 1:17

Anịzayọnị nịnị aa da ịpẹ ka à gụ ẹnị ụvọ, ama e yi re ọza gụ wa ụvọ. Ẹnẹyịmavara ọ raa hị́ ọnịvị ẹnịnị ana kara wa ịrẹkụ tụ wa. Dị ẹ kụkụ aa sị Anijerusarẹmị mẹ enyinyi nị.

Arụwẹ 1:2

Avaba ịrahụ vị ọnị Anijerusarẹmị aa jị òrèrè dị eyi ẹnịnị vị ẹgọ-ẹgọ. Ịnị avaba aza ẹnị ẹnịrịị vịdị vị ọta ẹ́ yị va nyị ikonya ana va sị wa ayị nẹtẹ. Avaba aza ọnị ọnịrịị vịdị zee vi ene vene e, dị ẹ varẹma kụkụ kwẹẹtẹ tu wa nị.

Arụwẹ 1:9

Ebira odivi ẹnịnị vana aza ee re chapaa, ama ẹnịnị é yi rò ịrẹyị ka sẹ vaa vị ọvavịrẹma anị kẹ. Agụvị avọọ ẹ maanị hyẹdụ divi-divi nị. Ẹ́ yị nyị ọza anaa sị wa ayị nẹtẹ vụrụ-vụrụ. Ụvọ ọnịvị ẹnịnị o ku wa, dị ẹ kụkụ e nowu ka Ẹnẹyịmavara ọ̀ vayị ẹnịnị nị.

Emọsị 3:10

Ọ kà ẹnịnị ẹ yị yẹ a mẹẹ̄ mè ịsa ana vọrọ. Ẹnịnị vị ana sị àko kụ ogu aza hi irehi ẹnịnị.

Emọsị 3:9

Ẹnẹyịmavara kà Emosi ọ kà yị ohinọyị Anasiriya ọnịrị ohinọyị Anijipiti ka ẹnịnị ẹ jịnẹ nọ ịrẹsụ ataba Isamariya di e vee re ebira odivi Anisirẹrị nịnị nị.

Ịmarakayị 2:13

Dị Ịmarakayị rẹ ka, ịsa ọsa ọnị ẹnịnị yaa mẹ yi. Ẹ yaa sị ẹgọ ẹnịnị họ̀rọ ịzị a mẹ̀ ịsọvọ yị Ẹnẹyịmavara. Dị ẹ yaa jị òrèrè booro-booro agụvị ka Ẹnẹyịmavara ẹ yị kụkụ dọ ịsọvọ ẹnẹ ẹ yaa mẹ nị.

Ịmarakayị 3:18

Ịjọnọọ aza re ve re irenyi ana ya ịnị akakana ọnịzẹyịza ọnịrị aza edivi, aza ana aa hẹkẹ ẹ ọnịrị aza ẹnẹ yị ẹẹ hẹkẹ ẹ nị.

Ịmarakayị 3:5

Ẹnẹyịmavara Ochẹtẹẹngụ ka, ọnị vaa ka pe wa dị ọnị ọ mẹ̀ ọkarẹyị yị wa. Dị ọnị ụsẹ jị ịvị yị aza ana aa mẹ ẹbẹ, ọnịrị ọsẹrẹka nịnị, ne beri aza ana aa hị́ eku iruku, ọnịrị aza ana aa mẹ anụkọrọ rị, aza ana aa mẹ ẹvaya yị osoku nịnị ọnịrị ozi oku nịnị ne beri azọga ọnịrị aza ẹnẹ ẹ yị nyị angwahi anị.

Imatiwu 26:56

Avaba ẹsẹnị aa mẹ, agụvị ịsị ọnịsẹ nịnị chẹrẹ tụ́ ini Iwe Ohomorihi ọ̀ zụ sẹ.” Dị avaba ezirẹma na a vọ tịtẹ, di e si zwe nị.

Iwe Ọhụhị Imosiisi ana aa hị́ Ọyịvatụrọda 28:33

Ụ vaa kụ ịrụkụ nịnị ẹtẹẹtẹrẹ, ama anẹkụra ọsa ẹ vaa rị avaba ịsa ọnị ụ mẹ hụụnị aarẹ awụ nịnị. Ẹnịnị vị ana vaa mẹ ẹvayaa yị wụ nịnị, dị ẹyaa chamayịị wụ pooro.

Iwe Ọhụhị Imosiisi ana aa hị́ Ọyịvatụrọda 28:48

Agụvị avọọ, ụ vanaa hẹkẹ ọnịvị awụ nịnị ọnị Ẹnẹyịmavara vaa và eyirazịị ka wụ nịnị. Avaba ịsa vị ana vaa zwọ wụ nịnị; ụngwẹ ọnịrị onyi vaa kụ wụ nịnị, di u waa zị ahwaahụ nịnị. Ẹnẹyịmavara vaa sị ụyaa rị wụ divi-divi pooro di ọ̀ vu wu nịnị ẹtẹ.

Ijemiisi 5:4

Aza ọnị ụ dọ ụkọrọ hi ịnị aarẹ, we yi si wa ụta, ẹnịnị ee nowu. Yẹ nịnị ka Ohomorihi Ochẹtẹngụ, aa wụ́, aza ana aa kụ́ ịsa ịnị aarẹ awụụ gụ, mee nowu.

Ọdọvịdị 4:3

Isoja Ijabini ệ nyị ịkẹkẹ ịrẹkụ enyusẹ akanarẹchẹhị. Ịrayị oohu Ijabini mẹ Anisirẹrị ọnị ẹzụ mẹ ẹvụ nị. Ịjị ụya sị hụ wa dị ẹ da ịpẹ yị Ẹnẹyịmavara kà ọ gụ ẹnị ụvọ.