Ịrẹyị Ọzwọzịsa 3:8 - IWE ỌNỊNỊ

⁸ Aa nyị ụmẹ ene e sii sì ịrẹyị ọza, dị a nyị ụmẹ ana a sịị nyị ịhyẹrẹ ọza nị. Aa nyị ụmẹ ịrẹkụ, dị a nyị ụmẹ ẹngwọọrọ nị.

Ịrẹyị Ọzwọzịsa 3:8 ပူးပေါင်းရင်းမြစ်များ

1 Ohinọyị 5:4

Booro aanị, Ẹnẹyịmavara Ohomorihi amị ọ raà sị ẹngwọọrọ yị mị eyi ụvọnị-ụvọnị; kụkụ nyị ọbarọza, à yi nyị ka mee hí angwa ka ịrẹyị aa vẹ.

2 Ohinọyị 9:22

Ijorami ộ họ̀ Ijehu use ka: ẹngwọọrọ ọọ sị aa vẹ nị? Dị Ijehu ka, “á mẹmẹ zụ nyị ẹngwọọrọ ịrẹma ọnị ọpọchị ọnịrị ori ọnị ọnyị awụ Ijezebẹrị nyima anị yi hi ẹtẹ?”

2 Ịtọpa 19:2

dị ọnịsẹ Ijehu ozi Ihanani jịnẹ ne tu ọ nị. Dị ọ họ̀ ọ ka sị ẹ vẹ dị ọ na gụ ọza odivi ụvọ, di o sì ịrẹyị aza anaā nyị ịhyẹrẹ Ẹnẹyịmavara? Ịsị ọnị ọ mẹ aanị ọ raà mẹ ka Ẹnẹyịmavara ọọ kụ́ ayị hi ọ.

Ahẹ Ụgama 101:3

Mẹ yị vaa dọ ka ma rẹ mẹ̀ ịsa odivi. Ebira ọnị enevene nịnị aa mẹ vị ana aa nyị mị ịhyẹrẹ, mẹ yị vaa zẹẹ ka ẹngụ ebira ẹnẹẹ ẹ̀ dà gẹ mị.

Ahẹ Ụgama 105:25

Ohomorihi ộ mẹ̀ ka Anijipiti ẹ̀ kụkụụ kụ́ ayị Anisirẹrị, dị ẹ hyakụ ee vene wa bẹẹ nị.

Ahẹ Ụgama 139:21

Ẹnẹyịmavara, aza ana nyị ịhyẹrẹ awụ vị ọnị mị nyị ịhyẹrẹ anị, Aza ana kwẹẹtẹ tù wu, vị ọnị ịhyẹrẹ ẹnịnị aa nyị mị.

Ụhịrẹyị 13:5

Ọnịzẹyịza ọọ nyị ịhyẹrẹ ireche nị ama ọza ọhịmị vị ana mẹ̀ ịrẹyị ụhị.

Ezikẹẹrị 16:8

Ọ kà ọnị mẹ rẹ vanaa paraahu dị ọnị ré wụ, ọnị ô ré ka wa sị hụụ ọ họ̀ ịrẹyị. Ọnị ộ chire wu awuru ka we si ku ahwaahụ awụ, dị ọnị ka ọnị oo sì ịrẹyị awụ nị. Ẹnẹyịmavara Ananyị ụkata hu ka, ịzẹyịza, ọnị ộ kà a ka ọnị vaa nyị wụ, dị ụ kụkụ sị vara áanị.

Iruuku 14:26

“Ọza ana àa vẹ ịdị amị, di ò yi hí ayị ada anị ọnịrị ọnyị anị beri ose anị ọnịrị ozi anị ọnịrị ẹyịnyara anị ọnẹẹ ọnịrị ọnọrụ, dị ọ̀ yị rẹ hyakụ hí ayị ẹngụ anị ụvọta nị, ọza ọnọọ ọ yị zụ vị ozirẹma amị.

Anẹhwẹsọsị 3:19

Máa yẹ ka ọza ọ yị zụ yẹ ta, ịzị Ikirisiti sì ịrẹyị ayị na za. Ama ọ̀ yị navọ wa zụ yẹ nịnị ịzị Ikirisiti sì ịrẹyị awụ nịnị ne tù, agụvị dị avaba ịsa ozoza ana vị Óohomorihi, ọ̀ rẹ zụ gụ tụ́ ịnị avaba ayị awụ nịnị.

Anẹhwẹsọsị 5:25

Ẹwụ nịnị ọva, sì ịrẹyị ose ewu nịnị, anka Íkirisiti ọnị mè re sì ịrẹyị anịragụ anị, dị ọ sị ẹngụ anị tịtẹ yọ.

Ịtayịtọsị 2:4

Ẹ̀ẹ vavọọ aa mẹ, ẹ va zụ sịị zụ̀ anẹẹ ana vị ozweyi ka è sì ịrẹyị ọva ẹnịnị ẹnịrị ezi ẹnịnị.

Ijosuwa 11:23

Ijosuwa ộ dọ avaba ẹtẹ anka Ẹnẹyịmavara mẹ ọda yị Imosiisi. Dị Ijosuwa sị ẹtẹ ọnọọ yị Anisirẹrị ka ọ vị ẹẹnịnị nị. Dị ọ ga yị wa ịrẹsụ. Agụvị avọọ ẹnịnị tụ́ ụhwọ́ hụụnị ịrẹkụ ọyị kụ nị.

Ẹtore 2:2

Mâ yẹ ịsị ụụ̄ mẹ; mâ yẹ ụ mẹmẹ mẹ̀ ụkọrọ ẹtẹẹtẹrẹ. Ma rẹ yẹ isuuru ọnị ụ nyị. Mâ yẹ ka wẹ yị dọ ịrẹyị aza edivi. Ma rẹ yẹ ka aza ana ka ẹnị vị ezirẹma Ijeesu, wa raà zama wa re; wa sị yẹ ka onireche ẹ vị nị.