Ịrẹyị Ọzwọzịsa 3:7 - IWE ỌNỊNỊ

⁷ Aa nyị ụmẹ ana a sịị na ịsa, dị a nyị ụmẹ ana a sịị gẹ ịsa nị. Aa nyị ụmẹ ana a sịị sị irenu kwoku, dị a nyị ụmẹ ana sịị kà ịrẹyị nị.

Ịrẹyị Ọzwọzịsa 3:7 ပူးပေါင်းရင်းမြစ်များ

Oyinyima 37:29

Ịjị Irubẹnị ọnị varẹma nọ ịnị ịkangga ọnọọ ka oni ò ne hee Ijosẹẹhụ, o yi kuku re e ịzọọ. Dị ọza awuru anị, dị ọ na a.

Oyinyima 37:34

Di Ijekọvụ za awuru anị dị ọ na a, dị ọ chire ịta orere, di o jị òrèrè Ijosẹẹhụ mẹ ẹkụhị ọrụrụ-ọrụrụ nị.

Oyinyima 44:18

Di Ijuda tere pè Ijosẹẹhụ dị ọ ka: Nda, aarịhịnị ọ̀ navọ ọnị ọ̀ kà ịrẹyị ọnya chire wụ ụtọ de. Ọ kà vị ọ kụkụ sị mẹẹ anka Ihwarawo ọnị ụvọta avọọ nị. Ọ kà aarịhịnị asị ọ kụ́ ayị hi ọnị.

Oyinyima 44:34

Ọ kà o re e dị a re, ọnị mẹmẹ zụ ne tù ada anị dị asị ọnịrị ozi ọnọnị zị? Ọ kà ọnị òo ro ịrẹyị ịsa odivi ene vee tù ada anị agụvị avọọ ẹngụ anị ọ yị zụ dọ ọ.

2 Ịsamụwẹrị 1:11

Di Idevidi ọnịrị aza ene hi ịzọọ pè e za awuru ẹnịnị dị ẹ na a, áyị màa kụ́ wa nị.

2 Ịsamụwẹrị 3:31

Di Idevidi kà a yi Ijowabi ọnịrị aza ọnị ọnịrịị jẹẹ dị ọ ka, “Na awuru awụ nịnị, dị wa si awuru orere chire nịnị, dị wa yà ọvịdị oku Abịna dị waa jị oreree na nịnị!” Idevidi ohinọyị ọnị ụvọta vị ana yà ịrẹma iposi dị aa dụ ọ ịrẹma.

1 Ohinọyị 21:27

Ahabị mẹ̀ maanị wụ́ ịrẹyị ẹnẹnị, dị ọ za ịta anị dị ọ nà a nị. Dị ọ sị ịta kú ẹngụ ọ́za oni oku sú avọọ, dị aa ba awẹ, dị ọ hụtụ tụ́ ịnị atịtọ nị. Di ahịka vị ọ kụkụ aa zi siisii nị.

2 Ohinọyị 18:36

Aza Ihezekaya ê chiriji, ẹnịnị e yi tụ́ ohi ọnyọọnyị agụvị ka Ihezekaya ọ vịdị sị ọ kà yị wa ka à sị e tụ́ ohi.

2 Ohinọyị 5:7

Óhinọyị Anisirẹrị mẹ̀ kà ịrẹta ọnọnị kẹnẹ, dị ayị anị du, dị ọ na awuru anị hi ẹngụ. Ọ kà, vị ọnị wáá vị Ohomorihi ana zụ dọ ọza ụhwẹ, dị ọ́ rẹ zụ mẹ ka ọza ọ̀ yara nị? Sị ẹ vẹ dị aa tụ ọza vee tu ọnị ka ọnị ọ̀ mẹ̀ ẹ ụkụ ọbanyị anị? Ọ kà, è re ka, vị ohinọyị Isiriya ee sì ọnị ịrazị kẹnẹ aanị nị.

2 Ohinọyị 6:30

Ịjị ohinọyị wụ́ ịrẹyị ọnẹẹ ọnọnị, ộ na awuru hi ẹngụ anị ẹngụ; ka ịrẹsụ ọvọ ọ ya aa zị ụsẹ nị, ộ mẹ̀ ka aza è re ka awuru arụwẹ o chire tu ịnịnẹ ẹnya oni o ku hi ẹngụ nị.

Ẹsịta 7:4

A raà ná ọnịrị aza anị ka à wụ̀ ẹnị. A kà è vu ẹnị ẹtẹ. Àa vị kà a ná ẹnị ọrịhị kẹnẹ yọ nị, ọnị ẹ yị yaanị kụ́ ọ zigi wụ.”

Ijoovu 2:13

Dị ẹ yaatẹ ịnị eteesu pe Ijoovu ọọdụ ọnịrị ịrahụ ẹkụhị ịhịmba nị. Avaba ẹnịnị vị ene hi ẹtẹ ee re kẹnẹ agụvị ụya ọngwọọngụ ana a rị.

Ahẹ Ụgama 39:2

Mê kú oku irenu, dị mị tịtẹ hẹẹ nị, me yi tụ́ ohi ịrẹyị ọ̀ọ daka vị ịrẹyị ozoza, Ẹngụkata amị vị ana aa yịị banyịị hu avọọ.

Ịrẹyị Ọzwọzịsa 3:6

Aa nyị ụmẹ ene e sii hèe ịsa, dị a nyị ụmẹ ọnị ịsa sii vu nị. Aa nyị ụmẹ ana a sịị sị ịsa tẹ, dị a nyị ụmẹ ene e sii ne ịsaa ta nị.

Ayịsaya 36:21

Ihezekaya ohinọyị Anijuda ộ vịdị sị ọ ka yị aza anị ka asị e tụ́ ohi ịrẹyị ọnyọọnyị, agụvị avọọ isoja Anasiriya mẹ̀ maanị kà pooro, ẹnịnị ẹ yị jị atẹ tịtẹ.

Ijeremaya 36:24

Angwa e yi re ve hí ohinọyị ọnịrị ezi ahụ anị ana wụ́ ịrẹyị ọnọnị. Ẹnịnị ẹ́ yị daba mẹ̀ ebira ana sị zụ ka ẹnị ee du ayị vụrụ-vụrụ.

Ijeremaya 8:14

Dị ẹnị aza Ohomorihi ka, sị ẹnị yaatụ ịzị ẹnaanị ee zi? Ẹ ka, a vẹ ẹnị e dudu zwe ne hi ẹkụra ana a jị ọvọ kara, dị ẹnị è sú hi ịzọọ. Ka, Ẹnẹyịmavara, Ohomorihi ẹnịnị ọ sị ẹnị hụrẹ ụvọ yị isu, ọ raa sị ẹchịpa yị ẹnị ka ẹnị è hú ọ; ka ẹnị ẹ sị ebira odivi mẹ hi ọ.

Arụwẹ 3:28

Yàa rị ụya, ya yaatụ hẹẹ, dị ya va ayị nẹtẹ.

Ijowẹrị 2:13

Ẹnịnị ẹ̀ sị ịzẹyịza zị ẹngụ, ọnị ọ mẹ huu ka e na achị ẹnịnị hi ẹngụ ka ẹnị aa ba arụwẹ nị. Ẹnẹyịmavara kà ẹ varẹma vẹ ịda anị ana vị Ohomorihi ẹnịnị. Ọnịị̄ vayị ọza ẹtẹẹtẹrẹ, dị ọnịị̄ ngwayịi ọza nị. Ọnịị̄ sị ẹngụ dọ ịrẹyị, dị ọnịị̄ sị ụvọ za oto anị nị; dị ọnịị̄ vagu ọza ana aa mẹ̀ ebira odivi, dị ọnị ẹ yi sị ụya rị ọ.

Emọsị 5:13

Aza ana yẹ ịrẹyị vị ana sị irenu ẹnịnị za agụvị ka ụmẹ odivi yọ nị.

Emọsị 8:3

Ẹnẹyịmavara Ohomorihi ka ịhị ẹkụhị ọnọọ òo tú, ahẹ ẹnẹ ẹ vịdịị jị ini irehi Ohomorihi vaa vara orere. Oku aza ene su vi ana vaa gụ nyaanya aha tụra aha. Dị ọzọza aa kụ aanị hi ẹhẹ hẹẹ-hẹẹ hụụnị ẹkụra.

Imika 7:5

Asị ụ dọ ịrẹyị ọta awụ tụ́ ịzọọ asị ẹwụ na sị ayị tụra a. Ịda ose ewu ụvọta, mị yarị ẹwụ, wa sị ụvọ za irenu awụ.

Odeyi 4:20

Agụvị ka ẹyị e yi zụ kú irenu, dị asị ị kà ịrẹyị ẹnẹ ẹyị ụvọta si re, dị ị rẹ sị ọọ wụ́.”

Odeyi 9:39

Dị Ipita kwẹẹtẹ, dị aa dị waa na nị. Ịjị o tù ịzọọ, dị a sị ọọ nọ ịnị aku ịnị ọtụrọsa ọnọọ nị. Dị avaba osoku nịnị ene hi ịzọọ wara kara Ipita, dị ẹyaa jị òrèrè, dị ẹyaa sị awuru ọnịrị ọtịnịnẹ ọnị Ịdọkaasị mẹ, ọ mẹ̀ yà ẹhẹ, zụ̀ Ipita nị.

1 Ịsamụwẹrị 10:16

Dị Ịsọọrụ ka ộ kà a yị ẹnị ka a sị ịkẹrịkẹtẹ ẹnẹẹ re. Ama Ịsọọrụ ọ yị kà a yọ ka Ịsamụwẹrị ọ raà kà a ka ọnị vaa rị ohinọyị.