Ịrẹyị Ọzwọzịsa 3:6 - IWE ỌNỊNỊ

⁶ Aa nyị ụmẹ ene e sii hèe ịsa, dị a nyị ụmẹ ọnị ịsa sii vu nị. Aa nyị ụmẹ ana a sịị sị ịsa tẹ, dị a nyị ụmẹ ene e sii ne ịsaa ta nị.

Ịrẹyị Ọzwọzịsa 3:6 ပူးပေါင်းရင်းမြစ်များ

Oyinyima 31:18

dị ọ kụ́ avaba ịsụpa anị, ọnịrị avaba ịsa ọnị ọ nyị ọ mẹ̀ yà akẹbẹẹba Imesopotemiya dị ọ kụ́ wa aa nọ ẹtẹ Ikanaani ana vị ẹtẹ ada anị Ayiziiki nị.

2 Ohinọyị 5:26

Ama Erisa ộ kà a yọ ka, ụhwẹ anị ộ saasa a na ngụ ịzọọ ịjị ọnọrụ ọnọọ chí hụụ ịnị ịkẹkẹ ịrẹkụ anị ve tu ọ. Ụmẹ ọnọnị áa vọrọ ka à sị dọ ọza ẹkẹhị nị? Ụmẹ aanị áa vọrọ ka a sị dọ ịta nị? Ụmẹ aanị áa vọrọ ka à sị dọ aarẹ ana a kụ́ orivi ọnịrị ịvayịnị tụ nị? Ụmẹ aanị áa vọrọ ka à sị dọ ọkọnị atẹmẹ ọnịrị ọkọnị imaaru beri ezida ọnọrụ ọnịrị anẹẹ nị?

2 Ohinọyị 7:15

Aza ẹnẹnị ệ na huuu na ngụ Ijodani. Ẹ maa na oze, dị e re ịta ọnịrị ẹnya ọnị Anisiriya nịnị va ha ẹnịnị mee zwè nị. Dị ẹnịnị vavẹ, dị ẹ va kà ụtụ yị ohinọyị nị.

2 Ohinọyị 8:9

Ịzẹyịza dị Ihazayẹrị kune ịsa ozoza-ozoza Anịdamasịkọsị tụra ịnyaakụmị ẹbẹẹva, dị o ne tu Erisa nị. Ịjị Ihazayẹrị ne si tu ọ, dị ọ ka, “Ozi ewu Ịbẹnịhadadị, ohinọyị Ísiriya ọ tụ ọnị vẹ nị. Ọ kà ọnị va họ̀ wụ use ka, aarịhịnị ọnị wáá vaa rị ẹngụ anaa zị ọnị aanị.”

Ahẹ Ụgama 112:9

Ẹngụ aza ẹnẹẹ ệ vịdị raà mẹ vi ana vaa jẹẹ pooro. Ọ vaa nyị ụkata dị aza aa sị ụbanyịị yọ.

Ịrẹyị Ọzwọzịsa 11:1

Waa mẹ ẹyịza ụmẹzụ-ụmẹzụ, óo kukuku ẹyịza awụ vaa va ụhị vàa ka awụ vẹ.

Ịrẹyị Ọzwọzịsa 3:5

Aa nyị ụmẹ ọnị ọnọrụ ọnịrị ọnẹẹ sịị sì ẹngụ, dị a nyị ụmẹ ọnị ẹ sịị kana yị ẹngụ nị. Aa nyị ụmẹ ana a sịị za ẹngụ ku ayị, dị a nyị ụmẹ ana a sịị ha ẹngụ hi nị.

Ịrẹyị Ọzwọzịsa 3:7

Aa nyị ụmẹ ana a sịị na ịsa, dị a nyị ụmẹ ana a sịị gẹ ịsa nị. Aa nyị ụmẹ ana a sịị sị irenu kwoku, dị a nyị ụmẹ ana sịị kà ịrẹyị nị.

Ayịsaya 2:20

Ịhị ọnọọ aza vaa kụ́ ori ẹnị ẹ sị enyusẹ ẹkẹhị ọnịrị igooru mẹ dị ẹ yaa hẹkẹ ẹ, di e ne wa ta yi isu ọnịrị arịga.

Ijona 1:5

Ịjị aza anaā sịị ẹpa zị vavọọ re e, dị angwahi sị ngụ wa ẹngụ nị. Dị aza ene hi ịnị ẹpa ẹ yaa ta ori ẹnịnị ubo ka ẹ̀ va gụ ẹnị ụvọ nị. Dị anụkọrọ ẹpa ọnọọ kụ́ ẹnya ene hi ịnị ẹpa ne và hi enyi agụvị ẹpa ọ hẹ̀rẹ̀, dị asị o chi ngụ enyi nị. Ịnị ụmẹ ana aa kà aanị, ara ọ sị Ijona dọ tụ́ iruvo ẹpa ịzị ọ hụtẹtẹ tụ́.

Imatiwu 19:29

Ọza ọ̀ọ navọ irehi anị, àa vị ẹyịnyara anị anọrụ, àa vị anẹẹ, ọ̀ọ navọ ada anị, àa vị ọnyị anị, ọ̀ọ navọ ose anị, àa vị ezi anị, ọ̀ọ navọ aarẹ tịtẹ agụvị ịrẹha amị, Ohomorihi rẹ vaa sị ịsa ene huna avọọ oze ẹchẹhị-ẹchẹhịị sí ọọ atọ, dị ọza ọnọọ rẹ yàra pooro zịna-zịna.

Odeyi 27:19

Ịhyẹgwẹta ọnọọ, dị ẹyaa sị ụvọ ẹnịnịị kụ́ ẹnya ụkọrọ ẹpaa vàa hi enyi nị.

Odeyi 27:38

Ịjị ẹ sị ịsa rị, dị ẹ kụ́ akụ ana vọ và hi enyi agụvị ẹpa ọ̀ hẹrẹ nị.