Ịrẹyị Ọzwọzịsa 3:4 - IWE ỌNỊNỊ

⁴ Aa nyị ụmẹ ene e sịị sụ ùnè, dị a nyị ụmẹ ene e sii nyinyi nị. Aa nyị ụmẹ ana a sịị và ẹngụ hi, dị a nyị ụmẹ ana a sịị nyị ẹzẹ nị.

Ịrẹyị Ọzwọzịsa 3:4 ပူးပေါင်းရင်းမြစ်များ

Oyinyima 21:6

Isera ka, “Ohomorihi ọ raà mẹ ka oni ò nyinyi. Avaba aza ana àa wụ́ vee pe onii nyinyi.”

2 Ịsamụwẹrị 6:16

Ápoti Ẹnẹyịmavara màa ngụ ịnị Ẹkụra Idevidi, di Imikari ozi Ịsọọrụ ana vị ọnẹẹ dà eyi gẹ ini ozokete, di ee re ẹtẹ nị. Di o re ka Idevidi ee ji iriga, aa nyị ẹzẹ ọ màa sị ụbanyịị yị Ẹnẹyịmavara nị. Di Imikari ee ro o ịnị ayị anị ka ọnịyẹyẹ Idevidi vị nị.

Ahẹ Ụgama 30:11

Ẹmị vị ana ayị anị vịdị du, wa raà mẹ ka ayị amị ọ kukuu hine, dị maā nyị ẹzẹ Ụ ka asị mi kuku sụ ùnè, ama maa jẹ,

Ahẹ Ụgama 30:5

Ọ mā kụ́ ayị gọdọ ama vị ọọ̄ mẹ ọyịzaa yị ọza pooro ịnị ẹhẹ nị Ọza ọ zụ jị òrèrè ịrahụ, ama eyi ọ̀ọ naa nị dị ịnẹ anị kuku ee hine.

Ọyịkụra 15:20

Di Imeriyamị ana vị ọnịsẹ ana vị onyeyiza Imosiisi sị ọpanyị ana sịị̄ jị ahẹ nị; ụvọ dị ẹ yaa dụ ọ ịrẹma dị ẹ yaa nyị ẹzẹ nị.

Ịrẹyị Ọzwọzịsa 3:5

Aa nyị ụmẹ ọnị ọnọrụ ọnịrị ọnẹẹ sịị sì ẹngụ, dị a nyị ụmẹ ọnị ẹ sịị kana yị ẹngụ nị. Aa nyị ụmẹ ana a sịị za ẹngụ ku ayị, dị a nyị ụmẹ ana a sịị ha ẹngụ hi nị.

Ịrẹyị Ọzwọzịsa 7:14

Ẹhẹ ee zozaa wụ waa jẹ, òo ve divi ụ rò ịrẹyị. Ohomorihi ọ mẹ ẹnị ẹyịva nị, avọọ, ẹnẹ ka ọnị ọọ yẹ anaa vẹ ụhwọọ?

Ayịsaya 40:1

Ohomorihi awụ kà: “Sị ayị aza anị nẹtẹ, sị ayị aza anị nẹtẹ.

Ayịsaya 40:2

Sị ụmẹnụmẹnẹ kà ịrẹyị yị Anijerusarẹmị. Kà yị wa ka ẹkụhị ayodu ẹnịnị ọ sị parahu, Ẹnẹyịmavara kà ọnị ọ raà vagu wa ịnị ịvị ẹnịnị. Ẹnịnị ẹ raà rị ụya ana ngụ ajẹ agụvị ebira odivi ẹnịnị.”

Imatiwu 11:17

dị ẹ ka: ‘Yée hú okokoro yị wụ nịnị, ama wẹ yị nyị ẹzẹ nịnị. Ya rẹ jị òrèrè yị wụ nịnị, ama wẹ yị jị òrèrè nịnị!’

Imatiwu 9:15

Dị Ijeesu kà a yị wa ka, “Aza ọza anaa nyị ọnẹẹ ẹ́ẹ́ zụ jị òrèrè ịnị ụmẹ ọnị ọva ọnẹẹ yà pe wa? Ama ẹkụhị aa vẹ anaa vaa sị ọva ọnẹẹ hụụ ịzọọ, ịjọnọọ ẹ vaa ba awẹ.

Iruuku 1:58

Aza ọnị ọnịrịị ra beri anda ẹnịnị ệ wụ́, Óhomorihi mẹmẹ vayị anị; di e pe e jẹ nị.

Aniroomi 12:15

Aza ana àaa jẹ, wee pe waa jẹ nịnị! Aza ana àaa raa jị òrèrè, we ree pe waa jị òrèrè nịnị.

2 Anịkọrịntị 7:10

Ọza òo du ayị anka Óhomorihi mè sì, ọọ̄ mẹ̀ ka ọza ọnọọ ò ro ịnẹ varẹma, dị Ohomorihi ọ̀ dọ ọ há. Ọza ọ mā sị ụmayịyẹ ịnị ọnọọ. Ama àa vị ọza ee du ayị anka anẹhẹ kẹnẹ nị, isu ọọ̄ sịị vẹ nị.

Ijemiisi 4:9

Sị ụya rị ẹngụ awụ nịnị, wee nowu dị ụ wa rẹẹ jị òrèrè nịnị. Waa jị òrèrè, asị u re kuku nyi unyi nịnị! Du ayị, asị ụ rẹ kụkụ jẹ ịrajẹ nịnị!