Ịrẹyị Ọzwọzịsa 3:22 - IWE ỌNỊNỊ

²² Agụvị avọọ ọnị ọ sị o re ka ẹ yị nyị ịsị ẹyị ọza zụ mẹ huni ka, ọzọza ọ̀ọ rị ịsa ụkọrọ ọnị ọọ mẹ, dị oo hine ẹngụ anị ayị; ka avaba ene tụ ọzọza ịnị ẹhẹ ọ vị ọnọọ nị, ọza òo wu usu, vị ta ịnị ẹhẹ ọnọnị avọọ nị.

Ịrẹyị Ọzwọzịsa 3:22 ပူးပေါင်းရင်းမြစ်များ

Ijoovu 14:21

Ọza ọnị anị ta ọ́ mā yẹ ịsị enee tu ezi anị, ọ̀ọ vị ụga a vị ụhị.

Ịrẹyị Ọzwọzịsa 10:14

Ọnụra vị anaā kụ ịrẹka tuturutu kẹnẹ. Ẹ yị nyị ọza ana yẹ ịsị aa vẹ ẹnẹ zụ ka yọ ịsị ẹ vaa mẹ ịrẹma anị kẹ?

Ịrẹyị Ọzwọzịsa 11:9

Ẹwụ ọpa ozweyi, waa jẹ. Ụmẹ yị vị ozweyi aanị ayị awụ oo hine. Avaba ịsị ayị awụ oo sị kẹnẹ ọnị u si ka wàa mẹ, waa mẹ̀ ẹ. Ama tamayị ka ụ va naa ka enube avaba ịsị ụ waa mẹ yị Ohomorihi.

Ịrẹyị Ọzwọzịsa 2:18

Ọ kà avaba ịsị ọnị ọnị mẹ ịnị ẹhẹ dị ọnị e yi nyị eyi tụ́ ụhwọ́ ộ nyị ọnị ịhyẹrẹ. Agụvị ka ọnị vaa para wa hu tịtẹ yị anịrẹma anaa vẹ nị.

Ịrẹyị Ọzwọzịsa 2:24

Sị ọza kụkụ vaa mẹ huni ka ọọ rị, dị òo hú, di òo hine ẹngụ anị ịnị ẹhẹ, dịị ịsị ọza aa mẹ, ọ̀ mẹẹ hine ẹngụ anị ẹtẹẹtẹrẹ. Dị ọnị re ve ree ka Ohomorihi kẹnẹ ọọ mẹ ọsọnị yị ọza nị;

Ịrẹyị Ọzwọzịsa 6:12

Ẹnẹ ka ọnị ọọ yẹ ịsị e rere ọza hu ịnị ụmẹ chee ọnị ọ nyị ọyị mẹ ịnị ẹhẹ osusu ọnọnị? Ẹhẹ vị anaa para hu anka ụmọmọ́ avọọ. Ẹnẹ nyẹngụ ka a ịsị ẹ vaa mẹ ịrẹma ọza, ọọ sị hụụnị ẹhẹ kẹ?

Ịrẹyị Ọzwọzịsa 7:14

Ẹhẹ ee zozaa wụ waa jẹ, òo ve divi ụ rò ịrẹyị. Ohomorihi ọ mẹ ẹnị ẹyịva nị, avọọ, ẹnẹ ka ọnị ọọ yẹ anaa vẹ ụhwọọ?

Ịrẹyị Ọzwọzịsa 8:15

Ọ kà, ọsọnị ọ va mẹ ka ọnị ọ kà a ka ịsị ọzọza ọọ nyị ọ̀ sịị mẹ ayohine nị, ka ẹ yị nyị ịsị ọza zụ mẹ ịnị ẹhẹ ọnọnị huni ka ọza ọọ rị, dị oo hú, dị oo hine ayị. Àa vị ọnọnị ọ̀ daba sị ụvọ zaa ịnị ụkọrọ ọnị Ohomorihi zẹẹ ka ọ̀ mẹ ịnị ẹhẹ ọnọnị.

Ịrẹyị Ọzwọzịsa 8:7

Ẹ yị nyị ọza ayị ana ka ọnị ọọ yẹ ịsị aa vẹ ụhwọọ, dị ẹ yị rẹ nyị ọza ana zụ ka ẹ yị nị.

Ịrẹyị Ọzwọzịsa 9:12

Ẹ yị nyị ọza ana ka ọnị ọọ yẹ ụmẹ aanị. Ẹ yị nyị ọza ana zụ yẹ ụmẹ ọnị ẹngụkata vaa sị vẹ. Anka ivovo ọnị ọha za, à vị inomi ọnị ịrẹpa za avọọ, avọọ ịrẹyị odivi mẹẹ hụraa sụ̀ aza avaavo dị ọ za wa anka ịrẹpa avọọ nị.

Ịrẹyị Ọzwọzịsa 9:6

Aza ene wu usu ẹnịrị ịrẹyị ọza oyisì ẹnịnị, ọyị nyị ịhyẹrẹ ọza ẹnịnị beri ụhị ọyị kụ ẹnịnị e su nị. Ẹnịnị ẹ ma vana bẹ ụvọ tụ ịnị ịsị anaa na ịnị ẹhẹ pàá.

Ịdanịyẹrị 12:13

Ịdanịyẹrị ka, Anggẹẹrị ọnọọ ộ kà a yị ọnị ka ọnị ọ̀ sị ayị tụra Ohomorihi pooro ne tu ẹzẹtẹ. Ọ kà ọnị Ịdanịyẹrị vee su, ama ọnị rẹ vaa ha dị ọnị ọ̀ dọ ọgụ ọnị Ohomorihi sị tịtẹ yị ọnị.

Imatiwu 6:34

Agụvị avọọ asị ụ rẹ̀ mẹ ariro agụvị ụhwọọ. Ụhwọọ ọ vaa mẹ ariro ẹngụ anị nị. Sị eyi pe ariro ajịnị kẹnẹ!”

Iwe Ọhụhị Imosiisi ana aa hị́ Ọyịvatụrọda 12:18

Ọvịdị Ẹnẹyịmavara Ohomorihi awụ nịnị ụ vaa yaa rị ẹngụ ịsa ẹnẹnị ịzị Ẹnẹyịmavara Ohomorihi awụ nịnị vaa nyị nị. Ẹwụrị ezi ọnọrụ awụ ọnịrị anẹẹ, beri ọrịhị awụ anọrụ ọnịrị anẹẹ, ọnịrị Anireevi nịnị ana ra ẹkụra awụ nịnị e dudu vaa rị ịsa ẹnẹnị nị. Dị ụ yà ọvịdị Ẹnẹyịmavara Ohomorihi awụ nịnị aa jẹ ịrajẹ tụ́ ịrẹsụ avaba ịsa ọnị ụ mẹ nịnị.

Iwe Ọhụhị Imosiisi ana aa hị́ Ọyịvatụrọda 12:7

Agada Ẹnẹyịmavara Ohomorihi awụ nịnị ịzọọ, ẹwụrị ovwoovu awụ vaa rị ịsa ọnị ụ sị ụvọta awụ nịnị mẹ, dị ụ waa jị ịrajẹ

Iwe Ọhụhị Imosiisi ana aa hị́ Ọyịvatụrọda 28:47

Ẹnẹyịmavara ộ zị avaba oze mẹ ka ò ze yị wụ nịnị, ama wẹ yị zẹẹ ka wa sị ayohine ọnịrị ịrajẹ hẹkẹ ẹ nịnị.