Ịrẹyị Ọzwọzịsa 3:2 - IWE ỌNỊNỊ

² Aa nyị ụmẹ ọnị aa sịị ma ọza vẹ ịnị ẹhẹ, dị ọ nyị ụmẹ ọnị ọza sii su nị. Aa nyị ụmẹ ene e sii chire ịsa, dị a nyị ụmẹ ana a sịị há a nị.

Ịrẹyị Ọzwọzịsa 3:2 ပူးပေါင်းရင်းမြစ်များ

Oyinyima 17:21

Ọ kà ama ịsị ọnị ka ọnị vaa mẹ ịnị ịrẹyị ọnị mi pè e kà tịtẹ aanị, Ayiziiki ọnị vaa mẹ̀ ẹ yị nị. Ọ rẹ ka ụmẹ aanị ụpẹ ọsa, Isera sị ozi ma yọ.

Oyinyima 47:29

Ịjị ụmẹ oni Ijekọvụ ee vee sú aa gụrị ẹtẹ, dị ọ tụ́ na hị́ Ijosẹẹhụ ozi anị dị ọ ka: Òo sì ịrẹyị anị ọ sị ụvọ chire agada anị dị ọ̀ hị́ eku yị ọnị. Ọ kà ọ̀ hị́ eku ka ọ vaa mẹ ịsị ọnị ọ ka ọ mẹ ka ọ yi vee vene ọnị. Ọ kà ọ̀ hị́ eku ka o yi vee ne ọnị tụ́ ịnị ẹtẹ Ijipiti.

1 Ohinọyị 13:2

Dị ọza Ohomorihi ọnọọ nowu hi aha ịsọvọ ọnọọ ó màa kà ịrẹyị ẹnị Ẹnẹyịmavara sị tụ́ ọ vẹ, dị ọ ka, “Ẹwụ aha ịsọvọ ọnọnị, ẹwụ aha ịsọvọ ọnọnị, Ẹnẹyịmavara kà ma kà a wụ ka ẹwa yẹ, o ka â nyị ozi ọnọrụ ọnya aanị ana a vaa ma tụ́ ini ovwoovu Idevidi. Ọ kà ịrẹha ozi ọnọọ ọ vaa rị Ijosaya nị. Ọ kà ohi ịrẹsụ irehi Ohomorihi ene hi aha ọnẹba ana aa rị eturare ịra ịrẹsụ awụ aanị vị ọnị ọ vaa sị mẹ̀ ịsọvọ ịrẹsụ awụ. Ọ rẹ ka ẹnịnị vaa rị ẹchụkụ ọza ịra ịrẹsụ awụ.”

2 Ohinọyị 4:16

Dị Erisa kà a yị ọnẹẹ ọnọnị ka ụmẹ aanị ụpọsa, ọ vaa sị ozi ọnọrụụ rị ụvọ nị. Ọnẹẹ ọnọnị ô nowu zẹtẹ ka, aarịhịnị, a sị Erisa vene ọnị dị, agụvị ka ọza Ohomorihi ọ vị̀ nị.

Ijoovu 14:14

Aza òo su ọ́ọ́ vaa ịrẹma vẹ ịnị ẹhẹ? Aa vị avọọ yọ nị, ọnị aa jẹẹ zi ụmẹ ozoza ọnị akanya vaa sị ta.

Ijoovu 14:5

Avaba ẹkụhị ẹhẹ ọza vị ọnị Ohomorihi mẹ eto anị tịtẹ. Ọ yẹ ụhwẹ anị ya. Ịhị ẹkụhị ọọ gụ ẹ yị nyị ka ọ vara.

Ijoovu 7:1

Ẹhẹ ọnị ọza vẹ ịnị anị vị ẹhẹ akanya. Ịrẹvụrẹkụ yọ pooro nị. Ọ sị mẹẹ anka ọza anaa dọ ụkọrọ avọọ nị.

Ahẹ Ụgama 113:9

Ộ mẹ ka ọbọrị ọ̀ ma ozi, dị ọ kụkụ sị ụbanyị yọ tụ́ ini eehi anị nị Waa kụ́ Ẹnẹyịmavara.

Ahẹ Ụgama 52:5

Ohomorihi vị ana vaa sị wụụ hụụnị ajẹngụ awụ dị ọ mẹ ka awụ ọ̀ ta ịnị ẹhẹ pàá.

Ụhịrẹyị 24:27

Tenyi ẹtẹ tịtẹ daa, di we vee chire ịsa tụ ọ, dị wa vaa da irehi.

Ayịsaya 28:24

Ọkụrịkụ ee huru ẹtẹ ka oni ò chire ịsa tụ́ ọ, aanị ka vi óō huru ọ pooro kẹnẹ nị? Mị ka méé re ọkụrịkụ ana ahịka vi óō huru ẹtẹ pooro kẹnẹ nị?

Ayịsaya 38:1

 nyị ụmẹ ọnya aanị ọnị ẹngụ sị zị Ihezekaya, dị ọ sị vọ chee di o su. Ọnịsẹ Ayịsaya ana vị ozi Amozi ô ne tu ọ dị ọ kà, Ẹnẹyịmavara kà o tenyi irehi anị agụvị ka ẹ yị vaa zụ rị ụkụ anị ọnọnị, ee su nị.

Ayịsaya 38:5

Ọ kà ọ na ka yị Ihezekaya ka, Ẹnẹyịmavara Ohomorihi ada anị Idevidi ka ọnị ọ raà wụ́ aduwa anị, di oni reè re orere anị nị. Ọnị vaa da ịrayị ẹwụrẹhị tụ́ ịnị ẹhẹ anị yọ.

Ayịsaya 54:1

Ẹnẹyịmavara kà: Ẹwụ ọbọrị, waa jị ahẹ. Ẹwụ ẹnẹ ẹ̀ yị barẹẹ da, wa jị ahẹ booboro, dị ụ waa jẹ. Agụvị ka ụ vaa nyị ezii huna ọnẹẹ ana và ọnọrụ.

Ijeremaya 1:10

Dị Ẹnẹyịmavara kà, hụrị ajịnị, ọnị ọ raa sị ụkata yị ọnị ka, ọnị ọ̀ nyị ẹbẹẹba avaba anẹkụra ọnịrị ohinọyị nịnị. Ọ kà, ọnị ọ̀ nee hu ịsaa hụrị ẹtẹ, dị ọnị oo wụ ẹnyị vàa hi ẹtẹ. Ọnị ọ̀ọ gara ịsa ẹnyị ha, dị ọnị ọ̀ọ chaka wa. Dị ọnị ọọ tenyi ịsa ẹnyị, dị ọnị ò re chire ịsa ẹnyị.

Ijeremaya 45:4

Ẹnẹyịmavara kà, ọnị ọ̀ kà a yị Ibaruki ka, ọnị Ẹnẹyịmavara vaa gara ịsị ọnị ọnị vịdị kụ gụụ ha, dị ọnị re hu ịsị ọnị ọnị vịdị chire hụrẹ ẹtẹ. Avọọ ọnị mẹ vaa mẹ avaba ẹhẹ nị.

Imatiwu 13:41

Ẹmị Ozi ọza onigirima vaa tụ́ anggẹẹrị amị nịnị jịnẹ, dị ẹ tọ̀ọ́ avaba ịsa anaā mẹ ka ọza ọ̀ mẹ ịvịị ọnịrị avaba aza ana vọ anaā mẹ̀ ịsa edivi hụụnị aza oni Ohomorihi aa mẹ ịjọvaa tụra.

Imatiwu 15:13

Dị Ijeesu tụ́ ohi, dị ọ ka, “Avaba ọchị ẹnẹ ẹ̀ yị vị Ada amị o chire, vị enee vee hu nee ta.

Iruuku 1:13

Dị anggẹẹrị ọnọọ kà a yọ ka, “Ịzakaraya, asị u hí angwa agụvị ka Ohomorihi ọ raà wụ́ aduwa awụ. Erizabẹẹtị ose ewu vaa ma ozi ọnọrụ ọnyaa yị wụ, Ịjọọnụ ụ vaa yị ọ nị.

Iruuku 1:20

Ama ụ wẹ yị mẹ dọ ịrẹyị amị wụ́ aanị, u vee gu irenu ne tu ịhịịhị aa sị ozi ọnọọ ma, agụvị ka ịrẹyị ọnị mị kà vaa sẹ.”

Iruuku 1:36

Tamayị Erizabẹẹtị ana vị anda awụ nịnị, oni ree zyẹẹ ozi ọnọrụ, ọ mẹ̀ daka yị sị vị ọzọkụ. Ụhwẹ ọhụhịnọnyị ịrẹẹ anị yị; wâ yẹ ka ọbọrị a vịdị aa hị́ ọọ nị.

Ịjọọnụ 16:21

Ọnyẹnẹẹ àaa barẹẹ, ayị anị vị ene vee du, agụvị ka ụmẹ ụyọrị anị o si tù. Ama ọ̀ọ sị ozi anị ma, dị ayị ụyọrị anị kuku hi ọ, agụvị ka ọ kụkụ aa jẹ ka ọnị ọ sị ozi ma va ngụ ịnị ẹhẹ.

Ịjọọnụ 7:30

Ịjọnọọ di eyee sì ka ẹnị ẹ̀ za a nị; ama ẹ yị nyị ọza ana sị ụvọ kanyị ọọ, agụvị ka ụmẹ anị oò yi tù.

Odeyi 7:17

“Ộ da kù, ụmẹ maa gụrị ẹtẹ oni Ohomorihi aà vaa sị mẹ oto oni o wo yị Abụrahamị, dị anda ayị ene hi Ijipiti sị rụrụ hu avọọ nị.

Odeyi 7:20

Ụmẹ ọnọnị a sị ma Imosiisi nị. A mẹ̀ ma Imosiisi, ô zé Ohomorihi eyi. Â pá a mẹ ụhwẹ ẹẹta ini eehi ịdị ada anị.

Anigaratiya 4:4

Ama ịjị ụmẹ Ohomorihi vavẹ, Ohomorihi ộ tụ́ Ozi anị vẹ ịnị ẹhẹ ọnọnị. Ọnyẹnẹẹ ọnya aanị ọ ma a nị. Ọnị ọ rẹ saasa ọda Aniju nịnị,

Iwe Ọhụhị Imosiisi ana aa hị́ Ọyịvatụrọda 34:5

Ịzẹyịza, dị Imosiisi ozi ahụ Ẹnẹyịmavara su ịnị ẹtẹ Imowabi anka Ẹnẹyịmavara vịdị kà a ọnị vaa mẹ.

Anihiburu 9:27

A sị eto anị mẹ ka ọza vị ene vee sú ụpẹ ọnya gene-gene. Òo wusu, dị Ohomorihi mẹ̀ ọkarẹyị yọ.

1 Ịsamụwẹrị 2:5

Aza anaā vịdịị nyị dị ịnẹ aa ha wa vị ana kụkụ ya ahụ ọza dị ẹ̀ va rị ịsa. Dị ịnẹ aa ha aza ọnị ụngwẹẹ̄ vịdịị kụ̀, dị ayị hi wa ka ụngwẹ ộ vịdị kụ̀ ẹnị da nị. Ọnẹẹ ana vịdị vị ọbọrị vaa ma ezi ịhịmba, dị ọnyị ezi ọrụrụ vaa vara ọbọrị.