Ịrẹyị Ọzwọzịsa 3:16 - IWE ỌNỊNỊ

¹⁶ Ọzwọzịsa ọnọnị ka ọnị o re ré ịsa ọnya ịnị ẹhẹ ọnọnị ka ịzị a vọrọ ka à yaa mẹ ịzẹyịza ọnịrị ịsa ana vọrọ hị́ aza, vị ana yà aa chamayị yị ẹngụ.

Ịrẹyị Ọzwọzịsa 3:16 ပူးပေါင်းရင်းမြစ်များ

Ịrẹyị Ọzwọzịsa 4:1

Ọzwọzịsa ka ọnị o re ré avaba ẹvaya ana aza mẹẹ yị ẹngụ ịnị ẹhẹ ọnọnị. Aza ana a mẹ ẹvaya yị aa jị òrèrè ẹnịnị e yị re ọza sị wa ayị nẹtẹ agụvị ka aza ana a mẹ ẹvaya yị wa ẹẹ nyị ụkata ẹtẹẹtẹrẹ.

Ịrẹyị Ọzwọzịsa 5:7

Osusu kẹnẹ ụra ọ yị ra ọnịrị ịrẹka ọrụrụ ọ yị kụ vị nị. Agụvị avọọ o hí angwa Ohomorihi.

Ịrẹyị Ọzwọzịsa 5:8

Asị o hi wu eyi wee re ka aa mẹ ẹvaya yị onosiye nịnị ịnị ẹkụra, dị ọza ẹ yị zẹẹ ka à mẹ ịzẹyịza ọnịrị ịsa ana vọrọ hi wa nị. Yẹ ka ọnụkọrọ ịjọva ọzọza vị ana nyị ọga ana sị eyi pe e. Avọọ a mẹ rẹ nyị ọga ene huna ẹnị ẹyịva ana sị eyi pe wa nị.

Ịrẹyị Ọzwọzịsa 8:9

Ọzwọzịsa ka ọnị mee ro ịrẹyị ịsị ana aza aa mẹ ịnị ẹhẹ ọnọnị, avaba ịsị ọnị ve re yi. Aa nyị ụmẹ nyị dị aza ana nyị ụkata aa mẹ ehuna yị ọnọhụva ẹnịnị, dị ẹ yaa kụ ẹngụkataa tu ẹngụ ẹnịnị.

Ayịsaya 59:14

Ẹ raà dụ ịzẹyịza ne vu, ẹnịrị ọ ẹ sị tara ẹngụ. Ịzẹyịza vị ọnị ẹ gụ hyẹdụ ịnị ikootu, dị ẹ sị tụ akaha ọnya.

Imika 2:2

Aarẹ ọza ẹnẹsa vị eni eē sị eyii tụ̀ ịnị anị, dị ẹ dọ ọ. Avọọ ẹ mẹ̀ rẹẹ sị eyii tụ́ ini irehi oni irehi dị ẹ dọ ọza ana nyị nị. Ọza ọ̀ọ dà irehi anị di e si irikichi dọ ọ, ọza ọ̀ọ nyị ogu, dị ẹ rẹ vavọọ dọ ọ.

Imika 7:3

Ịsị ẹnịnị yẹ eyi anị, ọ vị ebira odivi nị. Ohinọyị ọnịrị ọmọkarẹyị aa dọ ochirerenu. Ịsa aza ana nyị ụkata sì, ịsa ọnọọ ẹ vaa mẹ nị Avọọ ọ maa mịị mẹ, dị ẹ vabẹ, dị ẹ yaa gẹ eyi zi nị.

Ịzẹhwanaya 3:3

Ọdọvịdị ẹnịnị vị ana sị mẹẹ anka idu ene ee si ọza ana a sị mẹ ụngwẹ avọọ. Ọhọ̀ha ẹ yị zẹẹ ka à nyị ịsị ẹ vọ tịtẹ vụrụ-vụrụ. Ọmọkarẹyị ẹnịnị vị ana yà anka akatapooro ọnị ụngwẹ aa kụ avọọ.

Imatiwu 26:59

Ohirẹsụ ẹbanyị irehi Ohomorihi ọnịrị avaba ọmọkarẹyị ê sì ịrẹyị ireche ẹnẹẹ vaa kụ́ụ za Ijeesu, agụvị dị ẹ̀ zụ wụ ọ;

Odeyi 23:3

Dị Ịpọọrụ ka, “Ohomorihi ọ vaa nya wụ ịsa nị, ẹwụ onogevegeve ọnọnị. Wa va yaayịtẹ ka wa mẹ̀ ọkarẹyị mị anka ọda, dị ụ vaa jịnẹ ọda ọnọọ kà a yị aza ka ẹ̀ nya mị ịsa.”

Ijemiisi 2:6

Ama ẹwụ nịnị aa sị oweyii re onosiye. Wáá tamayị ka ọzọbanyị nịnị ẹẹ̄ mẹ ehunaa wụ nịnị nị? Wáá yẹ ka ẹnị ẹ rẹẹ za wụ nịnịị nọ ikootu nị?