Ịrẹyị Ọzwọzịsa 3:14 - IWE ỌNỊNỊ

¹⁴ Ọ kà ọnị ọ yẹ́ ka ịsị Ohomorihi ọ̀ọ mẹ vị ana vaa jẹẹ pooro. Ọza ọ yị zụ dà tụ ọ, dị ọza ẹ yị rẹ zụ dà hụụnị anị nị. Ohomorihi ọọ vavọọ mẹ agụvị dị aza ee hí angwa anị.

Ịrẹyị Ọzwọzịsa 3:14 ပူးပေါင်းရင်းမြစ်များ

2 Ịsamụwẹrị 22:31

Ẹwụ Ohomorihi, ẹwụ ē mè nyeeyi vụrụ-vụrụ. Ịsa ẹnẹ Ẹnẹyịmavara kà, ẹ yị nyị ireche o! Avaba aza ene zwe na vaka ọnị, avaba ẹnịnị o sere nị, ẹ yị nyị ịsị ẹ zụ kanyị wa.

Ahẹ Ụgama 33:11

Ịsị Ẹnẹyịmavara kà ọnị aa mẹ ẹ yị nyị ịsị e zụ zizi ọ, avọọ ọ màa yà nị, ee!

Ahẹ Ụgama 64:9

Ịjọnọọ avaba aza vee hí angwa Ohomorihi Dị ẹ yaa kà a zụ̀ aza ịsa oni Ohomorihi mẹ dị ẹ sị tụ́ ịnị ayị di e yee ro o.

Ahẹ Ụgama 76:10

Aza aa kụ́ ayị ọnọọ vị ana vaa mẹ ka aza ẹ̀ẹ sị ụbanyịị wụ, dị aza ana vọ ana aa kụ́ ayị za ụvọ chire enyi nị.

Ụhịrẹyị 19:21

Aza ẹ zụ mẹ aro ọrụrụ-ọrụrụ tụ ịnị ayị ama ịsị Ẹnẹyịmavara oo si ọọ̄ vaa mẹ nị.

Ụhịrẹyị 21:30

Ẹ nyị ịsị ịrẹyọyẹ ọnịrị eyohweyi ọza vị ọvịdị Ẹnẹyịmavara.

Ụhịrẹyị 30:6

Asị ụ da tụ́ ịnị ịrẹyị anị agụvị asị ọ tụ̀ wụ ohuvọ ka onireeche ụ vị nị.

Ịrẹyị Ọzwọzịsa 12:13

Ya sị avaba ịrẹyị wụ, ịsị aa sị za ịrẹyị ịrẹsụ yị. Hi angwa Ohomorihi, dị waa saasa ọda Anị, agụvị ka avaba ụkọrọ ọnị Ohomorihi sị yị ẹyị ọza ịnị ẹhẹ ọ vị ọnọọ nị.

Ịrẹyị Ọzwọzịsa 5:6

Asị ụ zẹẹ ka ịrẹyị irenu awụ ọ sị ụ na mẹ ịvị. Asị ụ na kà a yị ọnụtụ Ohomorihi ana ya ịnị irehi Ohomorihi ka ụ nyeeyi ka aka ụ vaa mẹ̀ ịsa ọnọnị nị. Sị ẹ vẹ dị wee sì ka Ohomorihi ọ̀ hụ agụvị ịrẹyị irenu kụ ayị dị ò du avaba ịsị ụ sị ụvọ awụ mẹ ha.

Ịrẹyị Ọzwọzịsa 5:7

Osusu kẹnẹ ụra ọ yị ra ọnịrị ịrẹka ọrụrụ ọ yị kụ vị nị. Agụvị avọọ o hí angwa Ohomorihi.

Ịrẹyị Ọzwọzịsa 7:18

Asị ụ na mẹ ẹnẹmẹhị ịnị ẹnẹ ẹyịva ẹnẹẹ nị. Wâ hí angwa Ohomorihi, vị o vee zozaa yị wụ nị.

Ayịsaya 46:10

Hụrẹ oyinyima mịị̄ kà a ịsẹ ẹ vaa mẹ nị. Hụrẹ ụmọrụmọ mị kà a ịsị ẹ vaa mẹ nị. Mị ka, ịsị mị ka ọ vaa mẹ, vaa mẹ. Mị vaa mẹ ịsị mi sì ka maa mẹ̀.

Ịdanịyẹrị 8:8

Dị ịdẹ ọnọnị ọnị rẹ kụkụ e wù, dị aa mẹ kàrà-kàrà zị nị. Ộ maanị ta jẹẹ kẹnẹ, dị e che e ọpanyị nị. Dị ọpanyị ẹẹna nyị dọ e ne che aanị ịrẹsụ nị. Ẹnịnị vị ana va eyi ka aha irenyi-irenyi.

Odeyi 2:23

Ohomorihi ana yẹ avaba ịsa, ộ vịdị mẹ eto anị tịtẹ ka à sị ọọ chire wu nịnị ụvọ, dị ụ mẹ ka aza edivi ẹ̀ kanyị ọọ za ọchị apavahị, dị ụ vavọọ wụ ọọ nịnị nị.

Odeyi 4:28

Ệ gẹ ka ẹnị ẹ̀ mẹ̀ ịsa ẹnẹ ẹwụ vịdị sị ọọ kà ịnị ụkata awụ ọnịrị u mè sì ọ ka ọ vaa mẹ.

Odeyi 5:39

Ama àa vị Ohomorihii yọ nị, we yi zụ vú ọ ẹtẹ nịnị. Ẹ̀ yị vị avọọ, u vee re ka we si nyima ee pe Ohomorihi zyaazị nịnị.”

Aniroomi 11:36

Ọnị ọ tụ́ avaba ịsa nị. Ọnị ọ za avaba ịsa jẹẹ nị. Ọnị avaba ịsa rẹ yà yị nị. Ohomorihi aza vaa sị ụbanyịị yị pooro zịna-zịna nị. Aamị.

Anẹhwẹsọsị 3:11

Hụrị ụmọrụmọ Óhomorihi hụrẹ mẹ eto ịsa ẹnẹẹ nị, ana ahịka ọ va mẹ ini oze ụvọ Ijeesu Ikirisiti Ananyị yị.

Iwe Ọhụhị Imosiisi ana aa hị́ Ọyịvatụrọda 32:4

Ẹnẹyịmavara aa sị ụkata anị dọ ọnị tụ nị. Avaba oze ọnị ọ zị mẹ ịrẹyị anị vana gụ dị ọ vọrọ. Ọnịzẹyịza ene mee cheeche ọ̀ vị nị.

Ịtayịtọsị 1:2

Mị vavọọ aa mẹ, agụvị ka máa nyị ọyịtureyi ka ị vaa yàra ịdị Ohomorihi pooro zịna-zịna. Ịsị Ohomorihi kà hụrị ụmọrụmọ dị a va yẹ ka aa mẹ ẹhẹ ọ vị ọnọọ nị. Yáa yẹ ka Ohomorihi o mē cheeche.

Ijemiisi 1:17

Avaba ẹyịza ene zoza ana gụ vanaā hụụ ịdị Ohomorihii vẹ. Ịdị Ada ayị ana mẹ ẹtohweyi hi ini ihinẹba ẹẹ̄ hụrẹẹ vẹ nị. Ohomorihi ọ mā vara, o mē re jesi dị ọ̀ navọ yị tụ́ ịnị ịrahụ.

Ẹtore 15:4

Ananyị yị, ẹnẹ ka oni o yi vee hí angwa awụ, dị ọnị ọ̀ ga ịrẹha awụ? Ẹwụ ịnya kẹnẹ ẹ̀ yị nyị ẹngụ anị nị. Avaba anẹhẹ vaa vẹ dị ẹ va và ku ẹtẹ ọvịdị awụ, agụvị ka avaba aza ẹ sị ụkọrọ ịzẹyịza awụ re.