Ịrẹyị Ọzwọzịsa 3:12 - IWE ỌNỊNỊ

¹² Ọnị ọ sị yẹ ka ẹ yị nyị ịsị ẹyị ọza nyẹngụ mẹ huni ka, yaa yị yà ịnị ụhwẹ, yaa jẹ dị yaa mẹ ọyịza.

Ịrẹyị Ọzwọzịsa 3:12 ပူးပေါင်းရင်းမြစ်များ

Ahẹ Ụgama 37:3

Sị ayị tụra Ẹnẹyịmavara, dị waa mẹ̀ ebira ene zoza Tangwa ra ịnị ẹtẹ ọnị ọ sị wụ dị asị a nyị ịsị ẹ mẹ̀ wụ.

Ịrẹyị Ọzwọzịsa 11:9

Ẹwụ ọpa ozweyi, waa jẹ. Ụmẹ yị vị ozweyi aanị ayị awụ oo hine. Avaba ịsị ayị awụ oo sị kẹnẹ ọnị u si ka wàa mẹ, waa mẹ̀ ẹ. Ama tamayị ka ụ va naa ka enube avaba ịsị ụ waa mẹ yị Ohomorihi.

Ịrẹyị Ọzwọzịsa 2:24

Sị ọza kụkụ vaa mẹ huni ka ọọ rị, dị òo hú, di òo hine ẹngụ anị ịnị ẹhẹ, dịị ịsị ọza aa mẹ, ọ̀ mẹẹ hine ẹngụ anị ẹtẹẹtẹrẹ. Dị ọnị re ve ree ka Ohomorihi kẹnẹ ọọ mẹ ọsọnị yị ọza nị;

Ịrẹyị Ọzwọzịsa 2:3

Dị ọnị re ve ro o ka ọnị ò hí eche dị ọnị ọ sị hine ẹngụ anị ayị nị. Ọnị ka ọnị ọ̀ daba mẹ ụra chee daa re ama dị ayị anị aa yịị sị ịrẹyọyẹ zụ ọnị nị. Ọnị ee si ka ọnị ọ̀ yẹ ịsị ẹ vana wụra ọza mẹ ịnị ụmẹ chee ọnị ọ nyị ịnị ẹhẹ ọnọnị.

Ịrẹyị Ọzwọzịsa 3:22

Agụvị avọọ ọnị ọ sị o re ka ẹ yị nyị ịsị ẹyị ọza zụ mẹ huni ka, ọzọza ọ̀ọ rị ịsa ụkọrọ ọnị ọọ mẹ, dị oo hine ẹngụ anị ayị; ka avaba ene tụ ọzọza ịnị ẹhẹ ọ vị ọnọọ nị, ọza òo wu usu, vị ta ịnị ẹhẹ ọnọnị avọọ nị.

Ịrẹyị Ọzwọzịsa 8:15

Ọ kà, ọsọnị ọ va mẹ ka ọnị ọ kà a ka ịsị ọzọza ọọ nyị ọ̀ sịị mẹ ayohine nị, ka ẹ yị nyị ịsị ọza zụ mẹ ịnị ẹhẹ ọnọnị huni ka ọza ọọ rị, dị oo hú, dị oo hine ayị. Àa vị ọnọnị ọ̀ daba sị ụvọ zaa ịnị ụkọrọ ọnị Ohomorihi zẹẹ ka ọ̀ mẹ ịnị ẹhẹ ọnọnị.

Ayịsaya 64:5

Aza anaā sịị ayohinee mẹ̀ ịsa ana vọrọ vị ọnị ụụ̄ zaa gụrị ẹngụ. Ẹngụ aza ẹnẹẹ ẹ tamayị ú mè sì ka ẹnị ẹ̀ ra nị. Wâ kụ́ ayị hi yị. Ama dị ụ daka yị kụ́ ayị hi yi ẹtẹẹtẹrẹ, vị́ yị ká tụ ọvịdị hu avọọ ịnị ebira odivi ọyịmẹ̀ hụrẹ ịyẹẹyẹ vẹ nị.

Iruuku 11:41

Sị ịsa ana yà ịnị ako ọnịrị ịsa ana yà ịnị ịchacha awụ nịnị mẹ onosiye nịnị ẹyịza, ịjọnọọ avaba ịsa vaa nịị yị wụ nịnị.

Odeyi 20:35

Ma raà sị zụ̀ wụ nịnị ịnị avaba oze ka â nyị ka ya maanị mẹ̀ ụkọrọ ẹtẹẹtẹrẹ, dị ya zụụ mẹ ọgụvọọ yị ọkụmị nịnị.” Tamayị ịrẹyị oni Ijeesu Ananyị yị ụvọta kà nịnị ka: “Wàaa mẹ ọza ẹyịza, ụ zụ jẹ ịrajẹ hu ka waa dọ ọza ịsa nị.”

Iwe Ọhụhị Imosiisi ana aa hị́ Ọyịvatụrọda 12:18

Ọvịdị Ẹnẹyịmavara Ohomorihi awụ nịnị ụ vaa yaa rị ẹngụ ịsa ẹnẹnị ịzị Ẹnẹyịmavara Ohomorihi awụ nịnị vaa nyị nị. Ẹwụrị ezi ọnọrụ awụ ọnịrị anẹẹ, beri ọrịhị awụ anọrụ ọnịrị anẹẹ, ọnịrị Anireevi nịnị ana ra ẹkụra awụ nịnị e dudu vaa rị ịsa ẹnẹnị nị. Dị ụ yà ọvịdị Ẹnẹyịmavara Ohomorihi awụ nịnị aa jẹ ịrajẹ tụ́ ịrẹsụ avaba ịsa ọnị ụ mẹ nịnị.

Iwe Ọhụhị Imosiisi ana aa hị́ Ọyịvatụrọda 12:7

Agada Ẹnẹyịmavara Ohomorihi awụ nịnị ịzọọ, ẹwụrị ovwoovu awụ vaa rị ịsa ọnị ụ sị ụvọta awụ nịnị mẹ, dị ụ waa jị ịrajẹ

Iwe Ọhụhị Imosiisi ana aa hị́ Ọyịvatụrọda 26:11

Kụ́ Ẹnẹyịmavara Ohomorihi awụ avọ agụvị ọyịza-ọyịza ọnị ọ mẹ̀ yị ẹwụrị ovwoovu awụ nịnị. Anireevi ẹnịrị azọga ana ra beri wụ nịnị è beri wụ nịnị jị ịrajẹ.

Iwe Ọhụhị Imosiisi ana aa hị́ Ọyịvatụrọda 28:63

Ó mè hine Ẹnẹyịmavara dị ọ mẹ ka ò ze wụ nịnị, dị ụ wa rụrụ nịnị, avọọ gẹdẹ-gẹdẹ o mè re vee hine e ọyị vu wu nịnị ẹtẹ, dị ọ wụ̀ wụ nịnị va ha nị. Vị e vee hu wu nịnị hụrẹ ẹtẹ ọnị ụ waa naa ra ịnị anị nịnị aanị anka a meē hu ọchị ọnịrị ẹpaa hụrẹ ẹtẹ avọọ nị.

1 Itimoti 6:18

Kàa ka ẹ̀ẹ mẹ ọyịza, dị ẹ̀ẹ mẹ ọza ẹyịza, asị ẹ ngụ ayịsa! Ọnọọ ọ vaa mẹ ka ẹ̀ vị ọzọbanyị obooro nị.