Ịrẹyị Ọzwọzịsa 2:8 - IWE ỌNỊNỊ

⁸ Ọ kà ọnị ộ kụ ẹkẹhị ọnịrị igooru gụ yị ẹngụ anị, dị ọnị kụ ogu ohinọyị nịnị ọnịrị ẹtẹ ẹnịnị nị. Ọnị ộ dọ anọrụ ọnịrị anẹẹ anaā jị ahẹ zụ ọnị, dị ọnị nyị onyeehi ozoza-ozoza tatarata nị. Avaba ịsị wèe ro ka ọza ọ nyẹngụ nyị kẹnẹ vị ọnị ọnị nyị.

Ịrẹyị Ọzwọzịsa 2:8 ပူးပေါင်းရင်းမြစ်များ

2 Ịsamụwẹrị 19:35

Ma sị gụ ịrayị ẹbẹẹna booro aanị. Mẹ yị kụkụ yẹ uhine ẹhẹ Mẹ yị kụkụ yẹ uhine ịsọyịrị ọnịrị eche. Mẹ yị rẹ kụkụ wụ́ ahẹ ana jị. Taarụ, me yi ro ka â vọrọ ka ma na vị ẹnya tụra wụ.

1 Ohinọyị 10:10

Di ohinọyị ọnẹẹ ọnọọ kụ́ igooru ikirogirami akawụ-akawụ oze ẹẹva, dị ọ kụ́ mẹ Isoromọnị ohinọyị ẹyịza nị. Dị ọ rẹ hara eturare tatarata ana agụ anị zoza tụ́ ọ yọ nị, ne beri ịrẹta ọkatarihi. Â yị nyị ọza ana vịdị vavọọ hara eturare va yị Isoromọnị ohinọyị da anka ẹngụ oni ohinọyị Iseva kụ́ va yọ.

1 Ohinọyị 10:14

Igooru ana aa kụ́ va yị Isoromọnị ịnị ịrayị ọnya kẹnẹ ô tù ikirogirami akawụ-akawụ oze ẹwụrọnya ộ tụra akahị.

1 Ohinọyị 10:21

Avaba ako Isoromọnị vị ana a si igooru mẹ. Avaba ẹnya ene re hi ini eehi ana a sị ọchị ini iriku Ịrẹbanọnị dà vị ana a rẹ sị igooru ọkụmị-ọkụmị mẹ. Ịnị ụmẹ Isoromọnị ẹ yị nyị ọza ene ro ka enyusẹ ẹkẹhị vị ịsọnyịsọnyị.

1 Ohinọyị 11:3

Ẹnị ezi ohinọyị ana vị ese Isoromọnị ịnị anẹẹ ẹnẹẹ vị ẹnị akatarẹchẹhị (700), di onyeehi anị ẹnị vi ịrẹkẹẹchẹhị (300) nị. Di ese Isoromọnị ẹnẹẹ za a di e jesi ọ ayị nị.

1 Ohinọyị 14:27

Di Irehobowami ohinọyị si enyusẹ ana aā hị́ ịkọpa dị ọ sị mẹ ogonto ọsa dọ wa ịrẹsụ nị. Dị ọ kụ́ wa yị ọga oserẹtẹ ka è sí eyi pè wa nị. Oserẹtẹ ẹnẹẹ ẹ si eyi pè oze irehi ohinọyị nị.

1 Ohinọyị 9:14

Ihirami ọ vịdị raà kụ́ igooru ana rata tù ikirogirami akawụ-akawụ oze ẹẹva ộ tụra ẹbẹẹna na yị Isoromọnị ohinọyị.

1 Ohinọyị 9:28

Dị ẹnịnị nọ ịzị aā hi Ohwiri, dị ẹ na kụ́ igooru hụụ ịzọọ. Igooru ẹnị ẹ naa kụ́ ọ gụ ikirogirami akawụ-akawụ oze ịhịmba. Ẹ̀ẹ vavọọ kụ́ ọ, dị ẹ kụ́ ọ va yi Isoromọnị ohinọyị.

1 Ịtọpa 25:1

Ohinọyị Idevidi ọnịrị ẹnị ọdọvịdị Anireevi nịnị ẹ nyị ịrẹsụ Anireevi ẹnẹnị ka ẹẹ dọ ọvịdị ahẹkẹ ini irehi Ohomorihi: Ịrẹsụ ẹnẹẹ ẹ vị ịrẹsụ Asahwi, Ihemani, ọnịrị Ijedutuni. Ẹnịnị vị ana vaa kà ịrẹyị Ohomorihi, di ee hú ẹnya aahẹ ana sị mẹ igita avọọ ọnịrị ịchacha ana aa kụ́ụ nya ẹngụụ tụ ọ. Aza ẹnẹnị a nyị ka ẹẹ dọ ọvịdị aza ịnị ahẹkẹ nị. Ụkọrọ oni ogu ọzọza vaa mẹ rẹẹ yị.

1 Ịtọpa 25:6

Avaba ezi ọnọrụ anị ẹnẹnị vị eneē hụ́ ịchacha anaā sụ ịrẹyị ọnịrị isohu ana vọ ọ saasa ahẹ ana aā jị ini irehi Ohomorihi, dị ahịka ada ẹnịnị ọ vị ọdọvịdị ẹnịnị nị. Asahwi, Ijedutuni, ọnịrị Ihemani vị anaā mẹ̀ ịsa ohinọyị ọ̀ọ kà a ka ẹ̀ mẹ.

2 Ịtọpa 9:11

Isoromọnị ộ sị ọchị ọnọọ mẹ ọbụna ana a sị hịrẹ ọtụrọsarẹsụ irehi Ohomorihi ọnịrị irehi ohinọyị anị. Dị ọ bẹ́ ọkangga irenyi-irenyi ọnịrị agidibo irenyi-irenyi yị ọmaahẹ nịnị. Aza ẹ yị vịdị rẹ ẹngụ ịsa ẹnịnị daa ịnị ẹtẹ Ijuda.

Ẹzịra 2:65

Ẹnị ezi ahụ anọrụ ọnịrị anẹẹ vị ẹnị akahị-akahị oze ịhịmba tụra ịrẹka tụra ohurẹẹwụ ọ tụra ịhịmba (7,337), anọrụ ọnịrị anẹẹ ana vị ọjahẹ vị ịrẹka (200) nị.

Ịrẹyị Ọzwọzịsa 1:2

O! ẹ yị nyị ịsị ẹhẹ ọnọnị vị ọ. Ọzwọzịsa ka, avaba ẹhẹ vị osusu bemi-bemi.

Ịdanịyẹrị 3:15

Dị ọ ka, booro aanị, ẹnịị ẹ̀ẹ wụ́ ọpanyị, okokoro ọnịrị isohu ana vọ ịrẹyị, ẹnịnị ẹ̀ vaku ẹtẹ dị ẹ̀ hẹkẹ uyi ọnị ọnị sị igooru mẹ jẹẹ aanị. Ama ẹnịnị ẹ̀ yị hẹkẹ ẹ, obobooro ọnọọ a vaa kụ wa dị e ne wa va hi ịnị ọba anaa kà ịra anaa zá giri-giri tụ nị, dị ọnị ò re ịsị ẹ vaa dọ wa tụ.

Ịdanịyẹrị 3:5

Ịjị ẹnịnị ẹ̀ẹ wụ ọpanyị ọnịrị okokoro ịrẹyị beri isohu ana vọ, avaba ẹnịnị ẹ̀ vaku ẹtẹ, dị ẹ̀ hẹkẹ uyi ọnị ohinọyị sị jẹẹ aanị nị.

Ịdanịyẹrị 3:7

Ịzẹyịza, ịjị avaba aza ana wara gụ aanị wụ isohu ịrẹyị kẹnẹ, dị ẹ vaku ẹtẹ, dị ẹ hẹkẹ uyi ọnị Inebukadineza sị igooru mẹ jẹẹ aanị nị.

Emọsị 6:5

Dị ẹ yaa hama Idevidi jị ahẹ irenyi-irenyi nị. Dị ẹnị re mẹ̀ isohu ẹnịnị anka Idevidi nị.