Ịrẹyị Ọzwọzịsa 2:7 - IWE ỌNỊNỊ

⁷ Ọnị ộ hị́ ọrịhị ọnọrụ ọnịrị anẹẹ beri ọrịhị ana vọ ana ma ịnị eehi anị. Dị ọnị rẹ pa ụnọ ọnịrị atẹmẹ ọrụrụ-ọrụrụ huna avaba ohinọyị ana vịdị ra Ijerusarẹmị dị o ve tu ọnị nị.

Ịrẹyị Ọzwọzịsa 2:7 ပူးပေါင်းရင်းမြစ်များ

Oyinyima 13:2

Abụramị vị ọzọbanyị ẹtẹẹtẹrẹ. Ộ nyị imaaru, ọnịrị atẹmẹ beri ẹvụ dị ọ rẹ nyị igooru ọnịrị enyusẹ ẹkẹhị-ẹkẹhị nị.

Oyinyima 14:14

Abụramị mẹ̀ maanị wụ́ ka a raà za ozi ọyịnyara anị ịnị ịrẹkụ dị ọ kụ́ aza anị ọnị ọ raà zụ eyi ịrẹkụ dị ọ kụ́ wa aa na nị. Aza ẹnẹẹ vị ana a ma ini eehi ịda anị. Ẹnịnị vị ịrẹkẹẹchẹhị tụra ẹwụrịhịnta. (318) Dị ẹ dị ụ aza ẹnẹẹ huu na ngụ Ịdaanị nị.

Oyinyima 15:3

Dị Abụramị rẹ kà Ẹnẹyịmavara ộ yẹ ka ọnị ẹ yị sị ozi yị ọnị ma. Ọrịhị ana a ma yị ọnị aa vaa kụ́ ogu anị aanị nị.”

1 Ohinọyị 4:23

Imaaru ana a pa dị ẹ ta banyị ẹnị vị ẹẹwụ, dị imaaru ana aa rị avị ẹnị vị oohu nị. Atẹmẹ ọnịrị ẹvụ ẹnị vị ẹchẹhị. Ùnè ne beri ịkẹrịkẹtẹ ọnịrị ịpẹpẹyẹ ẹbanyị-ẹbanyị vị ana gụ.

2 Ohinọyị 3:4

Ụmẹ ọnọọ, Imesa, ohinọyị Imowabi vị anaā pa atẹmẹ. Ịrayị-ịrayị ọọ̄ sịị kụ ezi atẹmẹ akawụ-akawụ oze ẹvarẹwụ (100,000) naa yị ohinọyị Isirẹrị nị. Avọọ ọ mẹrẹ rẹ kụ ẹyị ịdẹba akawụ-akawụ oze ẹvarẹwụ ẹyị vaa yọ nị.

2 Ịtọpa 26:10

Ộ rẹ dà irehi ọyịtẹ̀ ọgọdọ tụ́ ịnị akakana ẹkụra, dị ọ chị iruku enyi ọrụrụ-ọrụrụ hi ẹtẹ agụvị ka ộ nyị ụnọ ana dẹngụ tụ́ iruvo ataba ene hi eyi ụvẹtẹ ọnịrị inozi. Ka ô sì ịrẹyị aarẹ, dị ọ tụ́ aza ọtụtụrụma ka ẹ dà ụbazị ịvayịnị rụrụ tụ́ ịnị ataba, dị ẹ kụ́ ịrẹkụ tụ́ ini ẹtẹ ene zoza, dị ọ dọ aza ka ẹ kụ ịrẹkụ yị ọnị nị.

Ẹzịra 2:55

Ezi ahụ Isoromọnị ẹ vị evere Isotayi, Ihasopẹrẹtị, Iperuda,

Ẹzịra 2:58

Ezi ahụ Irehi ahẹkẹ ọnịrị evere ezi ahụ Isoromọnị vị Ịrẹkẹẹchẹhị tụra ẹnarẹwụ ọ tụra ẹẹva (392).

Inehemaya 7:57

Evere Isoromọnị: Ezi Isotayi, Isohwẹrẹtị, Iperida,

Ijoovu 1:3

Ô nyị atẹmẹ akawụ-akawụ oze ẹẹta tụra akahị, dị ịnyaakụmị anị vị akawụ rị akahị, dị ụnọ vị ẹvarẹwụ, dị ịkẹrịkẹtẹ anị ẹnị rẹ vị ẹvarẹwụ nị. Avọọ ezi ahụ anị mẹ gụ duu kẹnẹ nị. Opisa ọbanyị ọnị eyi yẹ tụ ịnị ẹtẹ ọnọọ ọ vị nị.

Ijoovu 42:12

Dị Ẹnẹyịmavara mẹ ka o zee yị Ijoovu huni ộ mẹ̀ vịdị ya nị. Ijoovu ô varẹma nyị atẹmẹ ịrịka akawụ-akawụ oze ịhịmba (14,000), ịnyaakụmị ịrịka akawụ-akawụ oze ẹẹta (6,000) imaaru ịrịka akawụ (2,000) ọnịrị ịkẹrịkẹtẹ ịrịka akahị (1,000).

Iruuku 12:45

Ama àa vị ozi ahụ ọnọọ kà a ịnị ayị anị ka: ‘Ọga amị ee kù ọyịvẹ’, di o nyima di ee tụ́ ozi ahụ anọrụ ẹnịrị anẹẹ ana vọ, dị aa rị, di ee hú, dị aa mẹrị eche nị,