Ịrẹyị Ọzwọzịsa 2:5 - IWE ỌNỊNỊ

⁵ Ọnị ộ dà ụbazị ọnịrị ịzị aza yaa tụ́ ụhwọ́, dị ọnị chire ọchị irenyi-irenyi anaā tụ́ ẹtụtụ hi ịnị ẹnịnị nị.

Ịrẹyị Ọzwọzịsa 2:5 ပူးပေါင်းရင်းမြစ်များ

Inehemaya 2:8

Dị ọ ka ohinọyị ọ rẹ sị iwe ọsa yị ọnị na yị Asahwi ana sị eyi pe uruku anị. Dị Asahwi ọ kụ ipako yị ọnị dị a sị mẹ̀ ukere oze irehi ana gụrị irehi Ohomorihi, ọnịrị oze ẹkụra ene hi ịnị ọvọ. Ọchị anaa vọ dị ọnị ọ kụ́ da irehi ọnị ọnị vaa ra. Dị ohinọyị mẹ avaba ịsa ọnị ọ họ̀ use anị agụvị ka Ohomorihi ọ sị ụvọ tụ ọ yị ọ.

Ahẹ Isoromọnị 4:12

Ẹwụ ose mi, ẹwụ anaā sịị ayị amịị hine, vị́ ụ́ sị mẹẹ anka ụbazị ana ya aha ẹvagu avọọ nị. Vị ụ́ si mẹẹ anka ụbazị ana a jị ọvọ kara, à vị enyi ọnị ọza ẹ́ yị mẹ yị avaba aza avọọ nị

Ahẹ Isoromọnị 4:13

Ọchị vị ana yara ịzọọ. Ẹnịnị ẹ hụ anka iruku ọchị ipomegiraneti, dị ẹyaa tụ́ ẹtụtụ ozoza-ozoza. Avị eturare ana aā hị́ ịhẹna ọnịrị Inadi vị ene hi ịzọọ.

Ahẹ Isoromọnị 4:16

Kwẹtẹ ẹwụ ahị anaā tụ́ hụrị eyi ẹbẹẹba, dị ahị eyi ụvẹtẹ ọ tụ́ vẹ ku ụbazị amị. Gara agụ eturare anị hi ịnị ahị. Navọ ọza ọnị mị maanị sì ịrẹyị anị ọ vẹ ịnị ụbazị anị, dị ọ̀ va rị ẹtụtụ ene zoza hu kere-kere ịnị anị.

Ahẹ Isoromọnị 5:1

Ma raà ngụ ịnị ụbazị amị, ose mi anaā sịị ayị amịị hine. Maa kụ avị irenyi-irenyi ana a sịị̄ mẹ̀ ịsaa hine ọnịrị ịmaya amị gụ. Maa rị ẹhụ amị ọnịrị ụpaha anị. Mee hú eche ọnịrị ịrẹva ụnọ amị. Ẹwụ nịnị ọnị mị sì ịrẹyị anị, rị ịsa, di wee hú nịnị; waa mẹrị nịnị kẹnẹ.

Ahẹ Isoromọnị 6:2

Ọza ọnị mị maanị sì ịrẹyị anị ọ zị nọ ịnị ụbazị anị ịzị a kụ avị ịsẹpẹ hi. Aa kụ ịsụpa anịị rị ịzọọ, dị aa kụ ododo ọyịza-ọyịza gụ nị.

Ijeremaya 39:4

Ịjị Ịzẹdẹkaya ọnịrị isoja anị nịnị ré wa, dị e zwe ịrahụ nị. Ẹnịnị ê zwè zị oze ịnị ụbazị ohinọyị, dị ẹ́ na parahu zị oze ọbanyị ana kụ ọvọ ẹẹva gẹ nị. Ẹnịnị ê zwè aa nọ inoze Ijodani (ẹtẹ Araba).