Ịrẹyị Ọzwọzịsa 2:22 - IWE ỌNỊNỊ

²² Ọ kà, ọgụ sị ọza vana vaa rị ịnị avaba ụkọrọ ọnị aa mẹ dị ẹ yị nyị eyi tụ́ ụhwọ́ ịnị ẹhẹ da? Ọgụ sị ọza aa rị ịnị avaba ịsị ọza maanị aa mẹ akanya anị kẹ?

Ịrẹyị Ọzwọzịsa 2:22 ပူးပေါင်းရင်းမြစ်များ

Ahẹ Ụgama 127:2

Ọza ọ nyẹngụ hara ẹnẹnẹ viri-viri dị ọ mẹ̀ ụkọrọ pooro, o yi jintu sụ, ka ọnị ọ̀ rị rị ịsa kẹnẹ. Ụya kẹnẹ aa sịị rị ẹngụ anị nị. Aza ẹnị Ẹnẹyịmavara sì ịrẹyị anị vị ọnị ọọ̄ sị ịsọyịrịị yị ẹ̀ẹ daka aa sụ ara.

Ụhịrẹyị 16:26

Ọza eneē si ịsa vị anaā mẹ dị o re. Ọza ọnị ụngwẹ aa kụ vị anaā mẹ̀ dị ọ rị.

Ịrẹyị Ọzwọzịsa 1:3

Ọ kà, ọgụ sị ọza vanaa rị ịnị avaba ụkọrọ ọnị ọzaa mẹ dị eyi anị ee vị tụ ọ? Ọgụ sị ọzaa rị ịnị avaba ịsa ọzaa mẹ ịnị ẹhẹ dị ẹ yị nyị eyi tụ́ ụhwọ́ kẹ?

Ịrẹyị Ọzwọzịsa 2:11

Ama ọnị o ve re avaba ịsị ọnị sị ẹhị ẹngụ anị mẹ ka avaba anị vị osusu. Ọ́ sị mẹẹ anka ọza oo rere aa dụ ahị avọọ nị. Ẹ yị nyị ịsị ọza aa dụ ịnị ẹhẹ ọnọnị ana nyị ọgụ vụrụ-vụrụ.

Ịrẹyị Ọzwọzịsa 3:9

Ọgụ sị ọza vị ana vaa rị ịnị avaba ụkọrọ anaa mẹ dị ẹ̀ yị nyị eyi tụ́ ụhwọ́ kẹ?

Ịrẹyị Ọzwọzịsa 4:6

Ọ kà ịsa chee ọnị ọza nyị beri ẹngwọọrọ ọ dahi huni ka ọza ọọ sị ụvọ ẹẹva mẹ̀ ụkọrọ dị asị o nyị eyi tụ́ ụhwọ́ nị. Ụkọrọ ẹnẹẹ sị mẹẹ anka ọza rere è si ka ọnị ọ za ahị avọọ nị.

Ịrẹyị Ọzwọzịsa 4:8

Ọza ana vị ọnị ịnyaa, dị ẹ yị ma ozi ọnọrụ, dị ẹ̀ yị nyị ọyịnyara ọnọrụ. Ama aa mẹ̀ ụkọrọ ẹ yị nyị eyi tụ́ ụhwọ́, ẹ ma kà a ka ogu ọ sị hụ ọnị. Ẹ yị daba họ̀ use ka ẹnị ọnị maanị aa hụ ụvọ anị aa rị ụya, dị ọnị ẹ yị nyị ẹngwohyahị kẹ? Ọsọnị bẹẹ vị ụkọrọ ayodu, dị ọ rẹ vị osusu nị.

Ịrẹyị Ọzwọzịsa 5:17

Avaba ụmẹ ẹhẹ ọza vị ọnịrị ẹngụkata, ayodu, ẹngwọzị ọnịrị ọyịkụ.

Ịrẹyị Ọzwọzịsa 8:15

Ọ kà, ọsọnị ọ va mẹ ka ọnị ọ kà a ka ịsị ọzọza ọọ nyị ọ̀ sịị mẹ ayohine nị, ka ẹ yị nyị ịsị ọza zụ mẹ ịnị ẹhẹ ọnọnị huni ka ọza ọọ rị, dị oo hú, dị oo hine ayị. Àa vị ọnọnị ọ̀ daba sị ụvọ zaa ịnị ụkọrọ ọnị Ohomorihi zẹẹ ka ọ̀ mẹ ịnị ẹhẹ ọnọnị.

Imatiwu 16:26

Ọza ọ̀ọ sị avaba ẹhẹ rị ọgụ, dị ụhwẹ anị vene si vú nị, ọgụ ịsị ọza ọnọọ kụkụ va rị? Sị ọza vaa sị vara ụhwẹ anị?

Imatiwu 6:11

Sị ịsọyịrị ẹkụhị ajịnị yị yị,

Imatiwu 6:25

Agụvị avọọ dị ma kà a wụ nịnị ka, asị ụ rẹ̀ mẹ ariro ini oze ẹhẹ awụ nịnị ka, sị ụ vaa rị kẹ, à vị ka si u vee hú. Asị ụ rẹ̀ rẹ mẹ ariro agụvị ọchẹngụ awụ nịnị ka si u ve sii kú ẹngụ nịnị. Aanịka ụhwẹ ọza o yi huna ịsọyịrị, à vị ẹngụ ọza o yi huna ịta?

Imatiwu 6:34

Agụvị avọọ asị ụ rẹ̀ mẹ ariro agụvị ụhwọọ. Ụhwọọ ọ vaa mẹ ariro ẹngụ anị nị. Sị eyi pe ariro ajịnị kẹnẹ!”

Iruuku 12:22

Dị Ijeesu kà a yị ezirẹma anị ka, “Asị ụ rẹ̀ mẹ ariro ini oze ẹhẹ awụ nịnị ka sị ụ vaa rị kẹ! Asị ụ rẹ mẹ ariro agụvị ọchẹngụ awụ nịnị ka si u ve sii kú ẹngụ nịnị!

Iruuku 12:29

Asị u rè ro o ka sị ụ vaa rị, à vị ka si u vee hú, asị ụ rẹ̀ rẹ mẹ ayị ẹẹva nịnị!

1 Anịkọrịntị 16:16

waa sị ụbanyịị yị ẹngụ aza ẹnẹẹ ọnịrị aza ẹnị ọnịrịị èe dudu aa mẹ̀ ụkọrọ.

Anihwiripi 4:6

Asị ụ và ayị awụ nịnị zi agụvị ịrẹyị ịsọnyị-ịsọnyị. Ama ịsị wèee sì nịnị, kà a yị Ohomorihi nịnị. Waa mẹ̀ aduwa ọnịrị ịpọda nịnị, dị ụ wa rẹ kụ́ Ohomorihi avọọ tụ́ ọ nịnị.

1 Itimoti 6:8

Agụvị avọọ, yàa sị ịta ọnịrị ịsọyịrị nyị, áa vọrọ ka ọnọọ ọ̀ hụ yị.

1Ipita 5:7

Sị avaba ariro awụ nịnị chire Ohomorihi ụvọ, agụvị ka ọ́ọ sị ịrẹyị awụ nịnị tụ́ ịnị ayị anị.