Ịrẹyị Ọzwọzịsa 2:17 - IWE ỌNỊNỊ

¹⁷ Avọọ ẹhẹ ọnọnị ộ nyị ọnị ịhyẹrẹ agụvị ka ọnị oo re avaba ịsị aa mẹ ịnị ẹhẹ, ẹngụkata kẹnẹ ẹ kụ tu ọnị nị. Avaba anị vị osusu, vị ọza aa dụ ahị kẹnẹ nị.

Ịrẹyị Ọzwọzịsa 2:17 ပူးပေါင်းရင်းမြစ်များ

1 Ohinọyị 19:4

di Erija ọnị si hu aa nọ ịnị ọpaapara nị. Ộ zị gọdọ ịnị ọpaapara ọnọọ tù ẹhụ ụsẹ ẹkụhị ọnya avọọ. O mè ne si tù iruvo ọchị ọnya aanị ana aā hi irotemi, dị ọ yaayịtẹ iruvo ọchị ọnọọ, dị ọ ka à kà ka oni ò sú nị. Dị ọ kà, “Ẹnẹyịmavara, ọsọnị ọ sị vị ẹnẹmẹhị, navọ wa sị ụhwẹ amị. Vị ẹmị wéé vene zoza huna ohiku amị nịnị nị?”

Ijoovu 14:13

Ijoovu ka aa yẹ Ohomorihi ọ sị ọnị na tẹ̀ ịdaneku, ịjị ayị anị ọ sị nẹtẹ, dị ọ vaa tamayị anị.

Ahẹ Ụgama 89:47

Asị ayị hi wu o, ka ẹ yị nyị ẹhẹ amị yà. Wáā yẹ ka avaba aza vi ene vee sú.

Ịrẹyị Ọzwọzịsa 1:14

Ọ kà ọnị o si o re ka avaba ịsị aza ana aa mẹ ịnị ẹhẹ ọnọnị vị osusu. Vị ọ sị mẹẹ anka ọza òo rere aa dụ ahị avọọ nị.

Ịrẹyị Ọzwọzịsa 1:17

Ọ kà ọnị ọ mẹ asụvụrị ka ọnị ọ yẹ́ ịsa aa hị́ ịrẹyọyẹ ọnịrị ụra ọyị mẹ, ama dị ọnị re ne tu ka ọsọnị bẹẹ vana rẹ sị mẹẹ anka ọza rere aa dụ ahị avọọ nị.

Ịrẹyị Ọzwọzịsa 2:11

Ama ọnị o ve re avaba ịsị ọnị sị ẹhị ẹngụ anị mẹ ka avaba anị vị osusu. Ọ́ sị mẹẹ anka ọza oo rere aa dụ ahị avọọ nị. Ẹ yị nyị ịsị ọza aa dụ ịnị ẹhẹ ọnọnị ana nyị ọgụ vụrụ-vụrụ.

Ịrẹyị Ọzwọzịsa 2:22

Ọ kà, ọgụ sị ọza vana vaa rị ịnị avaba ụkọrọ ọnị aa mẹ dị ẹ yị nyị eyi tụ́ ụhwọ́ ịnị ẹhẹ da? Ọgụ sị ọza aa rị ịnị avaba ịsị ọza maanị aa mẹ akanya anị kẹ?

Ịrẹyị Ọzwọzịsa 3:16

Ọzwọzịsa ọnọnị ka ọnị o re ré ịsa ọnya ịnị ẹhẹ ọnọnị ka ịzị a vọrọ ka à yaa mẹ ịzẹyịza ọnịrị ịsa ana vọrọ hị́ aza, vị ana yà aa chamayị yị ẹngụ.

Ịrẹyị Ọzwọzịsa 4:2

Dị ọnị vaa kà a ka oku ene wusu ọ vana dahi hu aza ana yára nị.

Ịrẹyị Ọzwọzịsa 4:3

Ọza ọnị ọza ẹ̀ẹ yị hyakụ ma dị ò ve re odivi anaa na ịnị ẹhẹ ọ dahi hu kere-kere nị.

Ịrẹyị Ọzwọzịsa 6:9

Ịsa ọnị ọza nyị rị ụvọ ọ dahi huni ịsa ana aa va ụvọ anị nị. Ẹngụ ẹhẹ ọnọnị vị osusu, vị ọ sị mẹ̀ ẹ anka ọza oo rere e si ka ọnị ọ̀ dụ ahị za avọọ nị.

Ezikẹẹrị 3:14

Ọ kà Ẹnẹyịmavara ộ sị ụkata yị ọnị ẹtẹẹtẹrẹ, ịjị ụhwẹ Ohomorihi va sị ọnị kwooze, ayị anị sị du, dị ayị aa kụ ọnị nị.

Ijona 4:3

Avọọ, dị ọ ka yị Ẹnẹyịmavara kà ọ dọ ọnị ụhwẹ nị. Dị ọ ka óo vene zoza ka ọnị ò su hụụnị ka ọnị ọ yàra.

Ijona 4:8

Ịjị ọyị vẹ, dị ọ sị jẹ, dị Ohomorihi tụ ahị ịrịra hụrẹ oze ọnị ọyị zị hụrẹ vẹ ka ọ tụ́ ku Ijona nị. Dị ọyị rị ọ ụpa ịrẹsụ ne tu ka eyi anị o hozi, di ewu za a nya ẹtẹ nị. Dị Ijona a vụ ụva ka akaka oni ò sú nị. Dị ọ kà oni o vene sú o zoza hu ka ọnị ọ kụkụ yára nị.

Ihabaku 1:3

Dị ọ rẹ họ̀ Ẹnẹyịmavara ụsẹ ka sị ẹ vẹ dị ọ navọ ka aza ẹnyị ẹ̀ mẹ ọsa rị, dị ọnị oo re e? Dị ọ ha ẹtẹ tụ́ aza ka ẹẹ zyaazị, ee ba egidi, ẹẹ wụ́ ẹngụ ha, dị aza ẹnyị aa kụ́ ogu ọsa mẹ̀ anị.

Ịrịka 11:15

Imosiisi ka aa vị aanị Ẹnẹyịmavara mẹ vaa mẹ̀ ọnị nị, ọ vana mẹ ka ọ wụ ọnị dị ọnị ọ hụụnị ụya.