Ịrẹyị Ọzwọzịsa 2:16 - IWE ỌNỊNỊ

¹⁶ Ka isu ana sị ọyẹrẹyị ọnị ọọ̄ sị ọnụra nị òo nee kù chee dị ayị ẹnịnị hi.

Ịrẹyị Ọzwọzịsa 2:16 ပူးပေါင်းရင်းမြစ်များ

2 Ịsamụwẹrị 3:33

Ahẹ oni ohinọyị sị jị òrèrè Abịna yị: “Áá vọrọ ka Abịna ò sú anka ọnụra avọọ?

Ahẹ Ụgama 103:16

dị ahị maanị tụ́ kú ọ, dị ọ rẹ ta. Dị ayị wụsẹ hi ka â nyị ịzị ẹ vịdị vavọọ nyị ododo.

Ahẹ Ụgama 49:10

Nyị ọza ene è yi re ka ọ́yẹrẹyị mèe sú avọọ ọnụra ẹnị mè ree sú nị. Èe wusu, dị ẹ navọ ogu ẹnịnị yị ọza ẹnẹsa.

Ahẹ Ụgama 88:12

Aza ene hi ini etohozi ẹ yị yẹ ụkọrọ ịvọpa ọnị waa mẹ Aza ana ahịka ê hi ịzị e reè hi ayị ẹnịnị tụ́ e yi zụ re ẹngụ ụkọrọ ẹnẹẹ.

Ọyịkụra 1:6

A màa yị mẹ̀ ẹ na, Ijosẹẹhụ ọnịrị ẹnẹbẹnị anị nịnị beri ọhụva anị ê wusu. Avaba anụmẹ ọnọọ ẹnị e re wusu.

Ọyịkụra 1:8

 vana nyị ụmẹ ọnya dị a nyị ohinọyị ọwọọwa ana rị Ijipiti nị ohinọyị ọnọọ ọ yị yẹ ẹngụ ọza oni Ijosẹẹhụ vị.

Ụhịrẹyị 14:8

Ịrẹyọyẹ ọyẹrẹyịị̄ sịị mẹ̀ ẹhẹ anị nị, ama ọnụra vị anaā sịị ụraa vene ẹngụ anị.

Ịrẹyị Ọzwọzịsa 1:11

Ọza ẹ ma zụ tamayị avaba ịsị ana mẹ ịyẹẹyẹ, avọọ aza anaa tụra ayịị vẹ ẹnị ẹ̀ yị mẹ rẹ va zụụ tamayị avaba ịsị ọnị yaa mẹ ụhwọọ nị.

Ịrẹyị Ọzwọzịsa 2:14

Ọyẹrẹyịị re ịzị aa nọ ama onututu ẹ yị nyẹngụ re ịzị aa nọ. Ọzwọzịsa ka ọnị ọọ yẹ ka ịsị e tu ọyẹrẹyị o re vee tu onututu nị.

Ịrẹyị Ọzwọzịsa 2:15

Dị ọnị ve ro o ka ịsị e tu onututu o re vee tu ọnị nyẹmba nị; agụvị avọọ, sị ẹ va vị ọgụ avaba ịrẹyọyẹ anị kẹ? Dị ọnị ve rè e ka ọsọnị bẹẹ rẹ vị osusu.

Ịrẹyị Ọzwọzịsa 6:8

Sị ọyẹrẹyị vana va sị dahi huni onututu kẹ? Ọgụ sị onosiye vaa rị ịnị ịrẹyọyẹ anị ka ọnị ọ yara mẹ̀ ebira ana vọrọ ịnị ẹhẹ kẹ?

Ịrẹyị Ọzwọzịsa 7:2

Ọza ọ̀ọ nọ ịzị a yaa zị ẹngụ ọza ene su ọ zoza hu ka ọ nọ ịzị a yaa aa rị eche nị; ọza ana yara ọ tamayị ka ẹkụhị aa vẹ ọnị ọzọza vee su.

Ịrẹyị Ọzwọzịsa 8:10

Ọ kà dị ọnị re ree bẹẹ ka ọza odivi oo su dị e ne e nị. Ọza odivi ọnọnị vị ana nọ ịnị irehi Ohomorihi ụmẹ tụra ụmẹ. Ịjị e sị ọ ne dị ẹ yaa vàa vẹ dị aza e gono o ịnị ẹkụra ọnị ọ ya mẹ̀ ebira odivi anị nị. Dị ọnị ka ọsọnị rẹ vị osusu bẹẹ.

Ịrẹyị Ọzwọzịsa 9:15

Ama â nyị onosiye ọnya aanị ana ya ịnị ẹkụra ọnọọ, ọyẹrẹyị ọ vị nị. Dị ọ sị ịrẹyọyẹ dọ ẹkụra ọnọọ ha nị. Ama ẹ yị nyị ọza ana tamayị anị.

Ịrẹyị Ọzwọzịsa 9:5

Ịzẹyịza ọza ana yara ọọ yẹ ka ọnị vee su, ama ẹ yị nyị ịsị oku ene wu usu kụkụ yẹ. Ẹ yị nyị ọgụ sẹ kụkụ zụ rị; aza ẹ ma vana kụkụ tamayị ẹnịnị.

Ịmarakayị 3:16

Aza ẹnịnị mẹ maanị a ka ịrẹyị, dị aza ana nyị angwahi Ẹnẹyịmavara ẹnị raà ka ịrẹyị yị ẹngụ nị. Dị Ẹnẹyịmavara batọ dị ộ wụ̀ ịsa ẹ ka nị. Eyi anị ịzọọ aa chẹrẹ ịrẹha aza ana nyị angwahi anị, dị ẹ sị ụbanyị yọ tụ ịnị iwe ana a sị tamayị ẹnịnị nị.

Anihiburu 9:27

A sị eto anị mẹ ka ọza vị ene vee sú ụpẹ ọnya gene-gene. Òo wusu, dị Ohomorihi mẹ̀ ọkarẹyị yọ.