Ịrẹyị Ọzwọzịsa 2:11 - IWE ỌNỊNỊ

¹¹ Ama ọnị o ve re avaba ịsị ọnị sị ẹhị ẹngụ anị mẹ ka avaba anị vị osusu. Ọ́ sị mẹẹ anka ọza oo rere aa dụ ahị avọọ nị. Ẹ yị nyị ịsị ọza aa dụ ịnị ẹhẹ ọnọnị ana nyị ọgụ vụrụ-vụrụ.

Ịrẹyị Ọzwọzịsa 2:11 ပူးပေါင်းရင်းမြစ်များ

Oyinyima 1:31

Ohomorihi mẹ̀ re avaba ịsa ọnị ọ mẹ, ô zee e eyi ẹtẹẹtẹrẹ. Hụụnị ẹnẹnẹ na ngụ oruva dị ọ vị ẹkụhị ịhịnọnyị nị.

Ahẹ Ụgama 89:47

Asị ayị hi wu o, ka ẹ yị nyị ẹhẹ amị yà. Wáā yẹ ka avaba aza vi ene vee sú.

Ọyịkụra 39:43

Di Imosiisi zama ụkọrọ ọnọọ re di o re ka vị ẹ mẹ̀ ẹ anka Ẹnẹyịmavara mẹ̀ kà a yị ẹnị nị. Dị ọ mẹ̀ aduwa ka ò zee yị wa nị.

Ịrẹyị Ọzwọzịsa 1:14

Ọ kà ọnị o si o re ka avaba ịsị aza ana aa mẹ ịnị ẹhẹ ọnọnị vị osusu. Vị ọ sị mẹẹ anka ọza òo rere aa dụ ahị avọọ nị.

Ịrẹyị Ọzwọzịsa 1:17

Ọ kà ọnị ọ mẹ asụvụrị ka ọnị ọ yẹ́ ịsa aa hị́ ịrẹyọyẹ ọnịrị ụra ọyị mẹ, ama dị ọnị re ne tu ka ọsọnị bẹẹ vana rẹ sị mẹẹ anka ọza rere aa dụ ahị avọọ nị.

Ịrẹyị Ọzwọzịsa 1:3

Ọ kà, ọgụ sị ọza vanaa rị ịnị avaba ụkọrọ ọnị ọzaa mẹ dị eyi anị ee vị tụ ọ? Ọgụ sị ọzaa rị ịnị avaba ịsa ọzaa mẹ ịnị ẹhẹ dị ẹ yị nyị eyi tụ́ ụhwọ́ kẹ?

Ịrẹyị Ọzwọzịsa 3:9

Ọgụ sị ọza vị ana vaa rị ịnị avaba ụkọrọ anaa mẹ dị ẹ̀ yị nyị eyi tụ́ ụhwọ́ kẹ?

Ịrẹyị Ọzwọzịsa 5:10

Aza ene sì ịrẹyị ẹkẹhị ọnịrị ogu baaba ẹ maa nyị ana hụ wa. Osusu kẹnẹ ọsọnị vị nị.

Ịrẹyị Ọzwọzịsa 5:16

Ịrẹyị odivi enee du ọza ayị ọsọnị ọnị rẹ vị nị. Ka ọza mẹ va ngụ ẹhẹ, avọọ ọ mẹ raa hụụnị anị nị. Ọgụ sị ọ va rị ịnị avaba ụkọrọ ọnị aa mẹ dị e yị nyị eyi tụ́ ụhwọ́ ka ọnị ọ̀ za ahị?

Ihabaku 2:13

Ama Ẹnẹyịmavara Ochẹtẹẹngụ kà ọnị vaa sị ịra rị avaba ịsa ana aza ọnịrị ẹkụra sị ẹhị ẹnịnị sì nị.

1 Itimoti 6:6

Ịzẹyịza yọ, ahẹkẹ ọ zụ sị ọza rị ọgụ, ọ̀ọ zẹẹ ka ịsị ọnị ọ̀ọ nyị, ọ̀ hụ ọnị.