Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ịrẹyị Ọzwọzịsa 2:10 - IWE ỌNỊNỊ

10 Ọ kà ọnị ẹ yị zụ mẹ ka ịsị eyi anị oo re kẹnẹ ọnị ẹ yị nyị ọ. Ẹ yị nyị ụmẹ ọnị ọnị sị yii ka ọnị ẹ ị mẹ ẹngwọmẹ ọnyọọnyị. Avaba ụkọrọ ọnị ọnị raa mẹ vana nyayịnẹ hine ọnị. Ọsọnị ọ vị ọgụ ọnị ọnị rị ịnị avaba ụkọrọ ọnị ọnị sị ẹhị ẹngụ anị mẹ nị.

အခန်းကိုကြည့်ပါ။ ကော်ပီ




Ịrẹyị Ọzwọzịsa 2:10
21 ပူးပေါင်းရင်းမြစ်များ  

Ịzẹyịza ọnẹẹ ọnọọ ô re ka ẹtụtụ ọchị ọnọọ ọ rụra rị. Ô re ka ộ ngụ ọza eyi, o re ka ọ zụ mẹ ka eyi ọza ò hweyi ọ mẹ ka o zee e eyi hu avọọ ọ sị ẹtụtụ anị dị ọ rị ọ nị. Dị ọ rẹ sị ịnị anị yị ọva anị nị dị ọnị rẹ rị ọ nị.


Ụmẹ ọnya anggẹẹrị ẹnyị ee re ka ezi anẹẹ ana aza ma ê zoza. Dị ẹ ọzọza nyị ene zee wa eyi dị ẹ sị mẹ ose ẹnịnị nị.


Ijoovu ka ọnị ộ hị́ eku ka ọnị ẹ yị vaa sị eyi pe ozi ọnyẹnẹẹ.


Gụ mị ụvọ dị ma sị eyi hụụnị ịrẹyị kẹnẹ-kẹnẹ. Navọ dị wa sị ayị amị tụ́ ịnị ịrẹyị awụ.


Ịsị ụ wàa sị ụvọ awụ mẹ vị ọnị ụ vaa rị. Vi o vee zee wụ ẹtẹẹtẹrẹ nị.


Ẹkẹhị ọ zụ ta ịnị abọnya-abọnya. Ẹkẹhị vị onozwọọhịmị. Óo hira anka inomi anaā hị́ ọkasịmẹ avọọ nị.


Ẹwụ ọpa ozweyi, waa jẹ. Ụmẹ yị vị ozweyi aanị ayị awụ oo hine. Avaba ịsị ayị awụ oo sị kẹnẹ ọnị u si ka wàa mẹ, waa mẹ̀ ẹ. Ama tamayị ka ụ va naa ka enube avaba ịsị ụ waa mẹ yị Ohomorihi.


Ọzwọzịsa ka ọnị o roo ka ọnị aa zama ẹngwọmẹ re, dị ọnị ò yẹ ọ mẹmẹ hine. Ama dị ọnị re ka osusu kẹnẹ ọnọọ rẹ vị̀ nị.


Ọ kà, ọgụ sị ọza vana vaa rị ịnị avaba ụkọrọ ọnị aa mẹ dị ẹ yị nyị eyi tụ́ ụhwọ́ ịnị ẹhẹ da? Ọgụ sị ọza aa rị ịnị avaba ịsị ọza maanị aa mẹ akanya anị kẹ?


Sị ọza kụkụ vaa mẹ huni ka ọọ rị, dị òo hú, di òo hine ẹngụ anị ịnị ẹhẹ, dịị ịsị ọza aa mẹ, ọ̀ mẹẹ hine ẹngụ anị ẹtẹẹtẹrẹ. Dị ọnị re ve ree ka Ohomorihi kẹnẹ ọọ mẹ ọsọnị yị ọza nị;


Agụvị avọọ ọnị ọ sị o re ka ẹ yị nyị ịsị ẹyị ọza zụ mẹ huni ka, ọzọza ọ̀ọ rị ịsa ụkọrọ ọnị ọọ mẹ, dị oo hine ẹngụ anị ayị; ka avaba ene tụ ọzọza ịnị ẹhẹ ọ vị ọnọọ nị, ọza òo wu usu, vị ta ịnị ẹhẹ ọnọnị avọọ nị.


Aza ene sì ịrẹyị ẹkẹhị ọnịrị ogu baaba ẹ maa nyị ana hụ wa. Osusu kẹnẹ ọsọnị vị nị.


Avaba ụmẹ ẹhẹ ọza vị ọnịrị ẹngụkata, ayodu, ẹngwọzị ọnịrị ọyịkụ.


Dị ọnị va yẹ ka, ịsị e zoza hu ka ọza ọọ mẹ ịnị ẹhẹ ọ vị ka, ọọ rị ịsa, dị oo hú nị. A vọrọ ka ọza ọọ mẹ ẹngụ anị ayohine ịnị avaba ụkọrọ ọnị aa mẹ dị ẹ yị nyị eyi tụ́ ụhwọ́, ịnị ụmẹ chee ọnị Ohomorihi sị mẹ ẹyịza ịnị ẹhẹ nị.


Ohomorihi ọọ mẹ ka ọza ọ̀ nyị ẹkẹhị ọnịrị ogu beri ụbanyị. Avaba ịsị ọza ọnọnị eè si kẹnẹ vi ọnị ọ nyị. Ama dị ẹ yị rẹ va zẹ ka ọ̀ rị ọ, dị ahịka aza ẹnẹsa kẹnẹ ẹ vaa rị ọ nị. Osusu kẹnẹ ẹngụ ẹhẹ ọnọnị vị, dị ọ rẹ vị ụya ọdẹngụ nị.


Ịsa ọnị ọza nyị rị ụvọ ọ dahi huni ịsa ana aa va ụvọ anị nị. Ẹngụ ẹhẹ ọnọnị vị osusu, vị ọ sị mẹ̀ ẹ anka ọza oo rere e si ka ọnị ọ̀ dụ ahị za avọọ nị.


Ọ kà, ọsọnị ọ va mẹ ka ọnị ọ kà a ka ịsị ọzọza ọọ nyị ọ̀ sịị mẹ ayohine nị, ka ẹ yị nyị ịsị ọza zụ mẹ ịnị ẹhẹ ọnọnị huni ka ọza ọọ rị, dị oo hú, dị oo hine ayị. Àa vị ọnọnị ọ̀ daba sị ụvọ zaa ịnị ụkọrọ ọnị Ohomorihi zẹẹ ka ọ̀ mẹ ịnị ẹhẹ ọnọnị.


Aza ene wu usu ẹnịrị ịrẹyị ọza oyisì ẹnịnị, ọyị nyị ịhyẹrẹ ọza ẹnịnị beri ụhị ọyị kụ ẹnịnị e su nị. Ẹnịnị ẹ ma vana bẹ ụvọ tụ ịnị ịsị anaa na ịnị ẹhẹ pàá.


Ọpa ụmẹ ọnị Ohomorihi ọ̀ọ sị yị wụ ka wa mẹ ịnị ẹhẹ osusu ọnọnị, ẹwụrị ose wu ọnị u sì ịrẹyị anị ọọ mẹ ẹhẹ dị wa mẹrị ẹngụ nịnị, ka ọnị Ohomorihi gà tu wu ịnị ẹhẹ ọnịrị ịnị ụkọrọ ọnị waa mẹ ọ vị ọnọọ nị.


Avaba ịsa ene hi ịnị ẹhẹ yị: Ịsa edivi ọnị ọchẹngụ azaā sì, ịsa ana azaā sị eyiī tụ́ ịnị anị, dị eyi ẹnịnị ẹ̀ yị hụụnị anị, ọnịrị ịsa ẹhẹ ọnọnị ọnị ọza sịị̄ mẹ eyi. Avaba ịsa ẹnẹnị ẹ́ yị vị ịdị Ohomorihi Ada ayị ẹ hụrẹ vẹ, ẹ́ẹhẹ ẹ vị nị.


Dị Ịsamịsịnị na kà a yị ada anị ọnịrị ọnyị anị nị. Dị ọ ka, ọnị ọ re ọnẹẹ Anihwirisiti nịnị ọnyara. Ọnị e sị ka ẹnịnị ẹ nyị ọ yị ọnị.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ