Ịrẹyị Ọzwọzịsa 12:7 - IWE ỌNỊNỊ

⁷ A vaa sị ọchẹngụ ayị varẹma nee chire ẹtẹ, dị ụhwẹ ayị varẹma ka Ohomorihi ana sị yị na.

Ịrẹyị Ọzwọzịsa 12:7 ပူးပေါင်းရင်းမြစ်များ

Oyinyima 18:27

Di Abụrahamị rẹ ka ọnị eteesu ọnịrị atịtọ, ọnị ọ́ọ́ nyị irenu oni ọnị ee sii pè Ẹnẹyịmavara kà ịrẹyị?

Oyinyima 2:7

Di Ẹnẹyịmavara Ohomorihi va dà èzi hụụnị eteesu dị ọ sị mẹ ọza nị. Ịjị ọ sị ọ mẹ, dị ọ tụ́ ụhwẹ hi ọ aahị nị. Ịjọnọọ dị ọza ọnọọ kụkụ aa tụ́ ụhwẹ dị ọ yàra nị.

Oyinyima 3:19

Ọ kà dị ọ ve re ịsa rị, ọ vaa sị ụvọọ ka ẹhịị mi. Ọ rẹ ka avọọ ọ mẹ vaa mẹ pooro dị ọ̀ varẹma nọ ịnị eteesu nị, agụvị ka ezi a sị mẹ ẹ nị. Ezi ọnọọ ọ rẹ vaa vàa nọ ịnị anị nị.

Ijoovu 20:11

Ịzẹyịza, aza edivi vị ene vee su ịjị ẹhẹ ẹnịnị ọ ta jẹ, dị a sị wa vọnọ-vọnọ ne chire ẹtẹ, dị ọ vara edudu.

Ijoovu 7:21

Sị ẹ vẹ dị ụ wẹ yị vagu ịvị ọnị mẹ yị mị, dị ụ wa sị ebira ọhịmị amị kwooze? Ẹ yị nyị aa jẹẹ aanị dị a sị mị ne chire ẹtẹ; u kuku vee sì mị, ịjị ọnọọ mi si hu.

Ahẹ Ụgama 103:14

Ẹnẹyịmavara ộ yẹ ọ mẹmẹ mẹ yị, Ộ yẹ ka ezi kẹnẹ ị vị nị.

Ahẹ Ụgama 104:29

Wàa maanị và eyi hụrẹ wa ẹngụ, dị angwahi kụ́ ngụ wa ẹngụ. Ịhị wàa dọ wa ụhwẹ, di e sú, dị ẹ varẹma nọ ini eteesu.

Ahẹ Ụgama 146:4

Ịhị ụhwẹ ẹnịnị ọ̀ọ ta, dị ẹ varẹma nọ ịnị eteesu. Hụrẹ ịhị ọnọọ dị avaba ịsị e vịdị ro ka ẹnị maanị vaa mẹ vara osusu.

Ahẹ Ụgama 31:6

Ayị aza ana aā hẹkẹ ori vị ana aā kụ́ mị ẹwụ kẹnẹ ẹmị sị ayị tụra nị.

Ahẹ Ụgama 90:3

Wâ mẹ ka aza ẹ̀ rẹ varẹma nọ ini eteesu Wâ hị́ wa ka ọza rẹ varẹma nọ ini eteesu.

Ayịsaya 57:16

Ẹma mẹ ka aza amị yàra nị; mẹ yị maanị vaa kà a pooro ka ệ mẹ divi nịnị, à vị ka ma maanị kụ́ ayịị hi wa pooro. Agụvị ka aza ẹnẹnị gẹdẹ-gẹdẹ ọnị mẹ ka ẹ̀ yàra aanị, vị ene vee su eyi amị.

Ijeremaya 38:16

Ọ kà, dị ohinọyị Ịzẹdẹkaya were kà a yị ọnị ka, ọnị ộ sị Ohomorihi ana sị ụhwẹ yị avaba aza hị́ eku ka, ọnị ẹ́ yị vaa wụ̀ ọnị. Ọnị ẹ́ yị rẹ vaa hụrẹ ọnị ụvọ yị aza enee si ọnị isu nị.

Ịdanịyẹrị 12:2

Aza ọrụrụ-ọrụrụ ana raà sị eteesu vị ịta kụ ẹngụ vaa ha kwẹẹtẹ. Aza ẹnyị ẹnịnị vaa ha dị ẹ yara ịdị Ohomorihi pooro zịna-zịna, dị aza ẹnyị naa rị ụya dị ụhị aa nyị wa pooro zịna-zịna.

Ịzakaraya 12:1

Ọsọnị ọ vị ụtụ ọnị Ẹnẹyịmavara tụ́ hi Anisirẹrị nịnị. Ẹnẹyịmavara ana gana eguhi ku ẹbẹẹba, dị ộ mè ẹtẹ, dị ọ sị ụhwẹ ka ọ sị ra kà,

Ịrịka 16:22

Ama dị ẹnị ẹyịva ẹnẹẹ ka ịrẹsụ hi, dị ẹ mẹ̀ aduwa kà a, Tee! Ohomorihi anaā sịị ụhwẹ yị aza, sị ẹ vị dị a vaa hụvị ọza ịnya kụ ayị hi avaba ịragụ?

Ịrịka 27:16

Taarụ! Ẹnẹyịmavara Ohomorihi ana yẹ ịsa ya ịnị ayị ẹyọza, navọ wa nyị ọza ana vaa vị ọdọvịdị yị Isirẹrị.

Iruuku 23:46

Dị Ijeesu nowu tụ́ ẹba, dị ọ ka, “Nda, mâ sị ụhwẹ amị chire wu ụvọ.” Ịjị ọ maanị sị kà, dị ọ hụrẹ ụhwẹ anị ụvọ nị.

Odeyi 7:59

E mèe yii tụ́ Isitivini ịrẹta, dị Isitivini aa mẹ̀ aduwa dị ọ ka, “Ijeesu Ananyị yị, dọ ụhwẹ amị!”

Anihiburu 12:23

Ịzị ụ vẹ nịnị aanị vị ịzị avaba anịragụ Ohomorihi kụ́ gụ. Ẹnị ẹ vị ezi ịpaapa Ohomorihi ọnị ọ raà chẹrẹ ịrẹha ẹnịnị tụ́ ẹbẹẹba nị. Wa raà saasa ọnịrẹyịzẹyịza nịnị oni Ohomorihi raà mẹ ka ẹ̀ gụ.

Anihiburu 12:9

Ada ayị ịnị ẹhẹ ọnọnịị̄ sị ụyaa rị yị, dị ị ká ịrẹsụ hi yị wa. Wéé ro ka ayị vọrọ ka ya ká ịrẹsụ hi hu avọọ yị Ada ayị ẹbẹẹba, dị ya zụ yára?