Ịrẹyị Ọzwọzịsa 12:1 - IWE ỌNỊNỊ

¹ Tamayị ọza ana tụ wụ vẹ ẹhẹ ịnị ụmẹ ozweyi awụ, dị unobo ọ̀ vaa vẹ, ụmẹ ọnị ụ kụkụ vaa kà a ka ẹhẹ ọ sị du wu eyi.

Ịrẹyị Ọzwọzịsa 12:1 ပူးပေါင်းရင်းမြစ်များ

Oyinyima 39:2

Ẹnẹyịmavara ộ jẹẹ ịrẹma Ijosẹẹhụ, dị ọ mẹ ka ò zee yọ nị, agụvị avọọ dị ọga anị sị ọ ka ọ va yà ini eehi Anijipiti ana vị ọga anị nị.

Oyinyima 39:23

Ọga aza ana a sị si eyi pè ẹngwa ẹ yị kụkụ sị eyi nọ ịnị ịsa ana a raà sị chire Ijosẹẹhụ ụvọ. Ê re ka Ẹnẹyịmavara vị ana jẹẹ ịrẹma Ijosẹẹhụ. Avaba ịsị Ijosẹẹhụ ọ̀ọ mẹ vị ẹnẹ a mẹ ka ò zoza.

2 Ịsamụwẹrị 19:35

Ma sị gụ ịrayị ẹbẹẹna booro aanị. Mẹ yị kụkụ yẹ uhine ẹhẹ Mẹ yị kụkụ yẹ uhine ịsọyịrị ọnịrị eche. Mẹ yị rẹ kụkụ wụ́ ahẹ ana jị. Taarụ, me yi ro ka â vọrọ ka ma na vị ẹnya tụra wụ.

2 Ịsamụwẹrị 19:36

Jẹẹ ma sị wụ na tụ́ chee na jịnẹ Okuha Ịjọdanị, ka mẹ yị yà ọ́za ana a vọrọ ka wa maanị nyị íyí.

1 Ohinọyị 14:13

Avaba Anisirẹrị vaa jị òrèrè anị, di e ne e. Ịnị avaba anovwoovu Ijerobowami, ozi ọnọọ ịnya kẹnẹ ẹ vee ne nị, agụvị ka ọnị ọ daba nyị ebira ene zee Ẹnẹyịmavara ana vi Ohomorihi Anisirẹrị eyi nị.

1 Ohinọyị 18:12

Màa sị huu ịda awụ kẹnẹ, dị ụhwẹ Ẹnẹyịmavara va raà sị wụ nọ ịzị mẹ̀ yị yẹ. Màa na sị ọ kà yị Ahabị, di ò yi rè vee re wu nị, dị ọ za mị dị ọ wụ̀ mị. Wâ yẹ ka hụụnị ozweyi amị mị hụrẹẹ̄ hí angwa Ẹnẹyịmavara nị.

Inehemaya 4:14

Ịjị ọnị re ka angwa ee hí aza, dị ọnị hị́ ọdọvịdị nịnị ọnịrị aza ana vọ gụ, dị ọnị tụ wa ọtụtụrụma ka asị e hí angwa ọnịvị ẹnịnị. Ẹ tama ayị Ẹnẹyịmavara mẹmẹ banyị ọnịrị ẹpazizi anị. Ẹ kwẹẹtẹ ẹ vụ ịrẹvụ agụvị anda ẹnịnị, ezi ẹnịnị ẹnịrị ese ẹnịnị ne beri ovwoovu ẹnịnị.

Ijoovu 30:2

Ezi ana ahịka ẹ yị nyị ịsị ẹ vị. Ẹnịnị ẹ yị zụ mẹ̀ ụkọrọ ọnyọọnyị yị ọnị.

Ahẹ Ụgama 119:55

Ẹnẹyịmavara, mị vaa tamayị awụ ịrahụ, ọda awụ vị ọnị mị vaa si eyii pè.

Ahẹ Ụgama 34:11

Ẹwụ nịnị ezi emi vẹ dị wa wụ́ ịrẹyị amị nịnị! Mee sì ka ma sị kọ wụ nịnị ka waā sị ụbanyịị yị Ẹnẹyịmavara nịnị.

Ahẹ Ụgama 63:6

Màa na sụ mị vaa tamayị awụ ịrẹyị awụ ọ yị zụ hụụnị ayị amị pooro di eyi ọ̀ nị̄.

Ahẹ Ụgama 90:10

Ịrayị ẹtarẹwụ kẹnẹ ị nyị ọ mị mẹ ịnị ẹhẹ ọnọnị nị, ọza ana àa nyị ụkata dị aanị gụ ẹbẹẹna. Avaba anị vị vị ẹngụkata ọnịrị ayodu. Ịsọnị-ịsọnị ẹhẹ ayị ộ ta, ye si hu.

Ụhịrẹyị 22:6

Pa ozi tụ oze ana vọrọ, ọ̀ọ sị vịra ọ yị vaa ha hụụnị anị.

Ụhịrẹyị 8:17

Ộ ka ọnị o sì ịrẹyị aza ene sì ịrẹyị anị; aza ene si ọnị obooro vee ré ọnị.

Ịrẹyị Ọzwọzịsa 11:10

Avọọ, hụụnị ariro, dị asị ụ re du ẹngụ awụ ayị; ka ụmẹ ozweyi ọza ọnịrị ẹnẹnẹ ẹhẹ ọza vị vị osusu kẹnẹ.

Ịrẹyị Ọzwọzịsa 11:2

Re ka waa gà ẹyịza awụ tu aza ọrụrụ-ọrụrụ agụvị ka we yị yẹ ịrẹyị odivi anaa vẹ ọvịdị.

Ịrẹyị Ọzwọzịsa 11:8

Navọ ọpa ẹkụhị ọnị ọza ọ̀ọ nyị ọ̀ yị mẹ ịnị ẹhẹ oo hine ẹngụ anị ayị, ọ̀ọ daka ku orubo pooro. Ama ọ̀ tamayị ka ẹkụhị iswọọza aa vẹ, ọ vaa gọdọ. Avaba ịsị aa vẹ vị osusu kẹnẹ.

Ayịsaya 26:8

Ẹnẹyịmavara, ọda awụ ẹyị aa saasa nọ. Ẹwụ ị sị eyi tụra nị. Yàa tamayị ịsa ọnị ụ mẹ, dị ịnẹ sị yị há.

Arụwẹ 3:27

Óo zoza ka ọza ọ̀ vavọọ kọsẹ a mẹẹ nyị usuuru ịjị ọza vị ozweyi.

Ịdanịyẹrị 1:17

Ohomorihi ộ mẹ̀ ka ezwọọmụha ẹẹna ẹnẹnị ẹ̀ yẹ ịrẹyị ẹtẹẹtẹrẹ, dị ẹ rẹ zụ kọsẹ ịsa irenyi-irenyi. Dị ọ rẹ sị ụkata yị Ịdanịyẹrị ka ọ̀ zụụ ka iruvo etore ọnịrị ụra nị.

Ihoseya 7:9

Ẹnịnị ẹ yị yẹ ka anikinami ẹnẹẹ ẹ raà tụ ẹnị ọkụmị. Ịrẹsụ ẹnịnị ẹ̀ ta vị ẹwẹwa, ama ẹnịnị ẹ yị yẹ ka ẹnị ẹ yị kụkụ nyị ụkata.

Iruuku 1:15

Ọzọbanyị ọ vaa vị ini eyi Ananyị yị nị. Ọ yị va nyayịnẹ ẹ hú eche vụrụ-vụrụ, ọ̀ daka vị eche ọkatẹngụ. Hụụnị ịnị ịnẹ ọnyị anị Ụ́hwẹ Ọnịnị vaa dọ avaba ayị anịị hụrẹẹ vẹ nị.

Iruuku 18:16

Dị Ijeesu hị́ ezi ẹnẹẹ pe ẹngụ nị, dị ọ ka, “Navọ ezi eweyi nịnị ẹ̀ vẹ ịdị amị! Asị ụ dọ wa oro, agụvị ka ẹngụ ẹnịnị ẹ nyị ịzị Ohomorihi yà aa mẹ ịjọva nị.

Anẹhwẹsọsị 6:4

Ẹwụ nịnị ada ozi, asị ụ mẹ̀ ka ezi ewu nịnị ẹ̀ kụ́ ayị! Ama waa pá waa tụ́ ini oze Ikirisiti nịnị, dị ụ waa sị ịrẹyị Ananyị yịị zụ̀ wa nịnị.

Iwe Ọhụhị Imosiisi ana aa hị́ Ọyịvatụrọda 8:18

Tamayị ka Ẹnẹyịmavara Ohomorihi awụ nịnị ọ̀ sị ụkata yị wụ nịnị ọnị u sị nyị ẹkẹhị awụ nịnị nị. Ọ vavọọ mẹẹ ịsa ẹnẹnị agụvị ka ọ̀ vịdị ka tịtẹ dị ọ hị́ eku tụ ọ yị ohiku ẹnịnị nị.

2 Itimoti 3:15

Wa rẹ yẹ ka, ụ mẹ̀ hụrẹ vị ozweyi, ụ hụrẹ yẹ Iwe Ohomorihi nị. Ọ zụ mẹ ka wa yẹ ịrẹyị, ana vaa mẹ ka wa sị ayị tụra Ijeesu Ikirisiti, dị ọ̀ dọ wụ há.

1 Ịsamụwẹrị 1:28

Mị sị ọ vẹ ka ma sị va yị Ẹnẹyịmavara nị. Ịda anị ọ́ kụkụ vaa yà pooro ịnị avaba ẹhẹ anị nị.” Dị ẹ yà ịzọọ dị ẹ hẹkẹ Ẹnẹyịmavara nị.

1 Ịsamụwẹrị 16:7

Dị Ẹnẹyịmavara va hị́ Ịsamụwẹrị dị ọ ka asị ụ re eyi ịrẹsụ anị ọnịrị ọ mẹmẹ hụ, agụvị ka ẹ yị vị avọọ ọnị mẹẹ̄ nyị ọza rị ohinọyị. Ọ kà a yị vị ọza mèe re ẹtẹ ọnịị̄ re ẹtẹ. Ọ kà ọza vi ene eē re ẹhẹẹhẹ, ama ọnị Ẹnẹyịmavara vi ene eē re ayị ọza.

1 Ịsamụwẹrị 2:18

Ịsamụwẹrị ọnị vi ene chire ịhamịra ana a sị ịta ozoza hi, dị aa mẹ ụkọrọọ yị Ẹnẹyịmavara.

1 Ịsamụwẹrị 2:26

Ịsamụwẹrị ọnị vị ana aa yịị hụ. Aza ê sì ịrẹyị anị, avọọ Ẹnẹyịmavara ọnị mè re sì ịrẹyị anị nị.