Ịrẹyị Ọzwọzịsa 11:6 - IWE ỌNỊNỊ

⁶ Waa sị avaba ụmẹẹ chire ịsa irenyi-irenyi agụvị ka wẹ yị yẹ ana vaa mẹ. Wẹ yị yẹ avị avaba anị ọ vaa mẹ ẹtẹẹrẹ nị à vị ẹnyị ọ vaa mẹẹ huna ọsa nị.

Ịrẹyị Ọzwọzịsa 11:6 ပူးပေါင်းရင်းမြစ်များ

Ịrẹyị Ọzwọzịsa 11:7

Etohweyi oo zoza ọza òo zụ re e.

Ịrẹyị Ọzwọzịsa 9:1

Ọzwọzịsa ka ọnị ô ro avaba ịrẹyị ọnọnị, dị ọnị zama wa re nị. Ọnị ô re ka ọza ọyịza ọnịrị ọyẹrẹyị beri avaba ụkọrọ ẹnịnị vị ana ya ịnị ụvọ Ohomorihi. Ẹ yị nyị ọza ana yẹ ịsa ana vẹ ụhwọọ. À vị e vee sì ịrẹyị anị nị o, a vị ka vị a vaa nyị ịhyẹrẹ anị nị. Avaba ịsa vị osusu eyi ẹyị ọza.

Ịrẹyị Ọzwọzịsa 9:10

Ịsa tụra ịsa ọnị wàa ka waa mẹ, ụ sị avaba awụ mẹẹ agụvị ka ịnị ikuta ọnị ụ vaa nọ, ẹ yị nyị ụkọrọ ịzọọ avị ịrẹyị ò yị ro. Ẹ yị nyị ka maa yẹ ịsa ịzọọ avị ka maa da yẹ ịrẹyị.

Ayịsaya 55:10

Orihi ọnịrị ata orihi vị anaā hụrẹ ẹbẹẹba vẹ, dị ẹ yị vavẹ ịzọọ, ẹ̀ yị vị ịjị ẹtẹ sị enyi hú. Ẹtẹ ọ̀ọ sị enyi hú, dị ọ mẹ ka ịsa ịnị aarẹ ẹ̀ chị́ hi ẹhẹ, dị ẹ si ihu yị ọza eneē mí ịsa ọyịna, dị ọ sị ịsọyịrị yị ọza.

Ihoseya 10:12

Anka ọgẹrẹva ana jị ịrụkụ ịsa ọyịna avọọ, ẹnịnị e tenyi ebira ẹnịnị, ẹ mẹ ịzẹyịza agụvị e re ọyịza. Ẹnẹyịmavara kà ụmẹ o si tụ́ ka ẹnịnị ẹẹ hẹkẹ ọnị agụvị ọnị ọ mẹ ọyịza yị wa anka orihi mẹẹ̄ zụ avọọ.

2 Anịkọrịntị 9:6

Ịsị maa kà yị ka: ọza ene èe chire ịsa chee, ịsa chee o re vee ree há nị; ama ọza ene èe chire ịsa ọrụrụ, o re vee re ịsa ọrụrụ há nị.

2 Itimoti 4:2

ka, waa kà enube ọyịzaa yị aza! Waa kà a ịnị ụmẹ ana aza èe sì ọnịrị ịnị ụmẹ ana aza è yi sì! Waa tụ́ wa ohuvọ, waa kà wa ọnọ, dụ wa rẹẹ tụ́ wa ọtụtụrụma! Re ka wáa nyị isuuru ẹtẹẹtẹrẹ, ụ màa zụ̀ wa ịsa!