Ịrẹyị Ọzwọzịsa 10:8 - IWE ỌNỊNỊ

⁸ Ọza anaa chị ụsị ọ vee horo ngụ ọ nị. Ọza anaa jị ugene roo ẹ́wụ́ ọ zụ jị ọ ịrẹrụ.

Ịrẹyị Ọzwọzịsa 10:8 ပူးပေါင်းရင်းမြစ်များ

2 Ịsamụwẹrị 17:23

Ịjị Ahitohwẹrị re ka ọza ọ yị dọ ịrẹyị anị mẹ̀ ụkọrọ, di o tenyi umaata anị, dị ọ tụra a, di o si huu aa nọ eehi anị ẹkụra anị nị. Ịjị o tù eehi, di o tenyi irehi anị, di o ne zụ̀ obo yị ẹngụ anị nị. Ó mè wusu di e ne e tụ́ ini ikuta ada anị nị.

2 Ịsamụwẹrị 18:15

Dị ẹnị ẹẹwụ ịnị ẹnị ana aā za ẹnya ịrẹkụ gụ Ijowabi wụsẹ tara kara Abịsarọmị, dị ẹ và ịsa hí ọ ẹngụ, di o sú nị.

Ẹsịta 7:10

Ịzẹyịza, dị e zù Ịhamanị obo gẹ ịrẹsụ ọchị ọnị o hi agụvị Imodekaya nị. Ịjị a maanị si Ịhamanị mẹ, dị ayị ohinọyị va nẹtẹ nị.

Ahẹ Ụgama 57:6

Ọnịvị amị ee bè mi ka ẹnị ẹ̀ za mị Ayị amị o si du ẹtẹẹtẹrẹ Ọnịvị ẹ raà chị ụsị ka me zina ngụ ọ Ama dị ahịka ẹnị ụvọta ẹ rẹ varẹma horo ngụ ụsị ọnọọ nị.

Ụhịrẹyị 11:6

Ịzẹyịza ọnịzẹyịza aa dọ ọ ha nị, ama ọhọha anapẹ ọ vị ịrẹpa ana aa za a nị

Ụhịrẹyị 26:27

Ọza anaā va ịrẹpa zi ọza ọ́ vaa za nị. Ịsa ọnị ọ sị yị ọza o vee re nị.

Ịrẹyị Ọzwọzịsa 10:9

Ọza tụra ọza anaaa há ịrẹta, ịrẹta ọ zụ tọ ọ ụnava; ọza ụra ọza anaaa há ọkụ, ọkụ ọ zụ tọ ọ ụnava.

Emọsị 5:19

Ịhị ọnọọ vaa sị mẹẹ anka ọza òo zwe yi idu na gẹrẹ ọdụmị avọọ nị. Ô zwe na tẹ̀ ịnị eehi, dị ọ sị ụvọ tụra ugene, dị ẹ́wụ́ jị ọ ịrẹrụ nị.

Emọsị 9:3

Ẹnịnị ẹ̀ẹ na tẹ̀ ịrẹsụ ataba Ịkamẹrị, ọnị vaa sị wa hụụ ịzọọ. Ẹnịnị ẹ̀ẹ hyakụ na tẹ̀ iruvo òkū, di ọnị ka yị ẹ́wụ́ ka ọ̀ mẹ wa.

Ọdọvịdị 9:5

Ẹkụhị ọnyara, dị Abimẹrẹkị nọ ịnị eehi ada anị ana ya Ohwira, dị ọ za ẹyịnyara anị ẹtarẹwụ ana vị ezi Ijerubaari, dị ọ wụ̀ wa va ha ịrẹsụ ịda ọbanyị ọnya aanị nị. Ijotami ana vị ajẹmọ ẹnịnị kẹnẹ ọ ha agụvị ka ộ si aha na tẹ̀ nị.