Ịrẹyị Ọzwọzịsa 10:16 - IWE ỌNỊNỊ

¹⁶ Ẹkụra anaa sị ozweyi mẹ ohinọyị anị dị ahịka vị ọdọvịdị ẹnịnịị rị ịsa pooro kẹnẹ nị, ẹ sị da.

Ịrẹyị Ọzwọzịsa 10:16 ပူးပေါင်းရင်းမြစ်များ

1 Ohinọyị 12:11

Kà ẹ yị wa ka ịzẹyịza ada awụ ô kune ẹnya ọrata tụra wa, ama ẹwụ vị ana vaa dà tụ́ ịnị ẹnya ọnọọ. Dị ụ rẹ kà a tụ́ ọ yị wa ka ada awụ vị ana sị ịjapa tụ́ wa, ama iku ẹwụ ve sii che wa nị.”

2 Ịtọpa 13:7

Avọọ ọ mẹ rẹ kụ́ aza kẹnẹ-kẹnẹ ku ịrẹma na kụ́ ọ ka Irehobowami ozi Isoromọnị ụhwẹ agụvị ka o vi ozweyi, oni eyi anị ộ yị hweyi.

2 Ịtọpa 36:11

Ịzẹdẹkaya vị ịrayị ohurọnya ịnị ụmẹ ọnị ọ sị rị ohinọyị, Ijuda, dị ọ mẹ̀ ohinọyị ọnọọ ịrayị ẹwụrọnya nị.

2 Ịtọpa 36:2

Ijowahazi ọnọọ vị ịrayị ohurẹẹta ịnị ụmẹ ọnị ọ vị ohinọyị Ijuda, dị ộ mẹ̀ ịrayị ẹẹta ịrẹsụ ode nị.

2 Ịtọpa 36:5

Ijehoyakimi vị ịrayị ohurẹẹhị ịnị ụmẹ ọnị ọ́ rị ohinọyị Ijuda. Ộ mẹ̀ ohinọyị ịrayị ẹwụrọnya Ijerusarẹmị, dị ộ mẹ̀ ebira odivi hi Ẹnẹyịmavara ana vị ohinọyị anị.

2 Ịtọpa 36:9

Ijehoyakini vị ịrayị ẹwụrịhịnta ịnị ụmẹ ọnị ọ sị rị ohinọyị Ijuda. Ụhwẹ ẹẹta tụra ẹkụhị ẹẹwụ kẹnẹ, ọ rị ohinọyị vi, dị ọ mẹ̀ du Ẹnẹyịmavara eyi nị.

Ụhịrẹyị 28:16

Ọdọvịdị ẹnẹẹ yị yẹ ịrẹyị vị ana a chamayị yị onosiye nịnị ama ọza ọnị ẹ mā dọ ọza mẹ anị vị eneē ku orubo.

Ịrẹyị Ọzwọzịsa 10:15

Ọnụra kẹnẹ ọọ mẹ̀ ụkọrọ pooro di ẹ yị kụkụ yẹ oze varẹma nọ eehi oo mẹ chi ọ ẹngụ tịtẹ nị.

Ayịsaya 3:12

Ọpa ezweyi aa mẹ ẹvaya yị aza amị, anyẹnẹẹ ẹ kụkụ vị ọdọvịdị ẹnịnị nị. Ẹwụ nịnị aza amị, aza ana ka ẹnị vị ọdọvịdị awụ nịnị vị ana aa kụ́ wụ nịnị nyeeyi. Ẹ raà kụ́ wụ nịnị nyeeyi hụrẹ oze.

Ijeremaya 21:12

ẹ̀ wụ́ ịrẹyị ọnị Ẹnẹyịmavara aa ka: Re ka waa mẹ ịzẹyịza nịnị eyinị-eyinị. Ọza ọnị ọza aa mẹẹ rị ụ dọ ọ hụrẹ ọza ana mẹẹ rị ụvọ nịnị. Ẹ̀ yị vavọọ ebira odivi awụ nịnị vaa mẹ ka ọnị ọ̀ kụ ayị hi u nịnị anka ịra anaa zá dị ọza e yi zụ mi ọ avọọ.