Ịrẹyị Ọzwọzịsa 1:9 - IWE ỌNỊNỊ

⁹ Ịsa anaa mẹ booro aanị ọ vịdị sị mẹ da. Ịsị ana mẹ booro aanị, á rẹ vanaa mẹ nị. Ẹ yị nyị ịsị ẹ vị ọwọọwa ịnị ẹhẹ ọnọnị.

Ịrẹyị Ọzwọzịsa 1:9 ပူးပေါင်းရင်းမြစ်များ

Ịrẹyị Ọzwọzịsa 1:10

Áá nyị ịsị ọza zụ ka a ka è re ka ọsọnị vị ọwọọwa kẹ? Ịsị yee re ọ yaanị, aa vịdị sị o re da dị a vaa yẹ ka aa ma ayị.

Ịrẹyị Ọzwọzịsa 2:12

Ọzwọzịsa ka ọnị rẹ va ka ọnị ò ro nọ ịnị ịpa ịrẹyọyẹ ọnịrị ebira kẹnẹ-kẹnẹ ọyị mẹ nị. Ohinọyị ẹnyị ọ̀ọ dọ ọsa ịrẹsụ, sị ọ zụ mẹ huni ịsị a vịdị sị mẹ da?

Ịrẹyị Ọzwọzịsa 3:15

Ẹ yị nyị ịsị ẹ̀ vaa mẹ ẹnẹ ẹ̀ yị vị dị mẹ da ịnị ẹhẹ ọnọnị. Ịsị ẹ vịdị mẹ tụ ịrẹma Ẹnẹyịmavara hị́ varẹma vẹ nị.

Ịrẹyị Ọzwọzịsa 6:10

Aa vịdị sị eto avaba ịsa mẹ tịtẹ o si ku ana hụrẹ yẹ ịsị ọzọza vaa vị. Ẹ yị nyị ọza ene zụ pe Ohomorihi nyị ahankata tụ ịrẹsụ ẹhẹ anị.

Ịrẹyị Ọzwọzịsa 7:10

Asị ụ re họ̀ use ka: Sị ẹ vẹ dị ahịka ụmẹ ịyẹẹyẹ o zoza hu ụmẹ ọnọnị nị? Ọ ka ẹ yị nyị ịrẹyọyẹ ka ọza ọ̀ vavọọ họ̀ use ịrẹyị.

Ayịsaya 43:19

Sị eyi pe ẹtẹ ka, maa naa mẹ̀ ịsa ọwọọwa. Ó si nyima aa mẹ da, wee re e nịnị booro aanị. Mị vaa tụ́ oze tụ ịnị ụnọmị, dị mị mẹ okuha ene enyi ee sì ịnị anịị wụ nịnị ịzọọ.

Ijeremaya 31:22

Ẹnẹyịmavara kà, ịzị ụ vaa mẹ ọsọọsa nee tu, ẹwụ nịnị ẹnẹ yị nyị ịzẹyịza aanị? Ọ kà ọnị vaa mẹ̀ ịsa ọwọọwa ana vị irenyi ọ̀ mẹ ịnị ẹhẹ. Anisirẹrị nịnị vee sì ịrẹyị Ohomorihi ẹnịnị.

2Ipita 2:1

Ịnị ịyẹẹyẹ, ọnịsẹ ireche nịnị hi ini Aniju nịnị. Ọnịsẹ ireche nịnị ẹnị rẹ vaa jịnẹ ịnị akakana awụ nịnị. Di e were vẹ, dị ẹyaa sị irechee zụ̀ aza, ana vaa mẹ azaa nyeeyi. Ẹ vaa kà a ka ẹnị ẹ́ yị yẹ Ijeesu Ikirisiti Ananyị yị, ọza ana hị́ wa varẹma. Agụvị avọọ, ẹ́ yị vaa jẹẹ, dị ẹ̀ wụ ẹngụ ẹnịnị và ha.

Ẹtore 21:1

Di mi re ẹbẹẹba ọwọọwa ọnịrị ẹhẹ ọwọọwa nị, agụvị ka ẹbẹẹba ịpaapa ọnịrị ẹhẹ ịpaapa ẹ́ẹ ta. Òkū ọnị ọ rẹ sị wụ.

Ẹtore 21:5

Dị ọza ana yaayịtẹ ịrẹsụ aga ohinọyị ọnọọ ka, “Re, maa mẹ̀ ka avaba ịsa ẹ̀ vị ọwọọwa.” Dị ọ rẹ kà a mị ka ma chẹrẹẹ nị, agụvị ka ịrẹyị ẹnẹnị vị ịzẹyịza, ẹ yị nyị ireche ịnị anị.