Ịrẹyị Ọzwọzịsa 1:2 - IWE ỌNỊNỊ

² O! ẹ yị nyị ịsị ẹhẹ ọnọnị vị ọ. Ọzwọzịsa ka, avaba ẹhẹ vị osusu bemi-bemi.

Ịrẹyị Ọzwọzịsa 1:2 ပူးပေါင်းရင်းမြစ်များ

Ijoovu 11:12

Ịsụpa ọza zụ pá huu ọnụra nị.

Ahẹ Ụgama 144:4

Ọza vị ana sị mẹẹ anka ahị ana aa tụ́ụ parahu avọọ. Ẹhẹ ọza maanị aa kiiki aanị.

Ahẹ Ụgama 89:47

Asị ayị hi wu o, ka ẹ yị nyị ẹhẹ amị yà. Wáā yẹ ka avaba aza vi ene vee sú.

Ịrẹyị Ọzwọzịsa 11:10

Avọọ, hụụnị ariro, dị asị ụ re du ẹngụ awụ ayị; ka ụmẹ ozweyi ọza ọnịrị ẹnẹnẹ ẹhẹ ọza vị vị osusu kẹnẹ.

Ịrẹyị Ọzwọzịsa 11:8

Navọ ọpa ẹkụhị ọnị ọza ọ̀ọ nyị ọ̀ yị mẹ ịnị ẹhẹ oo hine ẹngụ anị ayị, ọ̀ọ daka ku orubo pooro. Ama ọ̀ tamayị ka ẹkụhị iswọọza aa vẹ, ọ vaa gọdọ. Avaba ịsị aa vẹ vị osusu kẹnẹ.

Ịrẹyị Ọzwọzịsa 12:8

Ọzwọzịsa ka, osusu ene huna osusu yị, avaba ẹhẹ vị osusu.

Ịrẹyị Ọzwọzịsa 2:11

Ama ọnị o ve re avaba ịsị ọnị sị ẹhị ẹngụ anị mẹ ka avaba anị vị osusu. Ọ́ sị mẹẹ anka ọza oo rere aa dụ ahị avọọ nị. Ẹ yị nyị ịsị ọza aa dụ ịnị ẹhẹ ọnọnị ana nyị ọgụ vụrụ-vụrụ.

Ịrẹyị Ọzwọzịsa 2:15

Dị ọnị ve ro o ka ịsị e tu onututu o re vee tu ọnị nyẹmba nị; agụvị avọọ, sị ẹ va vị ọgụ avaba ịrẹyọyẹ anị kẹ? Dị ọnị ve rè e ka ọsọnị bẹẹ rẹ vị osusu.

Ịrẹyị Ọzwọzịsa 2:17

Avọọ ẹhẹ ọnọnị ộ nyị ọnị ịhyẹrẹ agụvị ka ọnị oo re avaba ịsị aa mẹ ịnị ẹhẹ, ẹngụkata kẹnẹ ẹ kụ tu ọnị nị. Avaba anị vị osusu, vị ọza aa dụ ahị kẹnẹ nị.

Ịrẹyị Ọzwọzịsa 2:19

Ẹnẹ yẹ ọza ana vẹ ọ̀ọ vaa yẹ ịrẹyị à vị onututu ọ vaa vị nị? Ọza tụra ọza ọnị ọ̀ọ na vị, ọnị ọ vaa mẹ ọda tụra avaba ịsa ọnị ọnị ka ẹhị mi tụra ịrẹsụ beri ịrẹyọyẹ anị ọnị ọnị sị mẹ. Dị ọnị ka ọsọnị bẹẹ rẹ vị osusu.

Ịrẹyị Ọzwọzịsa 2:21

Ọza ọ zụ sị ịrẹyọyẹ ọnịrị ọbọ mẹ avaba ụkọrọ anị, dị ọ vị vaa para avaba ịsị ọ nyị hu. Dị ahịka ọza ẹnẹẹ yị yẹ ọ mẹmẹ wa ọ vaa sịị mẹ ẹhẹ nị. Ọsọnị ọnị rẹ vị osusu, dị ọ rẹ vị ịrẹyị odivi ọbanyị ọnya nị.

Ịrẹyị Ọzwọzịsa 2:23

Ọ ka ụkọrọ ọnị ọza sị avaba ẹhẹ anị mẹ vị ẹngụkata ọnịrị ayodu yọ. Ịrahụ bẹẹ ẹ yị zụ sụ̀ ara, ọsọnị rẹ vị osusu.

Ịrẹyị Ọzwọzịsa 2:26

Ọza ana ayị Ohomorihi oo hine tù ọọ̄ sị ịrẹyọyẹ ọnịrị ayohinee yị, dị ọ mẹ ka ọ̀ yẹ ịsa nị, ama ọza odivi vị ọnị Ohomorihii mẹ ka ọọ kụ oguu gụ, dị ọ̀ va hụrẹ wa ụvọ yị ọza ene zee ọnị eyi. Ọsọnị bẹẹ rẹ vị osusu, vị ọza aa dụ ahị kẹnẹ nị.

Ịrẹyị Ọzwọzịsa 2:8

Ọ kà ọnị ộ kụ ẹkẹhị ọnịrị igooru gụ yị ẹngụ anị, dị ọnị kụ ogu ohinọyị nịnị ọnịrị ẹtẹ ẹnịnị nị. Ọnị ộ dọ anọrụ ọnịrị anẹẹ anaā jị ahẹ zụ ọnị, dị ọnị nyị onyeehi ozoza-ozoza tatarata nị. Avaba ịsị wèe ro ka ọza ọ nyẹngụ nyị kẹnẹ vị ọnị ọnị nyị.

Ịrẹyị Ọzwọzịsa 3:19

Ọ kà ịsị ọnyọọnya o vee tu ọza ọnịrị ịsụpa. Ọnya mee su, avọọ ọ sa me vee su nị. Ụhwẹ ọnyọọnya ẹnị ẹyịva aa tụ nị, ọza ẹ yị dahi huni ịsụpa. Avaba anị vị osusu.

Ịrẹyị Ọzwọzịsa 4:16

Ohinọyị ọ zụ mẹ ịjọva tụra aza ọnị ọza ẹ yị yẹ za ịrịka ịrẹsụ, ama ịjị oo si hu, dị ahịka ọhịmị anị kẹnẹ aza aa kà nị. Ẹngụ ọsọnị bẹẹ rẹ vị osusu, ọ sị mẹẹ ọza òo rere ee sì ka ọnị ọ za ahị avọọ nị.

Ịrẹyị Ọzwọzịsa 4:4

Ọ kà ọnị ọ sị yẹ ka agụvị ọzọza ọ̀ dụ ọpa anị kẹnẹ aa sị aza mẹ̀ ụkọrọ dị ẹ yị nyị eyi tụ́ ụhwọ́ nị. Ịsị aa sị aza dụ ọyịkà tụ ọvịdị baaba ọ vị ọnọọ nị. Ọsọnị bẹẹ rẹ vị osusu, anka ọza o rere aa dụ ahị avọọ.

Ịrẹyị Ọzwọzịsa 4:8

Ọza ana vị ọnị ịnyaa, dị ẹ yị ma ozi ọnọrụ, dị ẹ̀ yị nyị ọyịnyara ọnọrụ. Ama aa mẹ̀ ụkọrọ ẹ yị nyị eyi tụ́ ụhwọ́, ẹ ma kà a ka ogu ọ sị hụ ọnị. Ẹ yị daba họ̀ use ka ẹnị ọnị maanị aa hụ ụvọ anị aa rị ụya, dị ọnị ẹ yị nyị ẹngwohyahị kẹ? Ọsọnị bẹẹ vị ụkọrọ ayodu, dị ọ rẹ vị osusu nị.

Ịrẹyị Ọzwọzịsa 5:10

Aza ene sì ịrẹyị ẹkẹhị ọnịrị ogu baaba ẹ maa nyị ana hụ wa. Osusu kẹnẹ ọsọnị vị nị.

Ịrẹyị Ọzwọzịsa 6:11

Wàa kụ ịrẹka pooro, osusu ọ vị nị, avọọ ọgụ sị ọza àa rị ịnị ẹngụ ahankata ẹnẹẹ?

Aniroomi 8:20

Ohomorihi ọ sị ọkarẹyị mẹ ka avaba ịsa ọnị ọnị tụ́, ẹ̀ kụkụ vị kẹnẹ-kẹnẹ. Ẹ yị vị ka ẹnị ẹ vavọọ sì ọ ọ yị ẹngụ ẹnịnị nị, ama avọọ ọza ana tụ́ wa mè sì ọọ nị. Ama â nyị ọyịtureyi ọnya,