Ịrẹyị Ọzwọzịsa 1:13 - IWE ỌNỊNỊ

¹³ Ọnị ộ sị ụmẹ tịtẹ ọyịkọsẹ ịrẹyọyẹ, dị ọnị sị ịrẹyọyẹ zama avaba ịsị azaa mẹ ịnị ẹhẹ re nị. Dị ọnị ne tu ka ụya kẹnẹ Ohomorihi kụ aza hi ịnị anị ịnị ẹhẹ nị.

Ịrẹyị Ọzwọzịsa 1:13 ပူးပေါင်းရင်းမြစ်များ

Oyinyima 3:19

Ọ kà dị ọ ve re ịsa rị, ọ vaa sị ụvọọ ka ẹhịị mi. Ọ rẹ ka avọọ ọ mẹ vaa mẹ pooro dị ọ̀ varẹma nọ ịnị eteesu nị, agụvị ka ezi a sị mẹ ẹ nị. Ezi ọnọọ ọ rẹ vaa vàa nọ ịnị anị nị.

Ijoovu 28:3

Anụkọrọ anaā ba enyusẹ ẹnẹnị vị ana aā sị ịrakotupa ngụ ịnịnẹ ịnị etohozi ruma-ruma nee si wa.

Ahẹ Ụgama 111:2

Ụkọrọ ẹbanyị-ẹbanyị Ẹnẹyịmavara mẹ nị. Aza ene sì ịrẹyị anị vị ene eē ro ịrẹyị ụkọrọ anị ẹnẹẹ.

Ụhịrẹyị 18:1

Wee re ka aza ẹ yà dị ẹnị rị aza ana vọ ẹ yị ma zụ mẹ uzee nị, ịrẹyị ẹngụ ẹnịnị kẹnẹ ọọ jị wa areyi nị. Ẹnịnị ẹ mā dọ yị ịsị aza ana vọ ka a ka ọ gẹ.

Ụhịrẹyị 18:15

Aza ana yẹ ịrẹyị vị eneē sì ka ẹnị ẹ̀ẹ wụ́ ịrẹyị ịrẹyọyẹ dị ẹnị ẹ̀ẹ kọsẹ.

Ụhịrẹyị 23:26

Ozi emi, sị eyi pe mi, waa saasa ahụ ọnị mèe hu.

Ụhịrẹyị 25:2

Ẹyị azaā sị ụbanyị yị Ohomorihi agụvị ka ọnị oō mẹ̀ ịsa ọnị ọza ẹ yị yẹ uruvo anị nị. Dị aza rẹ sị ụbanyị yị ohinọyị nịnị agụvị ka ẹnị ẹẹ̄ mẹ̀ ẹhahi ịrẹyị zụ aza nị.

Ụhịrẹyị 4:7

Aanị ọza mẹẹ nyima ọyị nyị ịrẹyọyẹ nị. Vịdị dụ ịrẹyọyẹ da, dị wa vaa dụ ịsa ana vọ.

Ịrẹyị Ọzwọzịsa 1:17

Ọ kà ọnị ọ mẹ asụvụrị ka ọnị ọ yẹ́ ịsa aa hị́ ịrẹyọyẹ ọnịrị ụra ọyị mẹ, ama dị ọnị re ne tu ka ọsọnị bẹẹ vana rẹ sị mẹẹ anka ọza rere aa dụ ahị avọọ nị.

Ịrẹyị Ọzwọzịsa 11:5

Ohomorihi ọọ mẹ avaba ịsa nị, ọza ẹ yị zụ yẹ iruvo Anị anka ọza ẹ̀ yị mẹ zụ yẹ ụparị ana ahịị vàa tụra à vị ozi mẹ mẹẹ vịra ịnị ịnẹ ọnyẹnẹẹ avọọ.

Ịrẹyị Ọzwọzịsa 12:12

Ozi emi, ịsị ee si huna ịrẹyị ẹnẹnị ụ sị ụvọ za ẹngụ awụ ịnị anị o. Aza ẹ yị vaa hụụnị iwe ọ̀ yị chẹrẹ, wẹ yị yara e sị ka wa yẹ avaba ịsa vị ee chi wụ ẹngụ nị.

Ịrẹyị Ọzwọzịsa 2:23

Ọ ka ụkọrọ ọnị ọza sị avaba ẹhẹ anị mẹ vị ẹngụkata ọnịrị ayodu yọ. Ịrahụ bẹẹ ẹ yị zụ sụ̀ ara, ọsọnị rẹ vị osusu.

Ịrẹyị Ọzwọzịsa 2:26

Ọza ana ayị Ohomorihi oo hine tù ọọ̄ sị ịrẹyọyẹ ọnịrị ayohinee yị, dị ọ mẹ ka ọ̀ yẹ ịsa nị, ama ọza odivi vị ọnị Ohomorihii mẹ ka ọọ kụ oguu gụ, dị ọ̀ va hụrẹ wa ụvọ yị ọza ene zee ọnị eyi. Ọsọnị bẹẹ rẹ vị osusu, vị ọza aa dụ ahị kẹnẹ nị.

Ịrẹyị Ọzwọzịsa 3:10

Ọ kà ọnị ọ sị yẹ ka ẹnya ọrata kẹnẹ Ohomorihi kune tụra ẹyị ọza nị.

Ịrẹyị Ọzwọzịsa 3:11

Ohomorihi ọ raa mẹ avaba ịsa ka ẹ̀ vị ọyịza-ọyịza ịnị ụmẹ ọnị ọ jị yị wa. Dị ọ rẹ raa mẹ ka aza èe ro ịrẹyị ẹkụhị ọnị ọza ẹ yị yẹ za ịrịka nị. Ama ẹ yị nyị ọza ana va zụ yẹ ịsa ọnị Ohomorihi mẹ hụụnị oyinyima na ngụ ẹzẹtẹ.

Ịrẹyị Ọzwọzịsa 4:4

Ọ kà ọnị ọ sị yẹ ka agụvị ọzọza ọ̀ dụ ọpa anị kẹnẹ aa sị aza mẹ̀ ụkọrọ dị ẹ yị nyị eyi tụ́ ụhwọ́ nị. Ịsị aa sị aza dụ ọyịkà tụ ọvịdị baaba ọ vị ọnọọ nị. Ọsọnị bẹẹ rẹ vị osusu, anka ọza o rere aa dụ ahị avọọ.

Ịrẹyị Ọzwọzịsa 4:8

Ọza ana vị ọnị ịnyaa, dị ẹ yị ma ozi ọnọrụ, dị ẹ̀ yị nyị ọyịnyara ọnọrụ. Ama aa mẹ̀ ụkọrọ ẹ yị nyị eyi tụ́ ụhwọ́, ẹ ma kà a ka ogu ọ sị hụ ọnị. Ẹ yị daba họ̀ use ka ẹnị ọnị maanị aa hụ ụvọ anị aa rị ụya, dị ọnị ẹ yị nyị ẹngwohyahị kẹ? Ọsọnị bẹẹ vị ụkọrọ ayodu, dị ọ rẹ vị osusu nị.

Ịrẹyị Ọzwọzịsa 7:25

Ọzwọzịsa ka ọnị ộ sị avaba ẹhẹ anị sị iruvo ka ọnị ọ̀ yẹ iruvo ịsa ọrụrụ-ọrụrụ nị. Ọnị ọ sị yẹ ka ọza anaa chamayị dị aa mẹ̀ ebira kẹnẹ-kẹnẹ vị ọnụra.

Ịrẹyị Ọzwọzịsa 8:9

Ọzwọzịsa ka ọnị mee ro ịrẹyị ịsị ana aza aa mẹ ịnị ẹhẹ ọnọnị, avaba ịsị ọnị ve re yi. Aa nyị ụmẹ nyị dị aza ana nyị ụkata aa mẹ ehuna yị ọnọhụva ẹnịnị, dị ẹ yaa kụ ẹngụkataa tu ẹngụ ẹnịnị.

1 Itimoti 4:15

Waa sị ịrẹyị ẹnẹẹ mẹ̀ ụkọrọ, dụ wa sị avaba ayị awụụ mẹẹ! agụvị ọzọza ò re, ụ mẹmẹ aa kà a tụ́ ọvịdị.