Ireevi 9:7 - IWE ỌNỊNỊ

⁷ Dị Imosiisi kà a yị Eerọnị ka, ọ̀ nọ ịzị ụta ya, dị ọ̀ na mẹ̀ ịsọvọ ịvị ọnịrị ịsọvọ ana aā rị ịra ọ̀ yị sị ịvị anị ọnịrị ịvị anineehi ana vọ kwooze, ọ ka ọ̀ na mẹ̀ ịsọvọ ọnọnị yị aza ẹnẹnị, dị à sị ịvị ẹnịnị kwooze; Anaka Ẹnẹyịmavara mẹ kà a.

Ireevi 9:7 ပူးပေါင်းရင်းမြစ်များ

Ireevi 16:11

Ịjị Eerọnị ọ̀ọ raa sị ụnọ ọnọọ vẹ ọ̀yị mẹ̀ ịsọvọ ịvị yị ẹngụ anị, dị ọ́ raa pà ẹvagu yị ẹngụ anị ọnịrị aza anị nị, ọ vaa wụ̀ ọ.

Ireevi 16:24

Ọ vaa ya aha ọnịnịị hụ enyi, dị ọ va kụ ẹnya ọnị ụvọta hi ẹngụ, ịrẹma ọnọọ, ọ vaa jịnẹẹ tụ ẹhẹ, dị ọ na mẹ̀ ịsọvọ ana aā rị ịra yị ẹngụ anị ọnịrị yị aza ana vọ; dị à sị vagu ịvị ọnị ụvọta ọnịrị ịvị aza ana vọ.

Ireevi 16:6

Eerọnị vị a sị ụnọ ọnyaa mẹ̀ ịsọvọ ịvịị yị ẹngụ anị, dị ọ sị pa ka à vagu ọnị ọnịrị aza anị.

Ireevi 4:3

Àa vị ohirẹsụ ọbanyị irehi Ohomorihi ọ mẹ ịvị nị, ọ raa mẹ ka aza ana vọ ẹ̀ rị ịvị, ịvị ọnị ọ́ mẹ avọọ, ọ vaa sị ozi ụnọ araka ọnị ẹ̀ yị tụ ọkụmị vaa mẹ̀ ịsọvọ ịvị anịị yị Ẹnẹyịmavara.

Ireevi 8:34

Imosiisi ka, Ẹnẹyịmavara ọ mẹ̀ ẹ ọda ka ya mẹ avaba ịsị ọnị ị maanị mẹ ajịnị aanị nị, agụvị dị a sị sị ịvị awụ nịnị kwooze nị.

Ireevi 9:2

dị ọ kà a yị Eerọnị ka, ọ̀ sị ụnọ ọnyara ọnịrị ịdẹba ọnyara, ẹnẹ ẹ̀ yị nyị ịsị aa zị, dị ọ̀ sị mẹ̀ ịsọvọ hi Ẹnẹyịmavara nị. Ụnọ ọnọọ vị ana aa sịị mẹ̀ ịsọvọ ịvị, dị ọ sị ịdẹba ọnọọ mẹ̀ ịsọvọ ana aa rị ịra.

Anihiburu 5:1

Aā nyị avaba ohirẹsụ ọbanyị irehi Ohomorihi hụụnị akakana aza, ka ọ̀ọ hẹkẹ Ohomorihii yị ẹnị. Dị ọ̀ rẹẹ mẹ ịsọvọọ hi Ohomorihi, dị ọ̀ọ sị ẹyịza ẹnịnị naa yọ agụvị ịvị ẹnẹ ẹnị ẹ̀ẹ mẹ.

Anihiburu 5:3

Agụvị ka ọnị ụvọta o re zụ nyeeyi, áa nyị ka ọnị ọ̀ rẹẹ mẹ̀ ịsọvọ agụvị ịvị ẹngụ anị, anka ọ mẹ̀ raa mẹ̀ ịsọvọ agụvị ịvị aza ana vọ.

Anihiburu 9:7

Ohirẹsụ ọbanyị irehi Ohomorihi ọnịnya kẹnẹ ọọ̄ ngụ ini aku ajẹngụ ọnọọ ụpẹ ọnya kẹnẹ ịnị ịrayị nị. Àaa na, dị ọ sị anya za ọnị ọ vaa sị mẹ ịsọvọọ yị ẹngụ anị, dị ọ̀ rẹ mẹ yị aza agụvị ịvị ene e nyeeyi mẹ.

1 Ịsamụwẹrị 3:14

Ẹnẹyịmavara kà ọnị ọ raà kà a, dị ọnị hị́ eku tụ́ ọ nị ka ẹ yị nyị ịsị a vaa sị kụ́ ebira odivi ana aneehi Eri mẹ aanị. Ọ kà ẹ yị nyị ịsọvọ ana vaa mẹ ka ọnị ọ và hụụnị ịrẹyị odivi ẹnẹ vavọọ mẹ avọọ.