Ireevi 9:4 - IWE ỌNỊNỊ

⁴ Ọ kà ẹ̀ sị ụnọ ọnya ọnịrị ịdẹba ọnya dị ẹ̀ sị mẹ̀ ịsọvọ ọ̀yị mẹ uzee. Ẹnịnị ẹ̀ sị akụ ana á sị́ angwẹ va hùra vaka ịsụpa ẹnẹnị, dị ẹ sị mẹ̀ ịsọvọ hi Ẹnẹyịmavara. A sị a nyị ka ẹnịnị ẹ́ yị mẹ̀ ẹ agụvị ka Ẹnẹyịmavara vaa sị ẹngụ anịị zụ wa ajịnị.

Ireevi 9:4 ပူးပေါင်းရင်းမြစ်များ

Ọyịkụra 16:10

Eerọnị màa kà ịrẹyịị yị avaba Anisirẹrị dị ẹnịnị và eyi ka ịnị ụnọmị nị. Di e vene re ka ẹtẹ ô hu eyi nyáà ịnị eguhi Ẹnẹyịmavara sị ẹngụ zụ̀ nị.

Ọyịkụra 19:11

di e tenyi ẹngụ tịtẹ ịhyẹgwẹta anị. Kà a ka ịhị ọnọọ, ẹmị Ẹnẹyịmavara vee chii hi ịrẹsụ ataba Ịsịnayị éyi avaba ẹnịnị.

Ọyịkụra 24:16

Di ẹtohweyi ụbanyị Ẹnẹyịmavara yà ịnị ataba ọnọọ nị. Avọọ eguhi ọnọọ mè kú ataba ọnọọ mẹ ẹkụhị ịhịnọnyị nị. Ịhị ẹ tụ́ ọ ẹkụhị ịhịmba, dị Ẹnẹyịmavara va yà ini eguhi ọnọọ dị ọ hị́ Imosiisi nị.

Ọyịkụra 29:43

Mị rẹ vaa vẹ vee tù Anisirẹrị nịnị ịzọọ. Ụbanyị amị vaa yà ịzọọ dị ọ̀ sị zụ̀ ka mị yà ịzọọ.

Ezikẹẹrị 43:2

Ezikẹẹrị ka ọnị mẹ yà ịzọọ, ọnị ô ré Ohomorihi Anisirẹrị mẹ hụrị eyi ọnị ọyịị̄ zịị vẹ aa vẹ, ọnịrị ụbanyị anị, ọnị ộ wụ ọngwẹ Ohomorihi maa sụrẹyị anka okuha ọbanyị enee sì avọọ. Dị ụbanyị anị ọnọnị mẹ ka avaba ẹtẹ ọọ zẹtẹ nị.

Ezikẹẹrị 43:27

Ịhị ẹkụhị ịhịmba ẹnẹẹ ẹ̀ẹ sị gụ, ohirẹsụ irehi Ohomorihi nịnị vee nyima hụrị ịhị ẹ tụ ọ ẹkụhị ịhịnta va na, dị ẹyaa mẹ̀ ịsọvọ anaa rị ịra ịrẹsụ ụta ọnọọ ọnịrị ịsọvọ ana aza va mẹ ka ẹnịrị Ohomorihi ẹ̀ zụụ mẹ uzee. Ịjọnọọ ayị anị vee hinee tu wa. Ọnị Ẹnẹyịmavara Ochẹtẹẹngụ ọ ka avọọ nị.

Ireevi 2:1

Ọza ọnyọọnyị ọ̀ọ sị ẹ̀hụ́ akụ avọọ aa vaa mẹ̀ ịsọvọ hi Ẹnẹyịmavara, aa nyị ka ọza ọnọọ ọ̀ kwọ̀ ọ dị ọ̀ vị́ ẹtẹẹtẹrẹ. Ọza ọnọọ vaa và angwẹ hi ọ ịrẹsụ, dị ọ rẹ sị eturare anaa dà agụ ohine àa ka a hi ịra vaka a,

Ireevi 3:1

Ọza ọ̀ọ sị ịsụpa aa vaa mẹ̀ ịsọvọ agụvị ọnị rị Ohomorihi ọ̀ nyị uzee, ọ sị ọ hụụnị ịsụpa ana aa pa. Ọ̀ọ vị ụnọ araka, ọ̀ọ vị ọnẹẹ, asị ọ vị ana tụ ọkụmị.

Ireevi 9:23

Imosiisi ọnịrị Eerọnị ệ ngụ ịnị ajẹngụ ịzị Ẹnẹyịmavara ya; ịjị ẹ́ jịnẹ vavẹ, ẹnịnị ệ mẹ̀ aduwa yị aza ana gụ, dị igirima Ẹnẹyịmavara vànaa zẹtẹ anka ẹtohweyi avọọ eyi aza ana gụ nị.

Ireevi 9:3

Ọ̀ọ sị ọ mẹ, dị ọ̀ kà a yị Anisirẹrị nịnị ka, ẹ̀ sị ịdẹ ọnyara dị à sị mẹ̀ ịsọvọ ịvị, dị ẹ̀ sị ozi imaaru ọnyara ọnịrị ozi atẹmẹ ọnyara ẹnẹ ẹ̀ yị nyị ịsị aa zị, dị ẹ̀ vị ịrayị ọnyara, ọnọnị vị ẹnẹ ẹ vaa sị mẹ̀ ịsọvọ ana aa rị ịra.

Ireevi 9:5

Dị ẹnịnị sị avaba ịsị ọnị Imosiisi kà yị wa vẹ enoze ajẹngụ ịzị ẹẹ gẹ, dị avaba ịragụ (Anisirẹrị nịnị) kụ ẹngụ gụ ịzọọ ọyị hẹkẹ Ẹnẹyịmavara nị.

Ireevi 9:6

Dị Imosiisi ka, ịsị Ẹnẹyịmavara kà wa mẹ nịnị yị, agụvị dị ọ̀ sị ụbanyị anịị zụ̀ wụ nịnị.

Ịrịka 14:10

Ama dị avaba Anisirẹrị aa kà a ka ẹnị a sị ịrẹta-ịrẹta wụ Ijosuwa ọnịrị Ikarẹbị nị. Obooboro ọnọọ Ẹnẹyịmavara sị ụbanyị anị zụ ịrẹsụ ajẹngụ anị dị avaba Anisirẹrị nịnị re e nị.

Ịrịka 16:19

Dị Ikora kụ avaba Anisirẹrị nịnị gụ enoze ajẹngụ ka ẹ va eyi ka Imosiisi nị. Obooboro ọnọọ, dị Ẹnẹyịmavara sị ẹngụ zụ wa, dị ẹtẹ hweyi kara avaba ịragụ ana gụ nị.