Ireevi 8:7 - IWE ỌNỊNỊ

⁷ Ô chire Eerọnị ọtịnịnẹ awuru, ọnịrị awuru ọgọdọ, dị ọ jị obo sụ́ ọ ọtẹ nị. Ô re chire e ịharamịra, dị ọ sị obo ana a ta ọyịza-ọyịza tụ ọ sụ́ ọ za ẹngụ nị.

Ireevi 8:7 ပူးပေါင်းရင်းမြစ်များ

Ọyịkụra 28:2

Jị awuru ohirẹsụ irehi Ohomorihi yị Eerọnị ẹnẹbẹnị awụ. Awuru ọnọọ ọ vị awuru ana rụra mẹ ọvị dị ọ̀ sị ụbanyị yị ọza.

Ọyịkụra 28:4

Aanị ẹ mẹ̀ vaa jị ẹnya Eerọnị nị: Ọ vaa nyị ọtịnịnẹ ēni e hi, dị ọ va nyị awuru ọgọdọ ene ee chiree tụra a. Di e ve chire ịharamịra kú awuru ọgọdọ ọnọọ. Dị a va jị ọsa ọnị ọ vaa sị gẹ ịrachị. Dị ọ jị ubobo tụ́ ọ. Di a va nyị ēni e hi anka ụbaja, dị ọ sị za ọtẹ. Ẹngụ ẹnya ọnọọ ẹ vaa jịị yị Eerọnị ẹnẹbẹnị awụ ọnịrị ezi anị nị. Dị ẹnịnị ẹ̀ vị ohirẹsụ irehi amị dị ẹ̀ sịị mẹ ụkọrọọ mị.

Ọyịkụra 28:6

Owu ēni e ve sii hi ịta ịharamịra ọnọọ vị eni enyi anị vaa vi igooru, ivuru, ọnịrị enyi ivuru ọnịrị ovivi ēni e pō vabẹ ne beri owu ovivi. Dị ụ sị owu ozoza ana a ta vabẹ tụ́ ọ. Dị ahịka ọza ana yẹ eyi ụkọrọ ẹtẹẹtẹrẹ o hi ọ nị.

Ọyịkụra 29:5

Dị ụ va kụ́ ẹnya ohirẹsụ irehi Ohomorihi, dị ụ kụ́ ọ chire Eerọnị. Ò chire ọtịnịnẹ awuru, di ò ve chire awuru ọgọdọ tụ́ ọ. Dị ọ sị ịharamịra ọnọọ di o chire e kú ọ, ịharamịra ọnọọ ọnịrị ọtụrịrachị anị o vee chire nị. Sị ụbaja ana aza ana yẹ eyi ụkọrọ hi avọọ dị wa sị sụ ịharamịra ọnọọ za a ọtẹ.

Ayịsaya 61:10

Ayị amị vị ana nyayịnẹ hine ịnị Ẹnẹyịmavara Ohomorihi amị. Ọ raà sị ẹdọha yị mị anka a mẹẹ kụ ẹnya hi ọza ẹngụ avọọ. Awuru ịzẹyịza ene e chire mi vị ana hụ mị enyi Mị sị mẹẹ anka ọnọrụ ene chi awuuru ana nyị ọnẹẹ avọọ nị. Mị sị mẹẹ anka ọnẹẹ ana a za oze ana kụ ọmọ hi ẹngụ avọọ nị.

Ayịsaya 61:3

Aza ene hi Ịzayọnị ee du ayị sị ịrajẹ ọnịrị ayohine dọ ịrẹsụ ayodu ẹnịnị yị wa sị ahẹ ụgama dọ ịrẹsụ ahẹ orere yị wa Ẹnịnị vaa sị mẹ anka ọchị ọnị Ẹnẹyịmavara chire avọọ nị. Avaba ẹnịnị vaa mẹ̀ ịsa ana vọrọ. Ohomorihi vị ana a vaa ga agụvị ịsa ọnị ọ raà mẹ.

Ezikẹẹrị 42:14

Ohirẹsụ irehi Ohomorihi ọ̀ọ yà ịnị irehi Ohomorihi aa mẹ̀ ụkọrọ, dị ee sị ka ọnị ọ̀ jịnẹ tụ ẹhẹ nị, áa nyị ka ọ̀ ngwa ẹnya ọnịnị ọnị ọ kụ hi ẹngụ hi ịnị aku ọnọnị da. Dị ò chire awuru ọsa dị ọ̀ va jịnẹ tụ ẹhẹ na ngụ ịzị aza ana vọ hi.

Aniroomi 13:14

Ama sị ebira Ijeesu Ikirisiti Ananyị yị mẹ awuru chire nịnị, asa ahịka ebira odivi ọnị ọchẹngụ awụ nịnịị̄ sì kẹnẹ, ụ waa mẹ nịnị nị!

Aniroomi 3:22

Aza ana sị ayị tụra Ijeesu, Óhomorihiī vara ọnịrẹyịzẹyịza nị. Avaba aza ana sị ayị tụra Ijeesu Ikirisiti kẹnẹ, Óhomorihiī vavọọ mẹ nị. Oze ọnya ọ vị yị avaba aza nị,

Anigaratiya 3:27

Avaba ọza ọnị ọnịrị Ijeesu ọ̀ọ vị ọnya ini oze ọyịhwenyi, ẹ raà sị ebira Ikirisiti mẹ awuru chire.

1 Ịsamụwẹrị 2:28

Ọnị ộ nyị ohiku ẹnịnị tụ́ irenyi hụụnị avaba Anisirẹrị ana vọ ka ẹ vị ohirẹsụ irehi anị nị. Ohomorihi ka ẹnị ọnị kà a ka ẹ vaa rị eturare ịraa yị ọnị ịnị ụta, dị ẹ̀ ree chire ịharamịra ene e siī sì iruvo ịrẹyị ịnị ụvọ anị. Dị ọnị rẹ ka avaba ịsọvọ ana aā rị ịra ana Anisirẹrị ẹ̀ẹ va mẹ, ohiku ẹnịnị a vaa kụ́ ọ yị nị.