Ireevi 8:6 - IWE ỌNỊNỊ

⁶ Dị Imosiisi kụ Eerọnị ọnịrị ezi anị dị ọ hụ wa enyi nị.

Ireevi 8:6 ပူးပေါင်းရင်းမြစ်များ

Ahẹ Ụgama 26:6

Ẹnẹyịmavara, wê re m mẹ̀ nyịna ụvọ amị, ka mẹ yị rị ịvị Mee jesii kara ụta ịzị a yàa mẹ ịsọvọọ wụ.

Ahẹ Ụgama 51:2

Navọ wa sị ayị hụụnị avaba ebira odivi ọnị mị mẹ dị wa sị ebira odivi ọnị maa mẹ̀ hụrẹ mị ẹngụ.

Ahẹ Ụgama 51:7

Navọ wa sị avị ana aā hị́ ihisopu dị wa sị nyịna mị dị ma zụ nị̄ hụụnị ebira odivi amị. Mị ka navọ wa nyịna mị dị ma nị nịkị-nịkị hụụnị ebira odivi amị.

Ọyịkụra 29:4

Di ụ sị Eerọnị ọnịrị ezi anị vẹ enoze ajẹngụ ịzị a yàa gẹ, dị ụ hụ wa enyi ịzọọ.

Ọyịkụra 30:19

Di Eerọnị ọnịrị ezi anị ẹ̀ẹ ká enyi hụụnị anị dị ẹ̀ sịị nyịna ụvọ ọnịrị ahụ ẹnịnị.

Ọyịkụra 30:20

Ụmẹ tụra ụmẹ ẹnị ẹ yaa ngụ ịnị ajẹngụ ịzị aā gẹ, ẹ̀ vavọọ nyịna ẹngụ ẹnịnị ka à yị vị avọọ e ve sú. Ẹ̀ẹ rẹ yaa nọ ịnị ụta ka ẹnị ẹ̀ na sị ịsọyịrị mẹ ịsọvọọ mị,

Ọyịkụra 40:12

Dị Ẹnẹyịmavara rẹ ka Imosiisi ọ̀ rẹ kụ́ Eerọnị ọnịrị ezi anị vẹ enoze ajẹngụ ọnọọ dị ọ̀ hụ̄ wa enyi nị.

Ayịsaya 1:16

Na tụ̀ ụvọ hụụnị avaba ebira odivi ẹnẹẹ, mị ka avaba ịsa edivi ọnị ụ waa mẹ oni mee re aanị, na và hụụnị anị. Hụụnị ebira odivi

Ezikẹẹrị 36:25

Ọnị vee che enyi ana nịị sẹ ẹwụ nịnị ẹngụ, dị ọnị nyee avaba ịdọtị ori awụ nịnị kwooze. Ọnị re vee nyee avaba ịsa ana vọ ene du wu nịnị ẹngụ kwooze.

Ireevi 16:4

Ẹnẹyịmavara kà, dị Eerọnị ộ va ngụ aha ọnịnị ene hu aanị, áa nyị ka ọ̀ hụ enyi, dị ọ̀ kụ ẹnya ohirẹsụ irehi Ohomorihi hi ẹngụ: ò chire awuru ọgọdọ hwẹkẹ-hwẹkẹ anị, dị ọ̀ vụ́ aaruchi oweyi tụ ọ, ọ̀ sị obo sụ ọtẹ, dị ọ̀ jị ubobo anị.

Ireevi 8:5

Ịjị avaba aza sị gụ, dị Imosiisi ka ịsị Ẹnẹyịmavara mẹ ọda ka ọnị ọ̀ mẹ, ọnị aa vaa mẹ aanị nị.

Ịzakaraya 13:1

Ẹnẹyịmavara Ochẹtẹẹngụ kà a ịjị ụmẹ òo si tù, enyi vee si hụụnị ẹtẹ ana vaa nyịna ezi Idevidi ẹnịrị aza ene hi Ijerusarẹmị hụụnị ebira odivi ẹnịnị ọnịrị ẹvụvụ ori ọnị ẹ yaa hẹkẹ.

1 Anịkọrịntị 6:11

Ẹngụ ebira ẹnẹẹ aza ẹnyị awụ nịnịị̄ vịdịị mẹ nị. Ama Ohomorihi ọ sị ịvị awụ nịnị nyịna kwooze, ọ sị wụ nịnị nyị ka wa vị aza ọnịnị anị. Ini oze ịrẹha Ijeesu Ikirisiti Ananyị yị ọnịrị Ụhwẹ Ọnịnị, ọ raà jị ịhị yị wụ nịnị.

Anẹhwẹsọsị 5:26

Ộ sị enyi ọnịrị ịrẹyị Ohomorihi, dị ọ sị vara a ọnịnị, dị ọ sị ọọ tụ́ irenyi yị Ohomorihi nị.

Anihiburu 10:22

Agụvị avọọ, à vẹ ya sị ayị ọnya kà pe Ohomorihi, dị ya sị avaba ayị ayị tụra a, agụvị ka Ijeesu ọ raà nyịna ịvị ana ayị ayị aa jịị yị kwooze. A rẹ raà sị enyi ana nị nyịna ẹngụ ayị.

Anihiburu 9:10

Ịsa ẹnẹnị vị ịrẹyị ịsọyịrị ọnịrị ịsa oyihú ne beri ẹngụ irenyi-irenyi ọyịnyịna. Avaba ẹnẹẹ vị ịsa ịnị ẹhẹ ọnọnị kẹnẹ, ana ahịka ụmẹ chee ẹ jẹẹ yị nị, dị Ohomorihi ọ̀ va vara avaba ịsa ọwọọwa.

Ẹtore 7:14

Dị mị ka: Nda, mẹ yị yẹ, ẹwa yẹ nọ. Dị ọ kà a mị ka: Aza ẹnẹnị ẹ vị aza ana sị ụya ọbanyị há va jịnẹ, dị ẹ nyịna awuru ẹnịnị ịnị anya Ozi Atẹmẹ ọnọọ, dị ẹ kụkụ aa vwẹtẹ sẹnẹ-sẹnẹ nị.