Ireevi 7:9 - IWE ỌNỊNỊ

⁹ Ọza ọ̀ọ sị ayị ana a sịị̄ mẹ ịbụrẹdị à vị ana a sị jị akara va mẹ̀ ịsọvọ, ohirẹsụ irehi Ohomorihi ene èe pe e mẹ̀ ẹ, ọ nyị ịsọyịrị ọnọọ ana a sị va yị Ohomorihi nị.

Ireevi 7:9 ပူးပေါင်းရင်းမြစ်များ

2 Ohinọyị 12:17

Ụmẹ avọọ gẹdẹ-gẹdẹ, Ihazayẹrị, ohinọyị Isiriya ộ kụ́ ịrẹkụ ne tu ẹkụra ana aā hị́ Igati, dị ọ nyị ẹbẹẹba ẹnịnị nị. Ama ịjị ọ rẹ ka ọnị aa kụ́ ịrẹkụụ nọ Ijerusarẹmị,

Ezikẹẹrị 44:29

Ịsọyịrị ana a sị va mẹ̀ ịsọvọ, ọnịrị ịsị a sị va mẹ̀ ịsọvọ ịvị beri ịsị a sị va mẹ̀ ịsọvọ ọyị si ụta varẹma ẹ vaa vị ịsọyịrị ohirẹsụ irehi Ohomorihi nịnị. Avaba ịsa ana àa sị tụ irenyi yị ọnị Ẹnẹyịmavara ịnị ẹtẹ Isirẹrị vị ana a vaa sịị yị wa.

Ireevi 2:10

Ịsị ẹ̀ẹ vọ ịnị ịbụrẹdị ana sị va mẹ̀ ịsọvọ aanị vị ẹẹnị ohirẹsụ irehi Ohomorihi. Ịsa Ohomorihi ọ vị nị agụvị ka ana vọ ẹtẹ ịnị ịsọyịrị ana sị va mẹ̀ ịsọvọ yị Ẹnẹyịmavara yọ nị.

Ireevi 5:13

Aanị ohirẹsụ irehi Ohomorihi mẹ vaa mẹ̀ ịsọvọ agụvị ịvị ọza ọnọọ, dị à vagu ọ nị. Avaba ayị ọnọọ ana vọ vị ó ohirẹsụ irehi Ohomorihi anka á mẹẹ̄ mẹ̀ ịsọvọ ana a sị ayị mẹ avọọ.

Ireevi 7:10

Ọza ọ̀ọ sị́ ịsọyịrị ana a sị́ angwẹ hura va mẹ̀ ịsọvọ, oo zee eyi asị a sị angwẹ hụra a, avaba evere Eerọnị ana vị ohirẹsụ irehi Ohomorihi ẹ nyị ịsọyịrị ọnọọ nị. Ẹbẹẹbẹ ẹnịnị vaa gà a nị.

Ireevi 7:8

Ohirẹsụ irehi Ohomorihi ene èe pe ọza ọnyọọnyị mẹ̀ ịsọvọ ana aa rị ịra ọ vaa nyị ịtụmpaha uye ana a sị va mẹ̀ ịsọvọ ọnọọ nị.

Ịrịka 18:9

Aza vaa sị ịsa ịsọvọ vẹ idi anị. Ịsa ịsọvọ ẹnẹẹ ẹ zụ vị ịsọvọ ayị, a vị ịsọvọ ịvị. Aa nyị ịpa ịsa ịsọvọ ọnị ọza ẹ yị rị ịra ana vị Eerọnị, ama avaba ịsa ana vọ anaā sịị vẹ vị Eerọnị ọnịrị ezi anị.

1 Anịkọrịntị 9:13

Ụ wáá ka wẹ yị yẹ ka ọza ana aa mẹ̀ ụkọrọ ini irehi Ohomorihi vị anaā rị ịnị ịsa ana àa sị vẹ ini irehi Ohomorihi nị? Wa rẹ yẹ nịnị ka aza ana a nyị ka ẹ̀ẹ sị ịsa ịsọvọọ mẹ ịsọvọọ yị Ohomorihi vị ana rẹẹ̄ rị ịnị ịsa ịsọvọ ẹnẹẹ.

1 Anịkọrịntị 9:7

Áá nyị isoja eneē sí ẹngụ anị ụta? Wéé re ọkụrịkụ ẹnẹ ẹ̀ yị mā rị ịsa ịnị aarẹ anị da? Ẹ yị rẹ nyị ọza anaā pá ịsụpa ẹnẹ ẹ̀ yị mā rị ịsị ẹ hụụnị anị vẹ.

Anigaratiya 6:6

Aza ana aa kọsẹ ịrẹyị Ohomorihi, ịsị ọ̀ọ nyị, ọnịrị ọza ana aa sị ịrẹyị Ohomorihi zụ̀ ọọ è dudu gàa!