Ireevi 7:7 - IWE ỌNỊNỊ

⁷ Ịsị a sị mẹ̀ ịsọvọ ịvị aza ọnịrị ịsa ịsọvọ ọ̀yị sí ụta varẹma vị ọnyọọnya, ọda ọnyọọnya ọ za ẹnị ẹyịva nị. Ohirẹsụ irehi Ohomorihi ana sị wa vẹ ịrẹsụ ụta, ọ nyị uye anị nị.

Ireevi 7:7 ပူးပေါင်းရင်းမြစ်များ

2 Ohinọyị 12:16

Ọza ẹ yị ma sị ẹkẹhị ana a sị vẹ ọyị sí ụta varẹma ọnịrị ana a sị vẹ agụvị ịvị tụ́ ịnị apoti ọnọnị. Ohirẹsụ irehi Ohomorihi nịnị ẹ nyị nị.

2 Ohinọyị 12:17

Ụmẹ avọọ gẹdẹ-gẹdẹ, Ihazayẹrị, ohinọyị Isiriya ộ kụ́ ịrẹkụ ne tu ẹkụra ana aā hị́ Igati, dị ọ nyị ẹbẹẹba ẹnịnị nị. Ama ịjị ọ rẹ ka ọnị aa kụ́ ịrẹkụụ nọ Ijerusarẹmị,

Ireevi 14:13

Ọ vaa wụ̀ ozi atẹmẹ ọnọọ ịzị ẹ yaā wụ ịsị ịsọvọ ịvị ọnịrị ịsị ịsọvọ ana aā rị ịra, aha ana a nyị ka à yaa mẹ̀ ẹ; ịsị a sị mẹ̀ ịsọvọ agụvị ka ọza ộ rị ịvị, vị ohirẹsụ irehi Ohomorihi anka ịsị ịsọvọ ịvị avọọ. Ịsa Ohomorihi ịnya kẹnẹ ọ vị nị.

Ireevi 2:10

Ịsị ẹ̀ẹ vọ ịnị ịbụrẹdị ana sị va mẹ̀ ịsọvọ aanị vị ẹẹnị ohirẹsụ irehi Ohomorihi. Ịsa Ohomorihi ọ vị nị agụvị ka ana vọ ẹtẹ ịnị ịsọyịrị ana sị va mẹ̀ ịsọvọ yị Ẹnẹyịmavara yọ nị.

Ireevi 2:3

Ịsị ẹẹ vọ ịnị ịsọyịrị ana sị va mẹ̀ ịsọvọ aanị vị ẹẹnị ohirẹsụ irehi Ohomorihi. Ịsa Ohomorihi ọ vị nị agụvị ka ana vọ ẹtẹ ịnị ịsọyịrị ana sị va mẹ̀ ịsọvọ yị Ẹnẹyịmavara yọ nị.

Ireevi 6:17

Ọnọọ vị ọnị Ẹnẹyịmavara sị yị ohirẹsụ irehi Ohomorihi nịnị ịnị ịsọyịrị ana a sị va mẹ̀ ịsọvọ yọ. Ẹnẹyịmavara ịnya kẹnẹ ọ nyị nị anka ịsị a sị va mẹ̀ ịsọvọ ịvị ọnịrị ọ yị sí ụta varẹma avọọ nị.

Ireevi 7:8

Ohirẹsụ irehi Ohomorihi ene èe pe ọza ọnyọọnyị mẹ̀ ịsọvọ ana aa rị ịra ọ vaa nyị ịtụmpaha uye ana a sị va mẹ̀ ịsọvọ ọnọọ nị.

Ịrịka 5:8

Ama ọza ọnọọ òọ wusu dị ẹ yị nyị anda anaa vọrọ ka o si ụta yị nị, ọ sị ịsa ọnọọ beri ịdẹba ọnị ọ sị nyịna ịvị anị yị ohirẹsụ irehi Ohomorihi agụvị ka Ẹnẹyịmavara ọ kụkụ nyị nị.

1 Anịkọrịntị 10:18

Wâ yẹ, Ániju nịnị mẹ̀ rẹẹ̄ mẹ. Ẹ̀ẹ yaa rị ịsa ana a sị mẹ̀ ịsọvọ yị Ohomorihi, ẹnịrị Ohomorihi ộ vabẹ.

1 Anịkọrịntị 9:13

Ụ wáá ka wẹ yị yẹ ka ọza ana aa mẹ̀ ụkọrọ ini irehi Ohomorihi vị anaā rị ịnị ịsa ana àa sị vẹ ini irehi Ohomorihi nị? Wa rẹ yẹ nịnị ka aza ana a nyị ka ẹ̀ẹ sị ịsa ịsọvọọ mẹ ịsọvọọ yị Ohomorihi vị ana rẹẹ̄ rị ịnị ịsa ịsọvọ ẹnẹẹ.