Ireevi 7:6 - IWE ỌNỊNỊ

⁶ Ezi ọnọrụ hụụnị ovwoovu ohirẹsụ irehi Ohomorihi nịnị ẹ vaa rị uye ọnọnị ana vọ nị. Ịsa Ohomorihi ọ vị̀ nị, agụvị avọọ aha ana a kà yàa rị ọ, a vaa yaa rị ọ nị.

Ireevi 7:6 ပူးပေါင်းရင်းမြစ်များ

Ezikẹẹrị 42:13

Ezikẹẹrị ka ọnọrụ ọnọnị ộ kà a yị ọnị ka, irehi ẹyịva ọnị ọnya yà eyi ẹbẹẹba, dị ọsa ya eyi-ụvẹtẹ vị Óhomorihi o. Ịzọọ ohirẹsụ Irehi Ohomorihi anaā nọ ọvịdị Ẹnẹyịmavara vaa ngụ naa rị ịsị ịsọvọ ana vị Óhomorihi ịnya kẹnẹ nị; ka irehi ẹnẹnị vị Ohomorihi, ịzọọ a vaa kụ ịsa ịsọvọ ana vị Óhomorihi ịnya kẹnẹẹ hi nị. Ẹngụ akụ ana asị mẹ̀ ịsọvọ, ịsị a sị mẹ̀ ịsọvọ agụvị ka ọza ộ mẹ̀ ebira odivi ọnịrị agụvị ka ọza ộ rị ịvị, vị ana a vaa kụụ hi ịzọọ.

Ireevi 2:3

Ịsị ẹẹ vọ ịnị ịsọyịrị ana sị va mẹ̀ ịsọvọ aanị vị ẹẹnị ohirẹsụ irehi Ohomorihi. Ịsa Ohomorihi ọ vị nị agụvị ka ana vọ ẹtẹ ịnị ịsọyịrị ana sị va mẹ̀ ịsọvọ yị Ẹnẹyịmavara yọ nị.

Ireevi 21:22

Ẹngụ ọza ọnọọ ọ yị zụ rị ịsa ịsọvọ Ohomorihi, ịsa ịsọvọ ọnịnị ọnịrị ịsa ịsọvọ ọnịnị keekere.

Ireevi 6:11

Ọ va naa vara ẹnya ọnị o ku hi ẹngụ, dị ọ va sị atịtọ ọnọọ jịnẹ hụụ ịzị aza ra hi, dị ọ na và hi aha ịnị ịrẹba.

Ireevi 6:29

Ezi ọnọrụ ọnyọọnyị ịnị ovwoovu ohirẹsụ irehi Ohomorihi ọ zụ rị ịnị anị; ịsa Ohomorihi ịnya kẹnẹ ọ vị nị.

Ireevi 7:5

Ohirẹsụ irehi Ohomorihi vaa rị avaba ụhị ọnọọ ịra ịrẹsụ ụta anka ịsa ịsọvọọ yị Ẹnẹyịmavara. Ịsa ịsọvọ oyi si ụta varẹma ọ vị nị.

Ịhagayị 2:12

Ọza ọ̀ọ sị uye ịsọvọ tụ ịnị awuru ọnị o chire, dị ụtọ awuru anị kanyị apapa, a vị ẹpẹ, a vị angwẹ orivi, a vị ịsọyịrị ana vọ nị. Ọ́ọ́ vaa mẹ ka ịsọyịrị ọnọọ ọ vara ọnịnị? Dị ẹnịnị tụ ọ ohi ka eyiye de.

1 Anịkọrịntị 10:18

Wâ yẹ, Ániju nịnị mẹ̀ rẹẹ̄ mẹ. Ẹ̀ẹ yaa rị ịsa ana a sị mẹ̀ ịsọvọ yị Ohomorihi, ẹnịrị Ohomorihi ộ vabẹ.

1 Anịkọrịntị 9:13

Ụ wáá ka wẹ yị yẹ ka ọza ana aa mẹ̀ ụkọrọ ini irehi Ohomorihi vị anaā rị ịnị ịsa ana àa sị vẹ ini irehi Ohomorihi nị? Wa rẹ yẹ nịnị ka aza ana a nyị ka ẹ̀ẹ sị ịsa ịsọvọọ mẹ ịsọvọọ yị Ohomorihi vị ana rẹẹ̄ rị ịnị ịsa ịsọvọ ẹnẹẹ.