Ireevi 7:31 - IWE ỌNỊNỊ

³¹ Ohirẹsụ irehi Ohomorihi vaa rị ụhị ọnọnị ịra ịrẹsụ ụta ịsọvọ, ama ịrẹva ịsụpa ọnọnị vị ana a vaa sịị yị avaba ẹnị ohirẹsụ irehi Ohomorihi nịnị.

Ireevi 7:31 ပူးပေါင်းရင်းမြစ်များ

Ọyịkụra 29:26

Wàa raà sị ịrẹva ịdẹba ana a sị nyị Eerọnị tụ́ ịnị ụkọrọ amị, di u henyi ọ ọvịdị ẹmị Ẹnẹyịmavara. Ịsa ana a sị va mịị yọ nị. Dị ụ kụkụ va sị ọ ọgọnị ka ene tụ́ wu ọ vị ọnọọ nị.

Ireevi 3:11

Dị Ohirẹsụ irehi Ohomorihi anaa mẹ̀ ụkọrọ ụmẹ ọnọọ rị avaba ẹsẹnị ịra ịrẹsụ ụta anka ịsọyịrị ana sị̀ va mẹ̀ ịsọvọ yị Ẹnẹyịmavara.

Ireevi 3:16

Ohirẹsụ irehi Ohomorihi vaa rị avaba ọsọnị ịra ịrẹsụ ụta anka ịsọyịrị ana a sị va mẹ̀ ịsọvọ yị Ẹnẹyịmavara dị o hine e. Ẹnẹyịmavara ọ nyị avaba ụhị ọnọọ nị.

Ireevi 3:5

Ohirẹsụ irehi Ohomorihi nịnị vaa sị avaba ọsọnị ọnịrị ịsị ịsọvọ ana aā rị ịra, dị ọ rị wa ịra ịrẹsụ ụta Agụ ịsị ịsọvọ ọnọnị vị eneē hine Ẹnẹyịmavara.

Ireevi 5:13

Aanị ohirẹsụ irehi Ohomorihi mẹ vaa mẹ̀ ịsọvọ agụvị ịvị ọza ọnọọ, dị à vagu ọ nị. Avaba ayị ọnọọ ana vọ vị ó ohirẹsụ irehi Ohomorihi anka á mẹẹ̄ mẹ̀ ịsọvọ ana a sị ayị mẹ avọọ.

Ireevi 6:16

Ohirẹsụ irehi Ohomorihi nịnị ẹ vaa rị ana vọ nị, Ẹ vaa sị mẹ ịbụrẹdị ọnị ọza ẹ yị sị owu tụ, dị ẹ rị ọ ịzị a jị ka àa rị ọọ; ọnị vị ohweje ịnị ajẹngụ Ẹnẹyịmavara nị.

Ireevi 6:26

Ohirẹsụ irehi Ohomorihi ana sị ịsụpa ọnọọ mẹ̀ ịsọvọ ịvị vị ana vaa rị ọ aha ana a kà yaa rị ọọ ịnị ohweje ajẹngụ Ẹnẹyịmavara ọ vaa yaa rị ọ nị.

Ireevi 7:34

Ịrẹva ịsụpa ana a sị vaa mẹ̀ ịsọvọ aanị vị ẹyịza ụnarenyi, dị usi eyi ụvọrị ịsụpa ọnọọ vị ịsa ọgụvọ ụnarenyi ọnị Ẹnẹyịmavara dọ Anisirẹrị nịnị, dị ọ sị ẹnị ohirẹsụ irehi Ohomorihi nị. Aanị Anisirẹrị nịnị mẹ vaa sị ọsọnịị yị ohirẹsụ irehi Ohomorihi nịnị pooro nị.

Ireevi 8:29

Imosiisi ộ sị ịrachị ịdẹba ana a sị mẹ̀ ịsọvọ aanị, dị ọ sị ọ tụ́ ẹba, dị o mí ọ ọvịdị Ẹnẹyịmavara anka ẹyịza oturenyi nị. Ịpa ene tu Imosiisi ịnị ịdẹba ana a sị mẹ̀ ịsọvọ aanị ọ vị ọnọọ nị. Avọọ gẹdẹ-gẹdẹ Ẹnẹyịmavara mẹ mẹẹ ọdaa yọ nị.

Ịrịka 18:11

Avaba ịsa ana a sị hụụnị ịsa ịsọvọ Anisirẹrị ana tana hi Ẹnẹyịmavara vị Eerọnị ọnịrị ezi anị anọrụ ọnịrị ezi anẹẹ anị. Ẹnị ẹ nyị ịsa ẹnẹẹ nị. Avaba aza ana nị ịnị ovwoovu ẹ zụ rị ọ nị.

Ịrịka 18:18

Uye ịsọvọ ẹnẹnị vị ẹnịnị anka aā mẹ sị ịrẹva uye ọnịrị usi ụvọrị anị tụ ẹba ịrẹsụ ụta ịsọvọ avọọ.

1 Anịkọrịntị 9:13

Ụ wáá ka wẹ yị yẹ ka ọza ana aa mẹ̀ ụkọrọ ini irehi Ohomorihi vị anaā rị ịnị ịsa ana àa sị vẹ ini irehi Ohomorihi nị? Wa rẹ yẹ nịnị ka aza ana a nyị ka ẹ̀ẹ sị ịsa ịsọvọọ mẹ ịsọvọọ yị Ohomorihi vị ana rẹẹ̄ rị ịnị ịsa ịsọvọ ẹnẹẹ.

Iwe Ọhụhị Imosiisi ana aa hị́ Ọyịvatụrọda 18:3

Ịsa ana aza ana àa va mẹ̀ ịsọvọ yị Ẹnẹyịmavara vaa sị yị ohirẹsụ irehi Ohomorihi nịnị yị: ẹ̀ẹ wụ imaaru àa vị atẹmẹ; ẹ vaa sị ụvọ anị, ọnịrị abamị ẹtẹ beri ịrẹka anịị yị wa.