Ireevi 7:30 - IWE ỌNỊNỊ

³⁰ Ọnị ụvọta vaa sị ọ vẹ anka ịsọyịrị ana a sị va mẹ̀ ịsọvọ. Ọ vaa kụ́ ụhị ọnịrị ịrẹva ịsụpa ọnị ọ́ sị va mẹ̀ ịsọvọ aanị vaa yị Ẹnẹyịmavara anka ẹyịza ụnarenyi.

Ireevi 7:30 ပူးပေါင်းရင်းမြစ်များ

Ahẹ Ụgama 110:3

Ịhị ịrẹkụ òo si tù, isoja awụ vaa si ịnẹ ohinee kwẹẹtẹ nọ ịrẹkụ. Ẹnịnị vị ana vaa sị ụbanyịị mẹ awuruu chire. Anka eguhi mèe chiree kú ataba ẹnẹnẹ avọọ, avọọ ezwọọmụha awụ mẹ̀ vaa vẹ vee tù wu nị.

Ireevi 10:14

Ama ẹwụrị ezi anọrụ ọnịrị ezi anẹẹ awụ ọ vaa rị ịrachị ọnịrị usi uye ana sị mẹ ẹyịza ụnarenyi yị Ẹnẹyịmavara aanị, Ịpa ọnọọ vị ana a ka à sị mẹ ọgụvọ ụnarenyi yị ohirẹsụ irehi Ohomorihi nịnị. Rị ọ aha ene zoza nịnị, agụvị ka, ene tụ́ ẹwụrị ezi ewu ịnị ịsa ana Anisirẹrị nịnị sị va mẹ̀ ịsọvọ ẹngwọọrọ ọ vị ọnọọ nị.

Ireevi 10:15

Ẹ vaa sị usi ọnịrị ịrachị uye ịsọvọ ọnọnịị vẹ ịjị àaa sị ụhị anịị vaa yị Ẹnẹyịmavara, dị à rị ọ ịra ịpa ẹnẹẹ ẹ vaa vị ẹ́ẹwụrị ezi ewu pooro zịna-zịna nị.

Ireevi 3:14

dị ọ kụ ịsa ẹnẹnị hụụnị ịsụpa ọnọọ vẹ ana a vaa rị ịra anka ịsị ịsọvọ ana a sị va yị Ẹnẹyịmavara: avaba ụhị ana ya ịnị ẹnya ịnịnẹ anị,

Ireevi 3:9

dị ọ va ku ịsa ẹnẹnị hụụnị ịsụpa ọnọọ vẹ ana a vaa rị ịra anka ịsị ịsọvọ ana sị va yị Ẹnẹyịmavara: ụhị ana kụ hụụnị ochomu anị, ụhị ana aa kụ hụrị ọgụrị ẹchụkụ ịrẹma anị, ọnịrị avaba ụhị ene ku ẹnya ịnịnẹ anị,

Ireevi 8:27

Imosiisi ộ kụ avaba ịsọyịrị ẹnẹnị chire Eerọnị ọnịrị ezi anịị ụvọ, dị ẹnịnị sị ọ vẹ anka ẹyịza ụnarenyi ẹnẹ ẹ sị va yị Ẹnẹyịmavara nị.

Ireevi 8:29

Imosiisi ộ sị ịrachị ịdẹba ana a sị mẹ̀ ịsọvọ aanị, dị ọ sị ọ tụ́ ẹba, dị o mí ọ ọvịdị Ẹnẹyịmavara anka ẹyịza oturenyi nị. Ịpa ene tu Imosiisi ịnị ịdẹba ana a sị mẹ̀ ịsọvọ aanị ọ vị ọnọọ nị. Avọọ gẹdẹ-gẹdẹ Ẹnẹyịmavara mẹ mẹẹ ọdaa yọ nị.

Ireevi 9:20

dị ọ sị tụra ịrachị ịsụpa ẹnẹnị, dị ọ rị ụhị ọnọọ ịra ịrẹsụ ụta nị.

Ireevi 9:21

Ama dị Eerọnị sị ịrachị uye ẹnẹẹ beri usi ụvọrị anị dị ọ sị yị Ẹnẹyịmavara anka ẹyịza oturenyi avọọ nị, ohirẹsụ irehi Ohomorihi nịnị ẹ nyị anka Imosiisi mẹ mẹ̀ ẹ ọda nị.

Ịrịka 6:20

Dị ọ kụ̀rà ẹyịza ẹnẹẹ tụ ẹba hi Ẹnẹyịmavara anka ịsa ịsọvọ. Avaba ịsa ẹnẹẹ ẹnịrị uye ịrẹva ọnịrị usi ẹ sị vị Ẹnẹyịmavara yị ohirẹsụ irehi Ohomorihi. Àa maanị sị ọ mẹ, dị aza ana a nyị tụ irenyi aanị nẹngụ hu eche.

Ịrịka 8:11

dị Eerọnị sị wa chire Ẹnẹyịmavara ụvọ anka ẹyịza ọnị ẹ sị yọ agụvị ẹ mẹ̀ ụkọrọ anị.

Ịjọọnụ 10:18

Ẹ yị vị ọza aa dọ mị ụhwẹ, ẹmị ụvọta ọ hụrẹ ẹ ụvọ nị. Mâ nyị ụkata ọyịnavọ ụhwẹ amị tịtẹ, ma rẹ nyị ụkata ọyị sị ọọ varẹma. Ọda ana Ada amị mẹ mị ọ vị ọnọọ nị.”

2 Anịkọrịntị 8:12

Wàa sị ayị sị ọọ nịnị, ọpa ịsị ụ waa nyị dị ụ sị mẹ ọgụvọ nịnị nị, Ohomorihi vaa dọ. Ọ yị kà a ka wa na sị ịsị ụ wẹ yị nyị vẹ nịnị.

Iwe Ọhụhị Imosiisi ana aa hị́ Ọyịvatụrọda 18:3

Ịsa ana aza ana àa va mẹ̀ ịsọvọ yị Ẹnẹyịmavara vaa sị yị ohirẹsụ irehi Ohomorihi nịnị yị: ẹ̀ẹ wụ imaaru àa vị atẹmẹ; ẹ vaa sị ụvọ anị, ọnịrị abamị ẹtẹ beri ịrẹka anịị yị wa.