Ireevi 7:2 - IWE ỌNỊNỊ

² Ịsụpa ana àa sịị mẹ̀ ịsọvọ ọnọnị vị ana á vaa wụ̀ eyi ẹbẹẹba ụta ịsọvọ, eyi ọnọọ á yaa wụ̀ ịsụpa ịsọvọ ana aā rị ịra nị. Anya anị vị ana a vaa vaku akaha ụta ịsọvọ ọnọọ eyi ẹyịna.

Ireevi 7:2 ပူးပေါင်းရင်းမြစ်များ

Ayịsaya 52:15

Ama ịrẹyị anị vee hi aza ọrụrụ-ọrụrụ irenu. Ịrẹyị anị, vee hi ohinọyị nịnị irenu, dị ẹnịnị ẹ yị hyakụ kà ịrẹyị. Ẹnịnị vee re ẹtẹ dị ẹ yẹ ịsị ẹnịnị ẹ̀ yị vịdị yẹ da.

Ezikẹẹrị 36:25

Ọnị vee che enyi ana nịị sẹ ẹwụ nịnị ẹngụ, dị ọnị nyee avaba ịdọtị ori awụ nịnị kwooze. Ọnị re vee nyee avaba ịsa ana vọ ene du wu nịnị ẹngụ kwooze.

Ezikẹẹrị 40:39

 nyị itevuru ẹẹna ana ya ịnị aku ana a zịị̄ ngụ eehi aanị. Ẹvẹẹva ẹ́ vị tụ eyi ẹnyị-eyi ọsa ịnị aku ọnọọ nị. Ịrẹsụ itevuru ẹnẹnị aā wụ̀ ịsụpa ana aa sịị mẹ̀ ịsọvọ nị, ọ̀ọ vị ịsọvọ ana aa rị avaba anị ịra, ọ̀ọ vị ịsọvọ ana aa mẹ agụvị ebira odivi, à vị ịsọvọ ọ̀yị si ụta varẹma.

Ireevi 1:11

Ọ vaa wụ̀ ọ akẹbẹẹba ụta ịsọvọ, dị ohirẹsụ irehi Ohomorihi nịnị che uye ọnọọ sẹ ụtọ ịsọvọ eyi ẹnyị eyi ọsa.

Ireevi 1:3

Àa vị ịsị ịsọvọ ana a rị ịra ọza ọnọọ aa sị vẹ nị, abaabo ọ vị ka ọ̀ sị imaaru araka ẹnẹ ẹ̀ yị tụ ọkụmị nị. Dị ọ̀ sị ọ vẹ enoze ọnị ọnị Ẹnẹyịmavara ọnịrị Imosiisi yàa gẹ agụvị dị ịsọvọ anị ọ̀ dọ rị.

Ireevi 1:5

Ọza ọnọọ vaa wụ̀ imaaru ọnọọ ịzọọ. Ohirẹsụ irehi Ohomorihi nịnị anka Eerọnị vaa sị ịsụpa ọnọọ nọ ọvịdị Ẹnẹyịmavara, dị e ve che e sẹ ụta ịsọvọ eyi ẹnyị eyi ọsa. Ụta ịsọvọ ọnọọ vị ene hi tu enoze ana zịị ngụ ịnị ajẹngụ ọnọọ.

Ireevi 14:13

Ọ vaa wụ̀ ozi atẹmẹ ọnọọ ịzị ẹ yaā wụ ịsị ịsọvọ ịvị ọnịrị ịsị ịsọvọ ana aā rị ịra, aha ana a nyị ka à yaa mẹ̀ ẹ; ịsị a sị mẹ̀ ịsọvọ agụvị ka ọza ộ rị ịvị, vị ohirẹsụ irehi Ohomorihi anka ịsị ịsọvọ ịvị avọọ. Ịsa Ohomorihi ịnya kẹnẹ ọ vị nị.

Ireevi 3:2

Ọza ọnọọ vaa sị ụvọ tụra ịsụpa ọnọọ ịrẹsụ, dị ọ wụ̀ ọ enoze ajẹngụ Ẹnẹyịmavara. Ẹnị ezi Eerọnị ana vị ohirẹsụ irehi Ohomorihi vee che anị sẹ ụta ịsọvọ eyi ẹnyị eyi ọsa,

Ireevi 3:8

ọ vaa sị ụvọ tụra a ịrẹsụ, dị ọ wụ̀ ọ ọvịdị ajẹngụ Ẹnẹyịmavara, ohirẹsụ irehi Ohomorihi nịnị vee che anị sẹ ụta ịsọvọ eyi ẹnyị eyi ọsa

Ireevi 4:24

Ọ vaa sị ụvọ tụra ịdẹ ọnọọ ịrẹsụ, dị ọ wụ̀ ọ ịzị a yaa wụ ịsị ịsọvọ ana aā rị ịra ọvịdị Ẹnẹyịmavara ịsị ịsọvọ ana aa sịị vaa gụ ịvị ọ vị nị.

Ireevi 4:29

Ọ vaa sị ụvọ tụra ọnyị ẹvụ ọnọọ ịrẹsụ, dị aa wụ̀ ọ ịzị a yàa wụ̀ ịsụpa ana a sị vaa mẹ̀ ịsọvọ ana a rị ịra.

Ireevi 4:33

Ọ vaa sị ụvọ tụra a ịrẹsụ, dị a wụ̀ ọ ịzị a yaa wụ̀ ịsụpa ana a sị va mẹ̀ ịsọvọ ana a rị ịra.

Ireevi 5:16

O vee si ụta ịsa ana vọrọ ka ọ̀ si vẹ dị ẹ yị sị ọ vẹ avọọ, dị o sí achehi ẹẹhị anị vaka a. Ọ vaa sị ọ vaa yị ohirẹsụ irehi Ohomorihi, dị ohirẹsụ irehi Ohomorihi sị ịsụpa ọnị ọ sị vẹ, mẹ̀ ịsọvọ yị ọ agụvị ịvị anị, dị a vagu ọ.

Ireevi 5:7

Ama ọza ọnọọ ẹ̀ yị zụ sị ozi atẹmẹ à vị ẹvụ, ọ vaa sị arivadi ẹẹva à vị arekuku ẹẹva vaa mẹ̀ ịsọvọ ịvị anịị yị Ẹnẹyịmavara. A vaa sị ọnyara mẹ̀ ịsọvọ ịvị anị, dị a sị ọsa mẹ̀ ịsọvọ ana aa rị ịra.

Ireevi 5:9

O vee che anya anị ẹnyị sẹ akaakaha ụta ịsọvọ, dị ọ va ana vọ hi iruvo ụta ọnọọ. Ịsọvọ ana a sị vagu ịvị ọsọnị vị nị.

Ireevi 6:25

ọ̀ kà a yị Eerọnị ọnịrị ezi anị ka, ọda ịrẹyị ịsa ịsọvọ ịvị yị. Ịzị a ya wụ̀ ịsụpa ana a sị mẹ̀ ịsọvọ ana aā rị ịra, a rẹ vaa yaa wụ̀ ịsụpa ana a sị mẹ̀ ịsọvọ ịvị ọvịdị Ẹnẹyịmavara nị; Ẹnẹyịmavara ịnya kẹnẹ ọ nyị nị.

Ireevi 6:7

Ohirẹsụ irehi Ohomorihi ọnọọ vaa mẹ̀ ịsọvọ yị Ẹnẹyịmavara agụvị ịvị ọza ọnọọ, dị a vagu ọ.

Ịrịka 6:12

Ịrẹma ọnọọ, a nyị ka e tenyi sị wa chire Ohomorihi ụvọ agụvị ka eku ẹnẹ vịdị hị́ ò si du. Agụvị avọọ dị a sị atẹmẹ ịrayị ọnya mẹ̀ ịsọvọ ịvị wa.

Anihiburu 11:28

Ịnị ka ọ sị sị ayị tụra Ohomorihi, ọ mẹ ka ọ̀ sị Eche Ọyịparahu hi ẹtẹ nị. Di o che anya sẹ́ ẹbanoze nị, ka à yị vị avọọ, anggẹẹrị ana wụ ezi ịpaapa aza, va kanyị ẹnị.

Anihiburu 12:24

Wa zị vẹ ịdị Ijeesu nịnị, ana yà ịnị akakana aza ọnịrị Ohomorihi ini oze oto ọwọọwa, dị o re che anya anị sẹ́ ẹtẹ nị. Ịsa ana anya ọnọọ aa kà, o zoza huna ịsa ana anya Ẹba aa kà nị.

1Ipita 1:2

Ohomorihi Ada ayị ô vịdị si o ro tịtẹ, dị ọ va nyị wụ nịnị nị. Ộ sị Ụhwẹ Ọnịnị anị nyị wụ nịnị tịtẹ yị ẹngụ anị, ka wa wụ́ ịrẹyị Ijeesu Ikirisiti nịnị, dị e che anya anị sẹ́ wụ nịnị. Ohomorihi ọ̀ mẹ ọyịza ọnịrị ẹngwọọrọ anị yị wụ nịnị hu avọọ hu avọọ!