Ireevi 7:12 - IWE ỌNỊNỊ

¹² Àa vị ọza aa mẹ̀ ịsọvọ ọnọnị ọ̀yị ku Ohomorihi avọ nị, ọ vaa sị ịbụrẹdị ọnị ọza ẹ̀ yị sị owu tụụ vaka ịsụpa ana a sị va mẹ̀ ịsọvọ ọnọnị. Ọ zụ vị ịbụrẹdị ọrata ana a sị angwẹ orivi po ayị ana a sị mẹ̀ ẹ, ọ zụ vị Ịbụrẹẹdị hẹvẹ-hẹvẹ aanị ana a dá angwẹ orivi sisi, ọ rẹ zụ vị Ịbụrẹẹdị ana a sị angwẹ orivi po ayị anị ẹtẹẹtẹrẹ.

Ireevi 7:12 ပူးပေါင်းရင်းမြစ်များ

2 Ịtọpa 29:31

Ihezekaya kà yị Ịragụ ka, booro aanị ana raà sị ẹnị chire Ohomorihi ụvọ aanị, ọzọza ọ sị ịsa ịsọvọ avọ anị vẹ ịnị irehi Ẹnẹyịmavara. Ịzẹyịza, dị ịragụ ana gụ sị ịsọvọ ọnịrị ẹyịza avọ vẹ nị.

2 Ịtọpa 33:16

Ịmanasẹ o re tenyi ụta ịzị aa ya hẹkẹ Ẹnẹyịmavara, dị ọ mẹ̀ ịsọvọ uzee ọnịrị ọyị kụ avọ ịrẹsụ ụta ọnọọ nị. Dị mẹ̀ ọda yị avaba Anisirẹrị ka ẹnịnị ẹ hẹkẹ Ẹnẹyịmavara Ohomorihi Anisirẹrị.

Inehemaya 12:43

Ohomorihi ộ mẹ̀ ayị aza hine ẹtẹẹtẹrẹ, dị ẹ yaa jẹ, dị ẹ mẹ̀ ịsọvọ ọrụrụ-ọrụrụ nị. Ẹnịrị anyẹnẹẹ beri ezweyi e dudu rị eche ọnọnị nị. Ẹ maa jẹ Ijerusarẹmị, ọngwẹ ẹnịnị vị ọnị aza aa wụụ hụrẹ aha ẹnẹẹnẹ.

Ahẹ Ụgama 107:8

 vọrọ ka ẹ̀ẹ kụ́ Ẹnẹyịmavara avọ agụvị ka vi óō sì ịrẹyị ẹnịnị pooro nị. Ịsa ana aa mẹẹ yị aza vị ẹbanyị-ẹbanyị.

Ahẹ Ụgama 116:17

Ẹnẹyịmavara, mị vaa kụ́ wụ avọ, dị maa dá ịpẹẹ wụ.

Ahẹ Ụgama 50:23

Ohomorihi rẹ ka Ọza ana aā kụ́ ọnị avọ, ọnị vaa yẹ ka aa mẹ̀ ịsọvọ ana sị ụbanyị yị ọnị nị Ọza ene èe tenyi ebira anị, ọnị mị vaa dọ ọ há nị.

Ijeremaya 33:11

aza ee nowu ẹ mee hine ayị dị ẹyaa jẹ ịrajẹ ụ vaa wụ̀ aza maa jẹ dị ẹyaa mẹ aahẹ agụvị ka ẹ yaa nyị ẹngụ. Ụ vaa wụ̀ aza maa jị ahẹ, ẹnịnị ẹẹ sị ẹyịza a vaa kụ avọ ịnị irehi Ohomorihi; dị ẹ ka, aza ẹẹ ku Ẹnẹyịmavara Ochẹtẹẹngụ avọ agụvị ka Ẹnẹyịmavara oo zoza, vị oo sì ịrẹyị ọza pooro nị. Ẹnẹyịmavara kà ọnị vaa me ka ò zee yị ẹkụra ọnọnị anka ịyẹẹyẹ.

Ihoseya 14:2

Ộ kà ẹnịnị ẹ dà ịpẹ, dị ẹ vaka Ẹnẹyịmavara na. Ẹ dà ịpẹ ẹvagu avaba ebira odivi ịvị ẹnịnị, dị ọ dọ wa agụvị dị ẹnịnị ẹ zụ ga a.

Ireevi 2:4

Àa vị ịbụrẹdị ọza sị aa vaa mẹ̀ ịsọvọ nị, asị a sị owu tụ ịnị anị. Ọ zụ vị ịbụrẹdị ana sị angwẹ va hura ayị mẹ, ọ rẹ zụ vị Ịbụrẹẹdị ana jị pẹtẹ-pẹtẹ dị a da angwẹ sisi ọ kẹnẹ.

Ireevi 2:5

Àa vị ịbụrẹdị ana sị ịchacha pata anaā sịị mẹ̀ ịsa mẹ yọ nị, à sị angwẹ vahụra ayị kẹnẹ mẹ̀ ẹ, dị à sị ọ nyị owu.

Ireevi 22:29

Ẹnịnị àa mẹ̀ ịsọvọ ọ̀ yị kụ Ẹnẹyịmavara avọọ, ẹnịnị ẹ̀ saasa ọda anị ụvị ọ̀ dọ rị.

Ireevi 6:16

Ohirẹsụ irehi Ohomorihi nịnị ẹ vaa rị ana vọ nị, Ẹ vaa sị mẹ ịbụrẹdị ọnị ọza ẹ yị sị owu tụ, dị ẹ rị ọ ịzị a jị ka àa rị ọọ; ọnị vị ohweje ịnị ajẹngụ Ẹnẹyịmavara nị.

Ireevi 7:15

Ịhị ana a va mẹ̀ ịsọvọ ọ̀yị kụ Ohomorihi avọ aanị, a vaa rị uye ịsụpa ana a sị mẹ̀ ịsọvọ ọnọọ nị. Ọza ẹ̀ yị vaa ẹnyẹẹnyị ịnị anịị tu ẹnẹnẹ eyinẹhẹ anị.

Emọsị 4:5

Ẹ sị ụbụrẹẹdị ana nyị owu na mẹ̀ ịsọvọ kụ́ Ohomorihi avọ. Ẹnịnị ẹ̀ sị ẹyịza ọsa vẹ, di e yee sị wu ka ẹnị aa sị ịsa huna ọza ana vọ vẹ ịnị irehi Ẹnẹyịmavara.

Ịrịka 6:15

ne beri ụvụrẹẹdị ẹnẹ ẹ yị nyị owu uji ọnya, ọnịrị Ịbụrẹẹdị ana a sị angwẹ orivi na vaka ibisikiiti ọnị angwẹ orivi ya ịnị anị. Dị ẹ rẹ sị ayị ọnịrị eche mẹ̀ ịsọvọ.

Iruuku 17:16

Dị ọ tana tụra ẹtẹ ọ́vịdị Ijeesu, dị aa kụ́ ọọ avọ nị. Ọza ọnọọ vị Anịsamarịya.

Iruuku 17:18

Ẹ yị nyị ọza ịnya ene e re ana vavẹ va sị ụga yị Ohomorihi, ẹ̀ yị vị ọzọga ọnọnị ịnya kẹnẹẹ?”

Aniroomi 1:21

Aza ệ yẹ Ohomorihi, ama ẹ mā sị ụbanyị ana a vọrọ ka à sị yọ; ẹnịnị ẹ mā hyakụ kụ́ ọ avọ. Agụvị avọọ, ịrẹyị kẹnẹ-kẹnẹ ẹnịnị kuku ee ro nị. Ayị ẹnịnị e si hozi, ẹnịnị e mē ro ịrẹyị ana vọrọ.

Anẹhwẹsọsị 5:20

Ịnị avaba ụmẹ ọnịrị tụ́ ịrẹsụ avaba ịsa, waa kụ́ Ohomorihi Ada ayị avọ nịnị ini oze ịrẹha Ijeesu Ikirisiti Ananyị yị.

Anihiburu 13:15

Agụvị avọọ ini oze Ijeesu, à vẹ yaa ga Ohomorihi pooro! Ụga ọnị yaa sịị yọ vị ana sị mẹẹ anka ịsọvọ ọnị yaa mẹẹ hi Ohomorihi avọọ. Ọnị ọ vi ka yaa sị irenu ayịị kà a ka aza anị ị vị nị.

1Ipita 2:5

Ẹwụ nịnị nyẹmba vị ana rẹ yà anka ịrẹta ana yára avọọ. Ohomorihi aa sị wụ nịnịị dà irehi anị ana yára. Ohomorihi ọ raà sị wụ nịnị tụ́ irenyi yị ẹngụ anị anka ohirẹsụ irehi Ohomorihi nịnị, ka wa sị ụkata Ụhwẹ Ọnịnịị hẹkẹ Ohomorihi nịnị. Ọnọọ ọ vị ịsọvọ ọnị waa mẹ̀ ẹ hi Ohomorihi ini oze Ijeesu Ikirisiti nị. Ịsị Ohomorihi sì ọ vị ọnọọ nị.