Ireevi 7:1 - IWE ỌNỊNỊ

¹ Ọda ẹnẹnị a vaa sị mẹ̀ ịsọvọ ọyị si ụta varẹma nị. Ịsa Ohomorihi ịnya kẹnẹ ọ vị nị.

Ireevi 7:1 ပူးပေါင်းရင်းမြစ်များ

2 Ịtọpa 31:14

Ikore ozi Imina ọ vị Anireevi ana vị ọga aza ene sere oze ovwoovu irehi Ohomorihi ana ya eyi ịzị ọyị hụrẹ vẹ nị. Ọnị aa dọ avaba ẹyịza ana kụ́ va yị Ẹnẹyịmavara dị ọ rẹ ga yị aza nị.

Ezikẹẹrị 40:39

 nyị itevuru ẹẹna ana ya ịnị aku ana a zịị̄ ngụ eehi aanị. Ẹvẹẹva ẹ́ vị tụ eyi ẹnyị-eyi ọsa ịnị aku ọnọọ nị. Ịrẹsụ itevuru ẹnẹnị aā wụ̀ ịsụpa ana aa sịị mẹ̀ ịsọvọ nị, ọ̀ọ vị ịsọvọ ana aa rị avaba anị ịra, ọ̀ọ vị ịsọvọ ana aa mẹ agụvị ebira odivi, à vị ịsọvọ ọ̀yị si ụta varẹma.

Ezikẹẹrị 44:29

Ịsọyịrị ana a sị va mẹ̀ ịsọvọ, ọnịrị ịsị a sị va mẹ̀ ịsọvọ ịvị beri ịsị a sị va mẹ̀ ịsọvọ ọyị si ụta varẹma ẹ vaa vị ịsọyịrị ohirẹsụ irehi Ohomorihi nịnị. Avaba ịsa ana àa sị tụ irenyi yị ọnị Ẹnẹyịmavara ịnị ẹtẹ Isirẹrị vị ana a vaa sịị yị wa.

Ezikẹẹrị 46:20

dị ọ ka, ịzị ẹnị ohirẹsụ irehi Ohomorihi nịnị vaa chịnẹ uye ana a sị va mẹ̀ ịsọvọ agụvị ebira odivi aza à vị ana a sị va mẹ̀ ịsọvọ ò yị si ụta varẹma nị. Ịzọọ ẹ́ rẹ vaa yaa sị ayị ọyị kwọ ana a sị vẹẹ mẹ ụbụrẹẹdị nị. Ẹ́ yị nyị ịsa ọnịnị ẹnẹnị ẹnẹ ẹ́ vaa sịị tụ ẹhẹ ngụ ịnị ohweje ana ya eyẹhẹ ịzị aza hi agụvị ka ọ va zama aza ẹnẹẹ.

Ireevi 21:22

Ẹngụ ọza ọnọọ ọ yị zụ rị ịsa ịsọvọ Ohomorihi, ịsa ịsọvọ ọnịnị ọnịrị ịsa ịsọvọ ọnịnị keekere.

Ireevi 5:11

Ọza ọnọọ ẹ̀ yị zụ sị arivadi ẹẹva à vị arekuku ẹẹva, ọ vaa sị ayị ọyị kwọ ikirogirami ọnyara vaa mẹ̀ ịsọvọ ịvị anị. Ẹ́ yị vaa sị angwẹ à vị eturare ọnyọọnyị tụ ọ, agụvị ka ịsị ịsọvọ ịvị ọ vị nị.

Ireevi 5:14

Ẹnẹyịmavara ộ kà a yị Imosiisi ka:

Ireevi 5:15

Ọza oo nyeeyi, dị ẹ yị sị ịsa ana vị Ẹnẹyịmavara va yọ nị, ọ sị ịvị mẹ. Ọza ọnọọ vaa sị ịdẹba à vị ẹvụ ẹnẹ ẹ̀ yị tụ ọkụmị vaa mẹ̀ ịsọvọ ọyị sị ụta varẹma yị Ẹnẹyịmavara. Ịsa a sịị̄ ngọ ịsa ịnị irehi Ohomorihi a vaa sị ngọ ọ, dị a yẹ ọpa ọnị ọ vị nị.

Ireevi 5:7

Ama ọza ọnọọ ẹ̀ yị zụ sị ozi atẹmẹ à vị ẹvụ, ọ vaa sị arivadi ẹẹva à vị arekuku ẹẹva vaa mẹ̀ ịsọvọ ịvị anịị yị Ẹnẹyịmavara. A vaa sị ọnyara mẹ̀ ịsọvọ ịvị anị, dị a sị ọsa mẹ̀ ịsọvọ ana aa rị ịra.

Ireevi 5:8

Ọ vaa kụ wa ve tu ohirẹsụ irehi Ohomorihi, ana vaa vịdịị sị ọnya ịnị inomi ẹnẹẹ ị ọ sị mẹ ịsọvọọ yọ agụvị ịvị anị. Ọ́ vaa jị ọ ọrọkọ nị. Ẹ́ yị vaa tụ̀ ọ ịrẹsụ.

Ireevi 6:17

Ọnọọ vị ọnị Ẹnẹyịmavara sị yị ohirẹsụ irehi Ohomorihi nịnị ịnị ịsọyịrị ana a sị va mẹ̀ ịsọvọ yọ. Ẹnẹyịmavara ịnya kẹnẹ ọ nyị nị anka ịsị a sị va mẹ̀ ịsọvọ ịvị ọnịrị ọ yị sí ụta varẹma avọọ nị.

Ireevi 6:25

ọ̀ kà a yị Eerọnị ọnịrị ezi anị ka, ọda ịrẹyị ịsa ịsọvọ ịvị yị. Ịzị a ya wụ̀ ịsụpa ana a sị mẹ̀ ịsọvọ ana aā rị ịra, a rẹ vaa yaa wụ̀ ịsụpa ana a sị mẹ̀ ịsọvọ ịvị ọvịdị Ẹnẹyịmavara nị; Ẹnẹyịmavara ịnya kẹnẹ ọ nyị nị.

Ịrịka 6:12

Ịrẹma ọnọọ, a nyị ka e tenyi sị wa chire Ohomorihi ụvọ agụvị ka eku ẹnẹ vịdị hị́ ò si du. Agụvị avọọ dị a sị atẹmẹ ịrayị ọnya mẹ̀ ịsọvọ ịvị wa.