Ireevi 6:5 - IWE ỌNỊNỊ

⁵ Ọ̀ọ daka vị ịsa ọnị ọ hị́ eku ireche ụvọ anị. O vee sí avaba anị varẹma yị ọza ana nyị ịsa ọnọọ, dị ọ sị́ achehi ẹẹhị anị vaka a yọ ịhị tụra ịhị ana aa sịị mẹ̀ ịsọvọ ịvị ọnị ọ mẹ.

Ireevi 6:5 ပူးပေါင်းရင်းမြစ်များ

2 Ịsamụwẹrị 12:6

Di Idevidi rẹ ka ọza ọnọọ vị ana a vọrọ ka ọ̀ sị atẹmẹ ẹẹna dọ atẹmẹ ọnya ọnọọ ịrẹsụ yị onosiye ọnọọ. Ịsị a vọrọ ka ọ̀ mẹ ọ vị ọnọọ nị, agụvị ka ọ yị vayị ọza vụrụ-vụrụ.

Inehemaya 10:35

Ịrayị-ịrayị vị ọnị ọzọza vaa sị akụ ịpaapa ọnịrị ẹtụtụ ọchị ịpaapa ene vi ịnị aarẹ vẹ ini irehi Ohomorihi.

Ọyịkụra 22:1

Ọza òo ne yị imaaru àa vị atẹmẹ dị ọ wụ̀ ọ à vị ka dị ọ ná a nị o vee si ụta varẹma. Àa vi imaaru o ne yi nị, imaaru ẹẹhị o vee sii si ụta imaaru ọnya ọnọọ nị. A va vị atẹmẹ o ne yi nị, dị ọ sị atẹmẹ ẹẹna sị ụta atẹmẹ ọnya.

Ọyịkụra 22:4

Ọza ọ̀ọ vavọọ ne yi ịsụpa, ẹhụụ imaaru, ịkẹrịkẹtẹ à vị atẹmẹ, ọ rẹ vavọọ si ụta varẹma oze ẹẹva.

Ọyịkụra 22:7

Ọza ọ̀ọ dọ ka ọnị aa si ẹkẹhị àa vị ogu ọnyọọnyị tẹ ọza di e ve yi ọ hụụnị eehi anị nị, àa za oyi ọnọọ, oyi ọnọọ a vee si ụta varẹma nị. O vee si ụta ịsa oni o yi oze ẹẹva.

Ọyịkụra 22:9

Àa kụ ịrẹka ka ê re ịsa ịnị ụvọ ọza ẹhụụ imaaru, ịkẹrịkẹtẹ, atẹmẹ, awuru ọnịrị ogu tura ogu ene èe vú aanị nị, ẹnị ẹyịva ẹ̀ nọ ịzị Ohomorihiī yà. Ọza ọnị Ohomorihi ọ̀ọ sị zụ ka ọnị ọ rị ịvị nị, di o si ụta yị ọnọhụva nị. Ịsa ene vu avọọ vị oni o vee si oze ẹẹva.

Ọyịkụra 30:7

Ẹnẹnẹ-ẹnẹnẹ, Eerọnị ọ̀ọ maanị ee nee tenyi ịra ozotupa ọnọọ, â nyị eturare ana vọrọ ka ọ̀ rị ịra ịrẹsụ ụta ọnọọ.

Ayịsaya 58:6

Awẹ ọnị ọnị sì yị: ẹnịnị ẹ hụrẹ aza ẹnẹ ẹ sị akụvị mẹ ẹvaya yị ụvọ. Ẹ sị ọkẹkẹrẹ hụụnị ọbẹ ẹnịnị, dị ẹ navọ wa.

Ayịsaya 58:9

Ụmẹ ọnị ẹ̀ẹ sị mẹ̀ aduwa, ọnị vaa wụ́. Ẹ̀ẹ hị́ ọnị, ọnị vee tu wa ohi. Ama asị ẹ kụkụ rẹ mẹ ẹvaya yị aza, asị ẹ rẹ sị eyi wụ̀ aza, dị asị ẹ rẹ ka odivi aza.

Ezikẹẹrị 33:15

Ọza ọnọọ ọ̀ọ và ịsị a sị vaa dọ ọ ịsa rere yị ọza ana nyị nị. Ọ̀ọ sị ịsa ọnị o yi varẹma na yị ọza ana nyị, ọ̀ọ hụụnị ebira odivi ọ̀ yị mẹ, dị aa saasa ọda anaa mẹ ka ọza ọ̀ yàra nị, ẹ́ yị vee sú ama ọ vaa yàra.

Ireevi 5:16

O vee si ụta ịsa ana vọrọ ka ọ̀ si vẹ dị ẹ yị sị ọ vẹ avọọ, dị o sí achehi ẹẹhị anị vaka a. Ọ vaa sị ọ vaa yị ohirẹsụ irehi Ohomorihi, dị ohirẹsụ irehi Ohomorihi sị ịsụpa ọnị ọ sị vẹ, mẹ̀ ịsọvọ yị ọ agụvị ịvị anị, dị a vagu ọ.

Iruuku 19:8

Dị Ịzakịyọsị kwẹẹtẹ jẹẹ, dị ọ kà a yị Ananyị yị ka, “Re, Ananyị yị! Mị vaa sị achẹva avaba ịsa ọnị mị nyịị mẹ ọpịsarị nịnị ẹyịza; aza ọnị mị vịdị mẹ rị, mi vee sí ọọ yọ oze ẹẹna.”

1 Ịsamụwẹrị 12:3

M mẹ̀ jẹẹ aanị, àa nyị ọza ana ka mâ mẹ̀ ọnị ịrẹyị odivi, ọ̀ kà a ọvịdị Ẹnẹyịmavara ọnịrị eyi ohinọyị ọnị ọ nyị wụ nịnị. Áá nyị ọza ana ka mâ sị ọnị imaaru? Máá sị ịkẹrịkẹtẹ ọza ọnyị ọza ọnyị? Áá rẹ nyị ọza ana ka mâ mẹ̀ ọnị rị? Ẹnẹ zụ kà ka mâ mẹ ẹchaka yị ọnị da? Áá nyị ọza ana zụ kà a ka mâ dọ ochirerenu ka asị mi kuku zụ re ịzẹyịza? Áá nyị ọza ana zụ kà ka â nyị ọnị mị mẹ ịnị ịsa ẹnẹnị, ọ̀ kà a di mi si ọ ụta varẹma.”