Ireevi 6:4 - IWE ỌNỊNỊ

⁴ Ọza ana àa mẹ̀ ọnya ịnị ẹngụ ịvị ẹnẹnị, vee sí ịsa tụra ịsa ọnị ọ zị oze irikichi nyị avọọ varẹma.

Ireevi 6:4 ပူးပေါင်းရင်းမြစ်များ

Oyinyima 21:25

Ụmẹ ọnya Abụrahamị ộ sị ịrẹyị ezi ahụ Abimẹrẹkị na tụ́ Abimẹrẹkị ịrẹka. Ezi ahụ Abimẹrẹkị ẹ raà sị ụkata dọ ịkangga ana aza Abụrahamị chị.

Inehemaya 5:11

Ma rẹ da ịpẹ yị wa ka ẹ̀ và aarẹ ẹnịnị, ụbazị ịvayịnị ọnịrị orivi ne beri irehi ẹnịnị ịrẹma yị wa ịhị ọnọọ nị. Dị ẹ̀ rẹ và ọtụrọsarẹsụ ọnị ẹ dọ aza ịrẹma yị wa.

Ijoovu 20:19

agụvị ka ẹ mẹ onosiye nịnị rị, dị ẹ dọ wa irehi mẹ ẹnịnị nị.

Ijoovu 24:2

Aza aa vara ịrẹta anaa sị tẹ ẹhị ẹtẹ udi agụvị dị ẹtẹ ẹnịnị ọ banyị. E yee yi atẹmẹ avaka ẹnịnị.

Ayịsaya 59:6

Ọ yị wụra mẹ achị ku ẹngụ; Ẹ yị nyị ọyịza ọnị ọ mẹ yị wa. Udivi kẹnẹ ọ vị ụkọrọ ụvọ ẹnịnị nị. Ụkọrọ eduha kẹnẹ ẹ sị ụvọ za nị.

Ezikẹẹrị 18:12

aa mẹ ẹvaya yị ọnụya ọnịrị aza ẹnẹ ẹ̀ yị nyị ịsa, dị aa mẹ akoo yị aza nị. Ọza ọ̀ọ sị ịsa va dọ ọ ịsa rere, dị ẹ yị kụkụ va a ịrẹma yọ. Aa mẹ ori anaa nyị ọnị ịhyẹrẹ.

Ezikẹẹrị 18:18

Ama ada anị vee su isu ebira odivi ọnị ọnị-ụvọta mẹ agụvị ka vị ọọ̄ mẹ̀ azaa rị, dị aa mẹ ako yị ọhụva anị nị. Ịsị ẹnẹ ẹ̀ yị vọrọ ọọ̄ mẹ̀ ịnị akakana aza anị nị.

Ezikẹẹrị 18:7

Ọza ọnọọ ọ́ ma mẹ ẹvaya yị ọza, ama ịsị ọnị ọza ọọ sị va dọ ọ ịsa rere, vị ọnị ọọ varẹma yị ọza ọnọọ. Ọza ọnọọ ẹ́ yị ma mẹ ako yị ọza, òo re ọza ọnị ụngwẹ aa kụ̀, dị ọ dà ịsa yọ, ọza ẹnẹ ẹ̀ nyị ịta ku ẹngụ, dị ọ sị awuru yọ.

Ezikẹẹrị 33:15

Ọza ọnọọ ọ̀ọ và ịsị a sị vaa dọ ọ ịsa rere yị ọza ana nyị nị. Ọ̀ọ sị ịsa ọnị o yi varẹma na yị ọza ana nyị, ọ̀ọ hụụnị ebira odivi ọ̀ yị mẹ, dị aa saasa ọda anaa mẹ ka ọza ọ̀ yàra nị, ẹ́ yị vee sú ama ọ vaa yàra.

Ezikẹẹrị 44:19

Dị ẹ̀ va jịnẹ tụ ẹhẹ ne tu aza ana vọ ịnị ohweje ana a yà ẹhẹ, áa nyị ka ẹnịnị ẹ̀ ngwa ẹnya ẹnẹ ẹ́ kụ hi ẹngụ mẹ̀ ụkọrọ da; dị ẹ̀ kụ ọ gẹ ịnị aku ana a sị tụ irenyi yị wa. Ẹnịnị ẹ̀ kụ ẹnya ọnịnị ẹnẹ ẹ vịdị ku hi ẹngụ ọ̀ na zàmà aza ana vọ.

Ireevi 24:18

Ọza ọ̀ọ wụ̀ ịsụpa ọza ẹnẹsa, ọ̀ sị ọsa dọ ọ ịrẹsụ yọ ọda anị ọ vị ka, ịsa ana nyị ụhwẹ a vaa sị dọ ịsa ana nyị ụhwẹ ịrẹsụ nị.

Ireevi 24:21

Ọza anaaa wụ̀ ịsụpa ọza ẹnẹsa, ọ vaa sị ịsụpaa dọ ọ ịrẹsụ yọ, ama ọza anaaa wụ̀ ọza vị ana vaa wụ̀.

Ireevi 4:12

dị ọ sị ọ jịnẹ tụ ẹhẹ hụrị udi ana aza hị́. Dị ọ sị ọ nọ aha ana nị ịzị aa va atịtọọ ha, òo tu ịzọọ, dị ọ sị ọkụ ka ịra, dị ọ sị rị avaba ụnọ ọnọọ ịra.

Emọsị 3:10

Ọ kà ẹnịnị ẹ yị yẹ a mẹẹ̄ mè ịsa ana vọrọ. Ẹnịnị vị ana sị àko kụ ogu aza hi irehi ẹnịnị.

Imika 2:2

Aarẹ ọza ẹnẹsa vị eni eē sị eyii tụ̀ ịnị anị, dị ẹ dọ ọ. Avọọ ẹ mẹ̀ rẹẹ sị eyii tụ́ ini irehi oni irehi dị ẹ dọ ọza ana nyị nị. Ọza ọ̀ọ dà irehi anị di e si irikichi dọ ọ, ọza ọ̀ọ nyị ogu, dị ẹ rẹ vavọọ dọ ọ.

Ịzẹhwanaya 1:9

Ịhị ọnọọ, Ẹnẹyịmavara vaa sị ụya rị aza ana aa saasa ori ọnịrị aza ana aa sị àko ọnịrị apẹ kụ́ ogu aza nee hi ịnị eehi ọga ẹnịnị.

Ịmarakayị 1:13

Dị Ẹnẹyịmavara ana vị Ochẹtẹẹngụ kà, aza ẹnẹẹ ka ịsọvọ anị o ku du eni eyi, dị ẹyaa jị ọ agụ nị, dị ẹyaa sị ịsụpa ẹnẹ sị ụkata-ụkata dọ ọza ọnịrị ịsụpa ene che ahụ beri ịsụpa ọnị ẹngụ aa zị va mẹ̀ ịsọvọ yị ọnị nị. Éé ro ka ọnị va dọ ẹngụ ịsọvọ ẹnịnị ọnọọ nị?

Ịrịka 5:7

Ọ dọ irenu ebira odivi ọnị ọ̀ mẹ̀, dị o si ụta beri achehi ẹẹhị varẹma yị ọza ọnị ọ mẹ̀ ẹ hi.