Ireevi 6:3 - IWE ỌNỊNỊ

³ Ọza oo re ve he ịsa ene vu di e cheeche hị́ eku ka ọnị e yi re e nị, ọza ọnọọ ọ sị ịvị mẹ̀ hi Ẹnẹyịmavara.

Ireevi 6:3 ပူးပေါင်းရင်းမြစ်များ

Ọyịkụra 23:4

Wàa jịrị imaaru ọnịrẹyị awụ àa vị ịkẹrịkẹtẹ anị ka ộ jị tụ́ avị, sị ọ va yọ.

Ọyịkụra 28:42

Si ịta ozoza dụ wa sị jị ọvẹntẹ yị wa di è si kú ahwaahụ ẹnịnị. Ọvẹntẹ ọnọọ ọ̀ gọdọ hụụnị ọtẹ na kà wa usi.

Ụhịrẹyị 24:28

Asị ụ da ku ọza ọnị ẹ yị nyị ịsị ọ mẹ̀. Asị ụ rẹẹ̄ kà ịrẹyị ọnị eyi awụ e yi tu.

Ụhịrẹyị 30:9

Asị ịnẹ na ha ọnị baaba, dị ọnị o hi ayị Ẹnẹyịmavara. Asị osiye ọngwọọngụ za ọnị, dị ọnị o vee yi ọ tịtẹ, dị ọnị vaa mẹ̀ ụhị nyị yọ.

Ijeremaya 5:2

Dị ụ daka aa yịị kà a nịnị ka waa hẹkẹ Ẹnẹyịmavara nịnị aanị, ireche u we che nịnị nị.

Ijeremaya 7:9

Ọ kà, á vị wee ne sị oyi yi nịnị di ụ sị ọza wụ̀ nịnị nị, waa na raa sẹ̀ ịrẹka nịnị di ụ sị eku ireche hị́ nịnị nị, waa na raa mẹ̀ ịsọvọ yị ori anaā hị́ Ịbaarị nịnị dị ụ na raa hẹkẹ ori ọnị wẹ yị vịdị yẹ nịnị nị,

Ezikẹẹrị 44:19

Dị ẹ̀ va jịnẹ tụ ẹhẹ ne tu aza ana vọ ịnị ohweje ana a yà ẹhẹ, áa nyị ka ẹnịnị ẹ̀ ngwa ẹnya ẹnẹ ẹ́ kụ hi ẹngụ mẹ̀ ụkọrọ da; dị ẹ̀ kụ ọ gẹ ịnị aku ana a sị tụ irenyi yị wa. Ẹnịnị ẹ̀ kụ ẹnya ọnịnị ẹnẹ ẹ vịdị ku hi ẹngụ ọ̀ na zàmà aza ana vọ.

Ireevi 1:16

O vee hu inomi ọnọọ asịsẹ, dị ọ kụ asịsẹ anị ọnịrị iruvu va hị́ eyi ọnị ụta ịsọvọ và ka ịzị ọyịị̄ hụrẹẹ vẹ ana aā kụ atịtọ hi.

Ireevi 16:4

Ẹnẹyịmavara kà, dị Eerọnị ộ va ngụ aha ọnịnị ene hu aanị, áa nyị ka ọ̀ hụ enyi, dị ọ̀ kụ ẹnya ohirẹsụ irehi Ohomorihi hi ẹngụ: ò chire awuru ọgọdọ hwẹkẹ-hwẹkẹ anị, dị ọ̀ vụ́ aaruchi oweyi tụ ọ, ọ̀ sị obo sụ ọtẹ, dị ọ̀ jị ubobo anị.

Ireevi 19:12

À sị ẹ sị ịrẹha anị hị́ eku tụ ịrẹsụ ịrẹyị ẹnẹ ẹ̀ yị vị ịzẹyịza, dị ẹ̀ va sị mẹ̀ ụhị nyị ịrẹha ọnị Ohomorihi ẹnịnị. Ọnị ọ vị Ẹnẹyịmavara nị.

Ịzakaraya 5:4

Ẹnẹyịmavara Ochẹtẹẹngụ kà, ọnị vaa tụ́ ọ ahị hi ẹhẹ, dị ọ ngụ ịnị eehi oyi ọnịrị ọza ana hị́ eku uruku, dị ọ jị irehi ẹnịnị eburu.

Ịmarakayị 3:5

Ẹnẹyịmavara Ochẹtẹẹngụ ka, ọnị vaa ka pe wa dị ọnị ọ mẹ̀ ọkarẹyị yị wa. Dị ọnị ụsẹ jị ịvị yị aza ana aa mẹ ẹbẹ, ọnịrị ọsẹrẹka nịnị, ne beri aza ana aa hị́ eku iruku, ọnịrị aza ana aa mẹ anụkọrọ rị, aza ana aa mẹ ẹvaya yị osoku nịnị ọnịrị ozi oku nịnị ne beri azọga ọnịrị aza ẹnẹ ẹ yị nyị angwahi anị.