Ireevi 5:7 - IWE ỌNỊNỊ

⁷ Ama ọza ọnọọ ẹ̀ yị zụ sị ozi atẹmẹ à vị ẹvụ, ọ vaa sị arivadi ẹẹva à vị arekuku ẹẹva vaa mẹ̀ ịsọvọ ịvị anịị yị Ẹnẹyịmavara. A vaa sị ọnyara mẹ̀ ịsọvọ ịvị anị, dị a sị ọsa mẹ̀ ịsọvọ ana aa rị ịra.

Ireevi 5:7 ပူးပေါင်းရင်းမြစ်များ

Ireevi 12:6

Ịhị ẹkụhị ana a vọrọ ka ọnẹẹ ọnọọ ọ̀ mẹ dị ọ̀ nị ọ̀ọ sị gụ, ọ̀ọ vị ẹkụhị ozi ọnọrụ, ọ̀ọ vị ẹkụhị ozi ọnẹẹ, ọ vaa sị ozi atẹmẹ ịrayị ọnyara vee tu ohirẹsụ irehi Ohomorihi enoze irehi Ohomorihi dị ọ sị mẹ̀ ịsọvọ ana aā rị ịra. Ọ rẹ vaa sị arekuku ọnyara à vị arivadi ọnyara vẹ ọ̀ yị mẹ̀ ịsọvọ ịvị.

Ireevi 12:8

Ọnyẹnẹẹ ọnọọ ẹ̀ yị zụ sị ozi atẹmẹ ọnyara vẹ, ọ vaa sị arekuku à vị arivadi ẹẹva, àa sị ọnya mẹ̀ ịsọvọ ana aā rị ịra, dị aa sị ọsa mẹ̀ ịsọvọ ịvị. Ohirẹsụ irehi Ohomorihi vaa mẹ ido ana a vaa sị kụ ịdọtị anịị kwooze, dị ọnẹẹ ọnọọ nị.

Ireevi 14:30

Ịjọnọọ ọ vaa sị arivadi ọnya à vị arekuku ọnya

Ireevi 14:31

dị ọ sị mẹ̀ ịsọvọ ịvị, dị ọ sị ọsa mẹ̀ ịsọvọ ana aa rị ịra beri ịsọvọ ịsọyịrị. Aanị ohirẹsụ irehi Ohomorihi mẹ vaa mẹẹ mẹ avaba ịsị a vọrọ ka à mẹ dị ọza ọnọọ ọ̀ nị nị,

Ireevi 15:30

Ohirẹsụ irehi Ohomorihi ọnọnị vaa sị ọnyaa mẹ̀ ịsọvọ ịvị, dị ọ sị ọsa mẹ̀ ịsọvọ ana aa rị ịra. Aanị ọ mẹ vaa mẹẹ mẹ̀ ịsa vọrọ ka à mẹ, dị ọnyẹnẹẹ ọnọọ ọ̀ varẹma nị.

Ireevi 16:5

Avaba Anisirẹrị nịnị vaa kụụ gụ, dị ẹ sị ịdẹ ẹẹva va yị Eerọnị dị ẹ sị mẹ̀ ịsọvọ ịvị; dị ẹ sị ịdẹba ọnya mẹ̀ ịsọvọ ana aa rị ịra.

Ireevi 27:8

Ọza ana zẹẹ ịzẹzẹ ọnọnị ee ré osiye baaba, dị ẹ̀ yị zụ si ọpa irihi ana a jị tụ ọ nị, ọ vaa sị ọza ana a zẹẹ ịzẹzẹ anị aanị vee tù ohirẹsụ Irehi Ohomorihi, dị ohirẹsụ irehi Ohomorihi jị irihi ọyị pọ̀ tụ ọ yị ọ. Ọpa ụkata ọza ana zẹ ịzẹzẹ ọnọnị ọ́ vaa jị irihi yị ọ ọnị ó vee si nị.

Ireevi 5:11

Ọza ọnọọ ẹ̀ yị zụ sị arivadi ẹẹva à vị arekuku ẹẹva, ọ vaa sị ayị ọyị kwọ ikirogirami ọnyara vaa mẹ̀ ịsọvọ ịvị anị. Ẹ́ yị vaa sị angwẹ à vị eturare ọnyọọnyị tụ ọ, agụvị ka ịsị ịsọvọ ịvị ọ vị nị.

Ireevi 7:1

Ọda ẹnẹnị a vaa sị mẹ̀ ịsọvọ ọyị si ụta varẹma nị. Ịsa Ohomorihi ịnya kẹnẹ ọ vị nị.

Ireevi 9:3

Ọ̀ọ sị ọ mẹ, dị ọ̀ kà a yị Anisirẹrị nịnị ka, ẹ̀ sị ịdẹ ọnyara dị à sị mẹ̀ ịsọvọ ịvị, dị ẹ̀ sị ozi imaaru ọnyara ọnịrị ozi atẹmẹ ọnyara ẹnẹ ẹ̀ yị nyị ịsị aa zị, dị ẹ̀ vị ịrayị ọnyara, ọnọnị vị ẹnẹ ẹ vaa sị mẹ̀ ịsọvọ ana aa rị ịra.

Ịrịka 5:6

ọ̀ ka yị Anisirẹrị ka, ọza ọ̀ọ mẹ̀ ebira odivi hi ọnọhụva anị, ọ̀ rị ịvị, dị ọ sị ahụ jịnẹ ịrẹyị anị

Ịrịka 6:10

Ịhị ẹ tụ ọ ẹkụhị ịhịnta, dị ẹ̀ sị arekuku ẹẹva ne tu ohirẹsụ irehi Ohomorihi oze anaā ngụ ajẹngụ Ẹnẹyịmavara

Ịrịka 6:11

Dị ohirẹsụ irehi Ohomorihi sị arekuku ọnya mẹ̀ ịsọvọ ịvị, dị ọ sị ọsa mẹ̀ ịsọvọ anaā rị ịra. Avaba ịsọvọ ẹnịnị vị anaā gụ wa ẹngụ agụvị ka ẹ sị ụvọ kanyị oku. Ịhị ọnọọ gẹdẹ-gẹdẹ a raa varẹma tenyi sị ẹyị ẹnịnị chire Ohomorihi ụvọ nị.

Imatiwu 10:16

“Re, mị tụ́ wụ nịnị aa na anka atẹmẹ ana aa nọ ịnị akakana akatapooro nịnị avọọ nị. Agụvị avọọ â nyị ka wa tangwa yẹẹrẹ nịnị anka ẹwụ avọọ, ama dụ wa yà anka arivadi nịnị ẹnẹ ẹ̀ yị mā mẹ ọza ịrẹyị odivi avọọ.

Imatiwu 21:12

Ijeesu ộ ngụ ini irehi Ohomorihi, dị aa dụ aza ana aa sẹ ohu ini irehi Ohomorihi ọnọọ nị. Dị ọ và iteevuru ọza anaā vara ẹkẹhị nịnị angga nị, ọnịrị aga aza anaā ná arekuku nịnị.

Imatiwu 3:16

Ịjị a sị ọyịhwenyi mẹ yị Ijeesu kẹnẹ, dị ọ jịnẹ hụụnị enyi vẹ nị. Re, dị ihinẹba na hi ẹtẹ, dị o re ka Ụhwẹ Ọnịnị Ohomorihi anka arivadi avọọ, dị ọ và kú ọ nị.

Iruuku 2:24

Ẹ rẹ na ka ẹnị ẹ̀ na sị arekuku ẹẹva, àa vị ezi arivadi ẹẹva, dị ẹnị ẹ̀ sị mẹ̀ ịsọvọ, anka ọ́da Ohomorihi mẹ̀ rẹ kà a.

2 Anịkọrịntị 8:12

Wàa sị ayị sị ọọ nịnị, ọpa ịsị ụ waa nyị dị ụ sị mẹ ọgụvọ nịnị nị, Ohomorihi vaa dọ. Ọ yị kà a ka wa na sị ịsị ụ wẹ yị nyị vẹ nịnị.