Ireevi 5:5 - IWE ỌNỊNỊ

⁵ Ụmẹ ọnị ọza ọ̀ọ sị rị ịvị ẹngụ ịrẹyị ẹnẹnị, ọza ọnọọ ọ̀ na dọ irenu anị ka ọnị ọọ maanị mẹ̀ ịvị.

Ireevi 5:5 ပူးပေါင်းရင်းမြစ်များ

Ijoovu 33:27

Avọọ dị aa kà yị aza ka ọnị ọ mẹ̀ ịvị, dị ọnị mẹ̀ ịsị ẹ vọrọ, ama Ohomorihi ọ yị si ọnị atọ.

Ahẹ Ụgama 32:5

Di mi ve nyima dị maa kụ́ irenu amị nị ka mâ rị ịvị mẹ yị kụkụ dà ịvị amị ọnyọọnyị tẹ Ẹnẹyịmavara, mị ka maa dọ irenuu wụ ka mâ rị ịvị M mẹ̀ vavọọ dọ irenu, dị ụ vagu mị ịnị ịvị ọnị mị rị nị.

Ụhịrẹyị 28:13

Ẹ yị ve zoza yị ọza anaa jị oku ku ịvị anị, ama ọza anaa dọ irenu ịvị anị dị ọ va hụụnị anị, vị ọnị Ẹnẹyịmavaraā vayị anị.

Ijeremaya 3:13

Ẹnẹyịmavara kà dọ nịnị kẹnẹ ka waa rị ịvị nịnị, dị ụ kụ̀ hịrẹ ọnị ana vị Ohomorihi awụ nịnị nị. Dọ irenu nịnị ka waa mẹ̀ ebira ịrẹka ọyị sẹ, dị ụ naa hẹkẹ ori nịnị iruvo ọchị ohwoohu nịnị nị. Dọ irenu nịnị ka wẹ yị wụ́ chire Ohomorihi awụ nịnị.

Ịdanịyẹrị 9:4

Ịdanịyẹrị ka ọnị ộ mẹ̀ aduwa, dị ọnị dọ irenu ịvị ẹnịnị yị Ẹnẹyịmavara ana vị Ohomorihi anị nị. Dị ọnị kà, Ohomorihi Ananyị yị, ọnị ộ banyị dị ọ rẹ nyị avaba ụbanyị nị. Ọnị ọ rẹ yị ma sị ahụ jịnẹ ịrẹyị ọnị ọnịrị ọza ka tịtẹ nị, ọza ene sì ịrẹyị anị dị aā mẹ̀ ịsa ọnị ọ mẹ ọda anị yọ vị ọnị o sị ịrẹyị anị pooro.

Ireevi 16:21

Eerọnị vaa sị ụvọ anị ẹyịvaa tụra ẹvụ ọnọọ ịrẹsụ, dị ọ dọ irenu avaba ịsị edivi, ọnịrị ịvị ana Anisirẹrị nịnị mẹ̀ akamawụ ẹnịnịị kụ ọ ịrẹsụ, dị o chí ẹnya anị hi ẹvụ ọnọọ ịrẹsụ. Ọ̀ọ vavọọ sị ọ mẹ, dị ọ va dụ ẹvụ ọnọnị na ngụ ụnọmị. Á nyị ọza ana a nyị ka ọ̀ vavọọ dụ ẹvụ ọnọọ nị.

Ireevi 26:40

Ọ kà ama ẹnịnị ẹ̀ẹ dọ irenu ịvị ẹnịrị ohiku ẹnịnị, ohiku ẹnịnị ana và eyirazị ka ọnị, dị ẹyaa mẹ ịsị ọnị ọnị è yi sì,

Ireevi 5:13

Aanị ohirẹsụ irehi Ohomorihi mẹ vaa mẹ̀ ịsọvọ agụvị ịvị ọza ọnọọ, dị à vagu ọ nị. Avaba ayị ọnọọ ana vọ vị ó ohirẹsụ irehi Ohomorihi anka á mẹẹ̄ mẹ̀ ịsọvọ ana a sị ayị mẹ avọọ.

Ịrịka 5:7

Ọ dọ irenu ebira odivi ọnị ọ̀ mẹ̀, dị o si ụta beri achehi ẹẹhị varẹma yị ọza ọnị ọ mẹ̀ ẹ hi.

Aniroomi 10:10

Ọza ana àa sị ayị anị tụra Ohomorihi, dị Ohomorihi zaa ịrịka tụ́ ịnị ọnịrẹyịzẹyịza. Ọza ana àa sị irenu dọ ka ọnị ộ sị ayị tụra Ohomorihi, dị Ohomorihi dọ ọ há.

Ijosuwa 7:19

Dị Ijosuwa kà a, “Ozi emi, ka ịzẹyịza ịzẹnị ọvịdị Ẹnẹyịmavara ana vị Ohomorihi Anisirẹrị nịnị. Ka irenu awụ kà a mị booro anị ịsị ụ mẹ̀. Asị ụ da a gu.”