Ireevi 5:4 - IWE ỌNỊNỊ

⁴ Ọza ọọ na hị́ eku kẹnẹ-kẹnẹ ka ọnị vaa mẹ ịrẹyị ọnyọọnyị, ọọ vị ọyịza ọọ vị odivi, ịjị ọọ maanị yẹ ịsị ọnị mẹ kẹnẹ, ọ sị ịvị rị.

Ireevi 5:4 ပူးပေါင်းရင်းမြစ်များ

2 Ịsamụwẹrị 21:7

Ohinọyị ọ yị zẹẹ ka à nyị ịsị ẹ kanyị Imehwibọsẹtị ozi Ijonatani ana vị ozi Ịsọọrụ, agụvị ka â nyị eku ẹnị ẹnịrị Idevidi ne beri Ijonatani ozi Ịsọọrụ a vịdị sị hí yị ẹngụ. Ẹnịnị ệ sị Ẹnẹyịmavara tẹ ivenu ini eku ọnọọ.

2 Ohinọyị 6:31

Di ohinọyị ka, àa vị ka, dị ẹtẹ ò hozi ajịnị ọnị ẹ yị rẹ vaa jị Erisa ozi Isahwati ịrẹsụ, Ohomorihi ọ̀ wụ ọnị ụvọta.

Ahẹ Ụgama 106:33

Ẹnịnị ệ kụ̀ hịrẹ Ohomorihi ana mẹ ka Imosiisi ò nyee eyi kà ịrẹyị.

Ireevi 5:13

Aanị ohirẹsụ irehi Ohomorihi mẹ vaa mẹ̀ ịsọvọ agụvị ịvị ọza ọnọọ, dị à vagu ọ nị. Avaba ayị ọnọọ ana vọ vị ó ohirẹsụ irehi Ohomorihi anka á mẹẹ̄ mẹ̀ ịsọvọ ana a sị ayị mẹ avọọ.

Ireevi 5:3

Ọza òo nyeeyi sị ẹngụ kanyị ịsa ịnị ẹngụ ọza, ịsa tụra ịsa ọnị ọọ vị, dị ọ vị ịsa ẹnẹ ẹ yị nị jị oze ịnị ịrẹyị ahẹkẹ nị, ịjị ọọ yẹ ịsị ọnị mẹ kẹnẹ, ọ sị ịvị rị.

Ịrịka 30:6

Ọnẹẹ ẹnẹ ẹ̀ẹẹ yị va ọnọrụ ọ̀ọ hị́ eku ka ọnị vaa mẹ̀ ịsa, à vị ka vị o wo oto ka ọnị ẹ yị vaa mẹ̀ ịsa ẹnyị nị, ộ yẹ dị ọ́ hị́ eku ọnọ o, à vị ọ́ hị́ ọ kẹnẹ-kẹnẹ nị o, ọ̀ọ vana vá ọnọrụ nị,

Ịrịka 30:8

Ama ọva anị ọ̀ọ wụ ọ, dị ọ ka a sị ọ mẹ ịsị ọ hị́ eku anị nị, ộ nị ọ, ẹ̀ yị mẹ̀ ẹ. Ẹnẹyịmavara vaa vagu ọ.

Imatiwu 14:7

Dị Ịhẹrọdị hyeku ka ịsị ozi ọnọọ òo họ̀ use anị kẹnẹ, ọnị aa sịị yọ nị.

Imatiwu 14:9

Ẹngụ ọnọba ọ sị vahi, ama agụvị eku ọnị ọ sị hị́ ini eyi avaba ọzọga anị, ộ mẹ̀ ọda ka à na sị ọ va yọ.

Ịmaakị 6:23

Dị Ịhẹrọdị hyeku yọ, dị ọ ka: Ịsa tụra ịsa oni òo họ̀ use anị, ọ̀ọ daka vị achẹva ohinọyị anị, ọnị vaa sịị yọ nị.

Odeyi 23:12

Ẹnẹnẹ eyinẹhẹ anị, Aniju ẹnyị ê gẹ eyi, di e hị́ eku ka ẹnị ẹyị vaa rị, eni eyi re vee hú, àyị vị ẹnị wụ Ịpọọrụ.

Ijosuwa 2:14

Dị Anọrụ ẹnẹẹ tụ́ ozu hị́ eku ka ẹnị ẹ yị vaa wụ́ wa ịnị ụmẹ ọnị Ẹnẹyịmavara ọ sị ẹtẹ ọnọọ yi ẹnị. Ama asị Ịrahabị kụ uruvo ẹnịnị hi ẹhẹ.

Ijosuwa 9:15

Dị Ijosuwa hị́ eku beri Anigibiyọnị ka ẹnị vaa beri wa za ọta dị ẹnị navọ wa ka ẹ ra. Ọdọvịdị Anisirẹrị wo oto ka ẹnị vaa sị́ ụvọ za eku ọnị ẹnịrị wa hị́ yị ẹngụ nị.

Ọdọvịdị 11:31

Ọnị ọ sị ẹngwọọrọ varẹma vẹ ịrẹma ịrẹkụ Anamọnị ọnọọ nị, ịsa tụra ịsa anaa vịdị hụrẹ ịnị irehi va gẹrị ọnị vị ọnị ọnị aa sị yị Ẹnẹyịmavara, ọ ka, ịzẹyịza vị ọnị vaa rị ọ̀ ịra saka-saka ọ yị sị mẹ̀ ịsọvọ yị Ẹnẹyịmavara nị.

Ọdọvịdị 21:18

Dị ẹ ka, ẹnẹ yẹ ka ẹnẹ yị zụ sị ezi anẹẹ ẹnịnị yị Anịbẹnjamịnị ka ẹ nyị wa agụvị ka ẹnị ẹ ra hị́ eku ka ọza anaa vavọọ mẹ ọ yị vee zoza yị ọ.

Ọdọvịdị 21:7

Anisirẹrị ee họ̀ use ka sị ẹnị zụ mẹ dị ẹnị ẹ zụ re Anẹẹ yị aza Ịbẹnjamịnị chee ana vọ? Ệ tamayị ka ẹnị ẹ ra sị ịrẹha Ẹnẹyịmavara hị́ eku ka ẹnị ẹyị va sị ozi ọnẹẹ ẹnịnị ga Anịbẹnjamịnị.

Ọdọvịdị 9:19

Dị Ijotami ka, àa vị ịsị ẹ vọrọ ẹ mẹ hị́ Ijerubaari ọnịrị ovwoovu anị aanị, ayị ẹnịrị Abimẹrẹkị vee hine tu ẹngụ kẹ.

1 Ịsamụwẹrị 1:11

Ọ kà, “Ẹnẹyịmavara Ochẹtẹẹngụ, wèe re ụya ọnị maa rị aanị, dị ụ sị ozi ọnọrụ ọnyaa yị mị, ẹwụ mị vaa varẹma sịị yị pooro ịnị avaba ẹhẹ anị nị. Mẹ yị vaa kụ́ ọ ịrẹsụ pooro.”

1 Ịsamụwẹrị 25:22

Di Idevidi ka asị Ohomorihi zẹẹ ka ò zoza yị ọnịvị anị àa vị ka ọnị ọ yị wụ̀ avaba anọrụ ene hi ịdị Ịnabarị ẹnẹnẹ ụhwọọ.